Hezekyeri 43:7 - Kifuliiru

⁷ ti: «E mwana woꞌmundu, hano ho handu ikiti kyani kyoꞌbwami kiri, hanali ho ndi mu laaviza amagulu gaani. Abahisiraheeri, tugatuulanwa imyakuula. Kwokwo, iziina lyani, batâye ki lidwakaze. Kiri naꞌbaami baabo batagaki liyulubaza, mbu bakizi hayikumbira imigisi, kandi bahaziikira abaami baabo.

Hezekyeri 43:7 Referans Kwoze

Hezekyeri 43:9

Na buno, bataki kolwe mbu bashubi yikumba imigisi. Kiri neꞌbirunda byaꞌbaami baabo, babilyose ha butambi lyani. Kwokwo, lyo tugatuulanwa imyakuula.

Zaburi 47:8

Mukuba Rurema ye mwami waꞌmahanga gooshi. Ku yukwo, mukizi múyimbiraga inyimbo zoꞌbwivuge.

Balaawi 26:30

Bwo ngaaba ngoli mùjinikiiri, ngamùsheregeza ho mugweti mugayikumbira imizimu. Kiri noꞌtutanda two muli mu giyokera kwoꞌmubadu, ngatuhongola. Ibirunda biinyu, ngabilasha ku migisi yinyu ífwiri namunyogo.

Bwigule 22:3

Mu yako kaaya, mutagaki bonekaga íbidaasirwi. Ikitumbi kya Rurema kyo kigaaba mwo, neꞌkya yikyo Kyanabuzi. Abakozi baage bagakizi múyikumba,

Hezekyeri 20:39

«E Bahisiraheeri, nie Rurema Nahamwinyu ngweti ngaadeta kwokuno: Mugendererage ngana noꞌkukizi yikumba imigisi yinyu. Haliko, hagaatama munashubi nzimbaha, mutanaki shubi ndeeza ishoni, mu kutanga amatuulo giinyu imweꞌmigisi.

Hezekyeri 1:26

Mwomwo, nanabona íkiri nga kitumbi kyeꞌkyami, kigizirwi niꞌbuye liija lyeꞌsafiiri. Na ku yikyo kitumbi, kwâli bwatiiri úli nga mundu.

Zaburi 99:1

Nahano, ye mwami, anabwatiiri ha kati ka bamakerubi. Kwokwo, abandu beꞌmilala yoshi bakizi juguma. Bakizi lenga mwoꞌmusisi hooshi mu kihugo.

1 Kutondobola 28:2

Yabo booshi, iri bakahikaga, Dahudi anayimuka, anababwira: «E beene witu, naꞌbandu baani, mweshi munyuvwirize. Njubi shungisiri kwo nyubake inyumba ya Nahano, na mbiike mwaꞌKajumba keꞌKihango kya Nahano, ngiisi ho agakizi laaviza amagulu gaage. Nanatondeera ukushungika ngiisi kwo ngagiyubaka.

2 Bakorindo 6:16

Inyumba ya Rurema úli mugumaana, ka yangagira mbu ihuugize kuguma neꞌmigisi? Neꞌyo nyumba yage, twe twehe! Biryagagi nga kwo Rurema yenyene adesiri kwokuno: «Ngatuula mu kati kaabo, na ngizi balenga-lenga mwo. Na mbe Rurema wabo. Nabo banabe bandu baani.»

Yohana 14:23

Yesu anamúshuvya: «Umundu, iri angaba anguuziri, ali mu simbaha naꞌmagambo gaani. Daata agamúkunda. Twe na Daata tugayiji mútuula mwo.

Yohana 1:14

Ulya Igambo, akayiji ba mundu, anayiji tuula mu kati kiitu. Twanabona ubulangashane bwage. Mukuba, âli kininga kya Yishe, anâli yijwiri mwoꞌbugashaane, noꞌkuli.

Mataayo 28:20

Birya byoshi byo keera nꞌgamùbwira, mubayigirize kwo nabo bakizi bisimbaha. Munamenyage bwija kwo tuyamiinwi, halinde ukuhisa ku mberuuka yeꞌkihugo.»

Zakariya 13:2

Nahano woꞌbushobozi bwoshi, adetaga kwokuno: «Ku kirya kyanya, ngashaaza imigisi mu Bahisiraheeri. Kiri naꞌmaziina gaayo, gagayibagirwa lwoshi-lwoshi. «Ngazimiiza abaleevi beꞌbibeesha, kiri neꞌmizimu íri mu bakoleesa.

