Hezekyeri 47:16 - Kifuliiru

¹⁶ Lunagenderere halinde mu kaaya keꞌBerota, na mu keꞌSiburahimu útuli ha kati keꞌkihugo kyeꞌDamasiki na kyeꞌHamaati, halinde mu kaaya keꞌHazoori-Hatikooni. Yako kaaya kali hoofi noꞌlubibi lweꞌkihugo kyeꞌHahurani.

Hezekyeri 47:16 Referans Kwoze

Hezekyeri 48:1

Gano, go maziina geꞌmilala neꞌbimaanye byabo: Ikimaanye kya Daani, kigaaba imbembe, ku butambi bweꞌnjira íri mu lola i Hetilooni, kinasooke i Lebo-Hamaati, halinde i Hazori-Henani. Yutwo twaya, tubibikiinwi neꞌkihugo kyeꞌDamasiki na kyeꞌHamaati. Kitonderiiri ku lubibi lweꞌsheere halinde imuga, ku nyaaja Mediterane. Kyekyo, kyo kimaanye kya Daani.

2 Samweri 8:8

Anashahula imiringa mingi bweneene mu kaaya keꞌBeta, na mu keꞌBerotayi. Yutwo twaya twâli riiri tweꞌmwa Hadadezeeri.

Muharuuro 13:21

Kwokwo, yabo bagahirizi banazamuuka, banagendi gahiriza ikihugo, ukulyokera mwiꞌshamba lyeꞌSiini, halinde i Rehobu, mu njira yoꞌkugenda i Hamaati.

Zakariya 9:2

Nahano anagweti aganatuma indumwa hiꞌgulu lyaꞌkaaya keꞌHamaati, ku mbande zeꞌDamasiki, kuguma noꞌtwaya tweꞌTiiro na tweꞌSidooni. Yutu twaya twoshi, kundu abandu baatwo balyagagi benge-benge, halikago bagaki hanwa nyene.

Ndondeko 14:15

Neꞌri bakayirirwa, Hiburamu anagabura abandu baage mweꞌbiso-biso. Lyeryo, banayami teera abagoma, mu kubatubiira, anabahima. Anabapuumuka kwo, halinde i Hoba, uluhande lweꞌmbembe lweꞌDamasiki.

Mikolezi 9:2

anamúhuuna amaruba go agakizi gendana mu nyumba zeꞌmihumaanano zeꞌDamasiki. Ngiisi bakulikizi ba Yesu bo agakizi gwanaga mwo, baba bashosi kandi iri bakazi, akizi bashweka, anabaleete i Yerusaleemu.

Hamoosi 6:14

Haliko, Nahano Rurema woꞌbushobozi bwoshi, adetaga kwokuno: «E Bahisiraheeri, ngola ngaleeta abagoma mu mahanga, bayiji mùteera. Yibyo binyamahanga bigamùlibuza ngana-ngana, ukulyokera i Hamaati, uluhande lweꞌmbembe, halinde ku kyambu kyeꞌHaraba, uluhande lweꞌkisaka.»

Hezekyeri 47:17

Yulwo lubibi, lugashubi lyokera ku nyaaja Mediterane, lunahike isheere yaꞌkaaya keꞌHazori-Henani. Iyo munda imbembe, kigabibikanwa neꞌkihugo kyeꞌDamasiki na kyeꞌHamaati. Kwokwo, kwoꞌlubibi lweꞌmbembe luli.

1 Kutondobola 18:5

Uyo mwami Hadadezeeri weꞌZoba, ikyanya balya Baharaamu beꞌDamasiki bakagira mbu bagendi mútabaala, uyo Dahudi anabateera, anayita mwaꞌbandu bihumbi makumi gabiri na bibiri.

1 Baami 8:65

Uyo Sulumaani, anahisa isiku zirinda agweti agakulikiriza ulusiku lukulu lweꞌbitunda imbere lya Nahano Rurema, ali kuguma naꞌBahisiraheeri booshi. Hâli riiri ikizimya-izuuba kyaꞌBahisiraheeri, boꞌkulyoka kwiꞌrembo lyeꞌHamaati mu mbande zeꞌmbembe, halinde ku lwiji lweꞌMiisiri mu mbande zeꞌkisaka. Ha nyuma, banashubi yushuula izindi siku zirinda. Zooshi kuguma, zanaba isiku ikumi na zina.

Muharuuro 34:8

Ukushaagira yaho, lunagenderere i Lebo-Hamaati, halinde i Zedadi.

Hisaaya 10:9

Akaaya keꞌKalino, keera nꞌgakashereeza, nga kwo nꞌgashereeza i Karikemishi. Kiri naꞌkaaya keꞌHamaati, nꞌgakashereeza, nga keꞌHaripaadi. NaꞌkeꞌSamariya kwakundi, nꞌgakashereeza, nga keꞌDamasiki.

Hezekyeri 27:18

Abandu beꞌDamasiki, nabo bâli kizi yiji gula ibindu byawe bingi-bingi, banakuleetere idivaayi ukulyoka i Heribooni, noꞌbwoya bweru-bweru bweꞌkibuzi ukulyoka i Zahari, neꞌbyuma bitule, neꞌbiti byaꞌmalaasi, noꞌlusheke.

Hezekyeri 47:18

«Ulubibi lweꞌsheere, lugatondeerera yaho ha kati keꞌDamasiki neꞌHahurani, lunagenderere halinde mu ndekeera yeꞌYorodaani, íri ha kati keꞌporoveesi yeꞌGiryadi neꞌkihugo kyeꞌHisiraheeri. Na kwakundi, lunalenge i Tamaari, iwa nyaaja yoꞌMuunyu. Kwokwo, kwoꞌlubibi lweꞌsheere luli.

Hezekyeri 47:20

«Uluhande lweꞌmuga, ulubibi lugabeera ku nyaaja Mediterane, ukutondeerera ikisaka, halinde imbembe yeꞌLebo-Hamaati. Kwokwo, kwoꞌlubibi lweꞌmuga luli.