Hezekyeri 5:8 - Kifuliiru

⁸ Kwokwo, nadetaga kwokuno: Ngola mugoma winyu, nganamùhana mu masu geꞌbinyamahanga.

Hezekyeri 5:8 Referans Kwoze

Hezekyeri 15:7

Ngabahana ngana-ngana! Na kundu bagaagira mbu batibite umuliro, si gugabajigiivya naaho. Neꞌkyanya ngaaba keera nabahana bweneene, lyo mugaamenya ku kasiisa kwo nie Nahano.

Yeremiya 24:9

Abandu baꞌmahanga gooshi, bagakizi bashomba, iri banabanegura. Ngiisi ho ngabashabulira, abandu bagakizi bashekeereza, iri banabahonyoleza noꞌkubadaaka.

Hezekyeri 21:3

Ugendi babwira: “Muyuvwirize ngiisi kwo Rurema Nahamwitu agweti agaadeta, ti: Ngola ngayasa umuliro, gira nzingoole ibiti biinyu byoshi, ibyumu, kiri neꞌbibishi. Yibyo biti byoshi, ikyanya bigagulumira kwoꞌmuliro, ndaaye úgaahasha ukuguzimya. Si abandu booshi, ukulyokera ikisaka halinde imbembe, bagahiira.

Yeremiya 21:13

E bandu beꞌYerusaleemu, nie Nahano kwokwo kwo nadeta: Mutuuziri ku marango, ku lwala úluli hiꞌgulu lyeꞌndekeera, munali mu yihaya, mbu: “Ndaaye úwangayiji tuteera, mbu anayihandalike mu kaaya kiitu kazitire!” Kundu muli mu deta kwokwo, nienyene ngakizi mùlwisa.

Yeremiya 21:5

Kiri na nienyene, nie Nahano, keera mwandaakaza bweneene. Kwokwo, naani ngamùlwisa, na ndi woꞌbushobozi bweneene.

Mataayo 22:7

«Ulya mwami, mbu abonage kwokwo, anashavura bweneene, anayami tuma abasirikaani baage, bagendi minika balya biitani, banajigiivye naꞌkaaya kaabo.

Hezekyeri 39:1

Rurema anashubi mbwira kwokuno: «E mwana woꞌmundu, utangire Googi ubuleevi, mu kumúkanukira kwo nie Rurema Nahamwinyu nadeta kwokuno: Kundu we mutwali mukulu waꞌbandu beꞌmilala yeꞌMesheki na yeꞌTubaali, haliko ngola mugoma wawe.

Hezekyeri 35:3

Ukanukirage abandu, kwo nie Rurema Nahamwinyu nadetaga kwokuno: E Bahedoomu! Ngola mugoma winyu. Kwokwo buno, ngakoleesa ubushobozi bwani, gira nyami hindula ikihugo kiinyu, kisigale ishamba.

Hezekyeri 28:22

nie Rurema Nahamwabo nadetaga kwokuno: “E bandu beꞌSidooni! Ngolaga mugoma winyu! Neꞌkyanya ngamùhana, lyo ngamùyerekana mwoꞌbulangashane bwani, lyo nganayerekana na kwo ndi mweru. Kwokwo, abandu bagaamenya ku kasiisa kwo nie Nahano.

Hezekyeri 11:9

«Ngamùyimulaga mu kano kaaya, ninamùtange mu binyamahanga. Kwokwo, kwo ngamùhana.

Kimombo 3:3

Anali mu shiiba agweti agakoleesa ukuboko kwage mu kukizi ndimbagula.

Kimombo 2:5

Nahano akayihindulira Abahisiraheeri, anayami bamirangusa. Yoho wee! Akamirangusa kiri neꞌnyumba zaabo zoꞌmulimbo, anahongola neꞌnzitiro zaabo ngomu. Kwokwo, kwo agayushuulira Abayuda amalira neꞌkimombo.

Yeremiya 50:7

Ikyanya abagoma bâli kizi bagwana, banakizi bateera. Banakizi deta, ti: “Balya bandu, mu kubateera, tutahubiri. Si keera bakahubira Nahano yenyene! Kundu bashokuluza baabo bâli kizi langaalira Nahano, haliko, abaana baabo banakizi múhubira!”

Bukengeeze 29:20

Anayami mútwa mu Bahisiraheeri, halinde anahanyagale, ukukulikirana naꞌmadaaki gooshi geꞌkihango, nga kwo gali mayandike mu kino kitaabo kyeꞌmaaja.

Hezekyeri 5:15

«Ngaaba keera namùhaniiriza ku buraakari bweneene, mu kuyagazania. Abagoma biinyu bagakizi mùshekeereza, honyo! Ikyanya bagaabona ngiisi kwo mwahanwa, bagalonga ukukengulwa, iri banahuumirwa. Ee! Bagaabona ngiisi kwo ndi mu hana ikihugo. Kwokwo, kwo nie Nahano ndesiri.

Hezekyeri 13:8

«Ku yukwo, nie Rurema Nahamwinyu nadetaga kwokuno: “Bwaꞌmabone giinyu gali ga bibeesha kuguma naꞌgandi magambo giinyu, ngolaga ngamùlwisa.” Kwokwo, kwo nie Rurema Nahamwinyu ndesiri!

Hezekyeri 30:19

Kwokwo, kwo ngaahana ikihugo kyeꞌMiisiri, halinde abandu baamwo bamenye kwo nie Nahano.»

Hezekyeri 34:10

Kundu nie Rurema Nahamwinyu, haliko buno, ngolaga mugoma winyu. Umukolwa gwoꞌkulanga ibibuzi byani, ngola ngamùnyaga gwo. Ndanâye ki yemeere, kwo mushubi bilanga. Kwokwo, mutagaki longa ubulyo bwoꞌkushubi biyungukira kwo. Yibyo bibuzi byani, ngabifuushula mu tunywa twinyu, gira mutaki shubi birya.”»

Nahumu 2:13

Ishuba mu genda, inayite inyamiishwa, inazibaagire ibuguma lyayo, naꞌbaana baayo. Ee! Ikyanya yayita inyamiishwa, inyama zaazo ziri mu yijula ibundo lyayo.

Hezekyeri 16:41

Inyumba zaawe, bagaziduulika kwoꞌmuliro, banakuhaniirize imbere lyaꞌbakazi bingi. Yubwo bushule bwawe, ugabutwikira kwo, kiri na yukwo kukizi hongana ifwaranga.