Hezekyeri 6:12 - Kifuliiru

¹² Ngiisi útuuziri hala mu mahanga, agaafwa ku kiija. Na ngiisi útuuziri hoofi, agayitwa mwiꞌzibo. Na ngiisi úgaaba akiri ho, yehe agaafwa niꞌshali. Kwokwo, kwo bagayuvwa ngiisi kwo ngoli barakariiri.

Hezekyeri 6:12 Referans Kwoze

Hezekyeri 5:13

«Haaho, lyoꞌbute bwani bugahooha, bunamale. Mukuba umutima gwani gugaaba keera gwaholeera. Abandu banamenye kwo nie Nahano, na kwo ndi mu hana ku buraakari bwani.

Danyeri 9:7

«“E Nahano! Ngiisi byo uli mu kizi gira, bikwaniini bweneene. Haliko twehe zeene, tukoli teziibwi ishoni. Tutakiri bemeera imbere lyawe. Kyo kyanatuma watuyimula mu kihugo kiitu, twanashabukira mu mahanga ga hoofi kiri naꞌga hala. Yizo shoni, keera zatugwata, twe tutuuziri mu kihugo kyeꞌBuyuda, mu naꞌhandi mu Hisiraheeri, kiri na mu kaaya keꞌYerusaleemu.

Kimombo 4:22

E bandu beꞌSayuni! Si keera mukahanwa, munakoli ba baja hiꞌgulu lyeꞌbyaha biinyu! Kundu kwokwo, buno mukolaga mugalyoka yo. Halikago mwe bandu beꞌHedoomu, nanga! Mwehe, Nahano agaki mùhaniiriza hiꞌgulu lyeꞌbyaha biinyu. Ee ma! Yibyo byaha biinyu, agaki bibishuula!

Kimombo 4:11

Ikyanya Nahano âli koli shavwiri, anayami mwagula uburaakari bwage mu bandu baage. Anayasa umuliro mu kaaya keꞌSayuni, kanajigimba, halinde ku ndaliro zaako.

Hisaaya 40:2

Yabo bandu beꞌYerusaleemu, mubamenyeese bwija-bwija, kwoꞌbuja bwabo keera bwamala, keera banakogwa ibyaha byabo. Ee! Ibyaha byabo byoshi-byoshi, keera Nahano akabahaniiriza hiꞌgulu lyabyo ubugira kabiri.»

Hezekyeri 5:12

E Yerusaleemu! Mu bandu baawe, ikihande kiguma kya kashatu kigaafwa ku njira yeꞌkiija, noꞌmwena. Ikindi kihande, kigayitirwa imbuga lyeꞌnzitiro zaawe. Neꞌkindi íkisigiiri, ngakishabulira mu mahanga gooshi. Ngabalandiriza yo, gira ngendi bayita ku ngooti.

Hezekyeri 7:12

Ikyanya keera kyahikaga! Ee! Lulya lusiku lukoli yegiiri. Umuguzi, mutamúleke mbu ashambaale. Umudandaza naye, atakwaniini ajengeerwe. Si yabo booshi, uburaakari bwani bugabatibukira kwo.

Hezekyeri 7:15

Ngiisi ábatuuziri imbuga lyaꞌkaaya, bagayitwa ku ngooti. Na ábatuuziri mu kaaya, bo bakoli shalisiri, banakoli lwaziri. Kwokwo kwo nabo, bagaminikwa.

Yeremiya 24:10

Na naani kwakundi, ngakizi balibuza naꞌmazibo, niꞌshali, neꞌkiija. Balya booshi, ngabazimiiza, batanaki yimbwe mu kihugo, kundu nâli mali gwanwa nabaheereza kyo, bo na bashokuluza baabo.”»

Yeremiya 42:22

Ku yukwo, mumenyage bwija kwo mu kirya kihugo kyeꞌMiisiri, mugaherera mwo niꞌzibo, niꞌshali, neꞌkiija.»

Hezekyeri 33:27

«E Hezekyeri, ugendi bwira Abahisiraheeri kwo nie Rurema Nahamwinyu nadetaga kwokuno: “Nga kwo nyamiragi ho, ngiisi ábatuuziri mu twaya útukoli shasiri, bagayitwa ku ngooti. Na ngiisi ábatuuziri mu mbingiro, bagaliibwa neꞌnyamiishwa. Na ngiisi ábatuuziri ku migazi, na mu nyaala, boohe bagaafwa ku kiija.