Hezekyeri 7:27 - Kifuliiru

²⁷ Mwami agabululuka ku kimombo. Noꞌmuluzi agavunika umutima. Abandu bagakizi juguma hiꞌgulu lyeꞌkyoba. Mukuba ngabahaniiriza, ukukulikirana naꞌmabi gaabo. Ngiisi kwo bakahana abandi, kwo na kwokwo nabo ngabahana, halinde banamenye ku kasiisa kwo nie Nahano.»

Hezekyeri 7:27 Referans Kwoze

Hezekyeri 18:30

«Kwokwo, e Bahisiraheeri! Ngaahana ngiisi muguma winyu, ukukulikirana na byo agweti agaagira. Ku yukwo, mujandage amabi giinyu, gira mutayiji kengeera mwayitwa. Kwokwo, kwo nie Rurema Nahamwinyu ndesiri.

Yakobo 2:13

Iri abandu bangaba batali mu bonerana ulukogo, iri nabo batagalubonerwa. Haliko, iri bangaba bali mu lubonerana, iri nabo, mu kutwirwa ulubaaja, bagaakogwa.

Mataayo 7:2

Ngiisi kwo mugweti mugatwirana imaaja, kwo na niinyu mugayiji zitwirwa. Na ngiisi lugero lwo mugweti mugagerera kwaꞌbandi, lwo na niinyu mugayiji gererwa kwo.

Hezekyeri 26:16

Yabo batwali ba ku ngombe yeꞌnyaaja, ikyanya bagaabona ngiisi kwo mwashereezibwa, bagakanguka bweneene! Banalyoke ku bitumbi byabo byeꞌkyami, banakaturure ibyambalwa byabo byoꞌmulimbo, banayibwandalike haashi, iri banajuguma neꞌkyoba.

Hezekyeri 21:25

Nguma igaalola i Raba mu kaaya kaꞌBahamooni. Neꞌgindi inalole i Buyuda, kuguma naꞌkaaya keꞌYerusaleemu, kwo kasokaniinwi neꞌnzitiro ngomu.

Hisaaya 3:11

Halikago banangora-mabi, boohe, yayewe imwabo! Bagaahanwa, ukukulikirana naꞌmabi gooshi go bâli kizi kola.

Zaburi 9:16

Ibinyamahanga, kundu bikahumba ubuhya, haliko keera bikabuyihongoleka mwo byonyene. Neꞌkyanya bakatega amakira, kiziga amagulu gaabo, go gakagwatwa mwo.

1 Baami 20:28

Ulya muleevi wa Rurema anayegeera mwami waꞌBahisiraheeri, anamúbwira: «Nahano adetaga kwokuno: “Ku bwenge Abaharaamu badeta kwo ndi Rurema wa mu migazi, na kwo ndali Rurema wa mu ndekeera, zeene yaka kanyegete kaꞌbasirikaani, ngababiika mu maboko gaawe. Kwokwo, lyo ugaamenya kwo nie Nahano.”»

Hayubu 8:22

Kundu abagoma bangaba bakushombiri, si bagaki teezibwa ishoni. Yabo banangora-mabi, inyumba zaabo zigaashaka ngana-ngana.»

Zaburi 35:26

Ngiisi ábali mu shambaalira amakuba gaani, ubabonie ishoni, halinde bateteerwe. Na ábagweti baganyikangaatira, nabo balonge ishoni, kibe nga kyambalwa, halinde banatibaalirwe.

Zaburi 109:18

Uyo mubi, amagambo giꞌdaaki, agayambiiti nga kyambalwa. Aaho! Naye, gakwirage mu magala gaage nga magoloovi, gananywengerere mu mavuha gaage, nga mavuta.

Zaburi 109:19

Kwokwo naye, yago madaaki gamúbwikire nga mulondo, gamúsokanaane nga mukaba mu kibuno.

Zaburi 109:29

Yabo bagoma baani, ubateezagye ishoni imbere lya booshi. Na yizo shoni, zikizi babwikira nga mulondo.

Hezekyeri 8:1

Twâli mali hisa imyaka ndatu tutwazirwi imbohe mu mahanga. Mu siku zitaanu zoꞌmwezi gweꞌndatu, nâli bwatiiri mu mwani, kuguma naꞌbashaaja baꞌBayuda. Lyeryo, nanayami yuvwa kwoꞌbushobozi bwa Rurema Nahamwitu bungola mwo.

Hezekyeri 7:3

Buno, ulwinyu lwamùhikira! Na ngola ngamùhana ku buraakari bweneene. Mukuba mwâli kizi nyaagaza, mu kukizi yifunda mu bitalaalwe.

Hezekyeri 14:23

Haaho, lyo mugaamenya kwoꞌruhombo lwo naleetera yako kaaya, lutali lwa kimaama. Kwokwo kwo nie Rurema Nahamwinyu, ndesiri.»