Hosheya 14:8

Bagashubi tuula mwiꞌdako lyoꞌbulaazi bwani, Bagakizi gangaala nga ngano, Banayase bwija nga mizabibu. Bagaaba noꞌmuhongolo mwija, nga gweꞌdivaayi yeꞌLebanooni.

Hezekyeri 48:35

Yibyo bibambaazi byoshi kwo biri bina, ukubizunguluka, ziri meetere bihumbi mwenda. Ukulyokera ku yikyo kyanya, yaka kaaya kakola kagakizi detwa: Yaho ho Nahano ali.»

Hezekyeri 39:7

Ngayereka abandu baani Abahisiraheeri ngiisi kwiꞌziina lyani liri lyeru. Ndagaki leka kwo likizi gayirizibwa. Haaho, lyeꞌbinyamahanga bigaamenya ku kasiisa kwo nie Nahano, Rurema Mutaluule waꞌBahisiraheeri.

Hezekyeri 10:1

Mu galya mabone, nanalangiizagya mu kyanyaanya, nanabona íkyâli shushiri nga kitumbi kyeꞌkyami, kyanâli niꞌbara nga liꞌbuye liija lyeꞌsafiiri. Yikyo kitumbi, kyâli riiri hiꞌgulu lyaꞌmatwe ga balya bamakerubi.

Yeremiya 17:12

Ukulyokera ku ndondeko, inyumba ya Rurema iri mu gingikwa, nga kitumbi kyeꞌkyami. Iyo nyumba, iri mwoꞌbulangashane, hanali handu hiitu heeru.

Yeremiya 16:18

Yibyo byaha byabo, ngabiyihoola ubugira kabiri. Mukuba, keera bayulubaza ikihugo kyani, mu kukiyijuza mweꞌmigisi. Iyo migisi, si iryagagi nga birunda, bwo itali mwoꞌbugumaana! Inali mu yagazania bweneene!»

Yeremiya 14:21

Kundu kwokwo, utakolwe mbu utujandage. Tutaloziizi kwiꞌziina lyawe lidukwe. Si we gweti úgagingikwa ku kitumbi kyawe kyeꞌkyami! Kwokwo kirya kitumbi, utaki kijamburiise, kinali noꞌbulangashane. Kirya kihango kyo tukanywana, ukikengeerage maashi, utanaki shubi kihongola.

Yeremiya 3:17

Ku yikyo kyanya, i Yerusaleemu igakizi detwa Kitumbi kya Nahano. Abandu booshi bagakuumana yo, gira bakizi ngingika. Batagaki ba mindagabika. Si amabi ágalyagagi mu mitima yabo, bagagatwikira kwo.

Hisaaya 66:1

Nahano adetaga kwokuno: «Igulu, kyo kitumbi kyani kyoꞌbwami. Neꞌkihugo, kyo ndi mu laaviza kwo. Aaho! Hayagi ho mugaki nyubakira inyumba? Ka hali ahandu ho nangaluhuukira?

Hisaaya 6:1

Mu mwaka gwo mwami Huziya akafwa kwo, lyo nâli riiri mu mabone. Nanalangiiza Nahano abwatiiri ku kitumbi kyeꞌkyami, kyanâli shuumiri bweneene! Ikanju lyage lyâli kizi lembeera mu nyumba yage yoshi.

Zaburi 132:14

Anadeta: «Hano, ho ngakizi luhuukira, halinde imyaka neꞌmyakuula. Hano handu, ho ngabwatala ku kitumbi kyani kyeꞌkyami. Ee! Haahano!»

Zaburi 99:5

Rurema Nahamwitu, ali mweru bweneene. Kwokwo, mukizi fukama imbere lyage, iri munamúhuuza.

Zaburi 68:18

Nahano akalyoka ku mugazi Sinaayi, anayiji beera ahandu haage heeru, akulikiirwi naꞌmagaare gaage goꞌkubululwa, ganali kandaharuurwa.

Kulyoka 29:45

Ngola ngatuula mu Bahisiraheeri, na mbe ndi Rurema wabo.

Zaburi 46:5

Mu kaaya ka Rurema, muli ulwiji. Amiiji gaalwo, gali mu shagalusania. Yako kaaya, kali keeru bweneene, hanali ho Rurema yenyene atuuziri, ulya úli hiꞌgulu lya byoshi.

Hezekyeri 6:5

Ibirunda byaꞌBahisiraheeri, ngabilambika imbere lyeꞌyo migisi yabo. Nganashabulira imigongolo yabo haaho ha butambi lyoꞌtutanda twabo.

Hezekyeri 6:13

«Ibirunda byabo, bigaaba bikoli lambisirwi imbere lyeꞌmigisi yabo, noꞌtutanda twayo. Bigabeera kwiꞌrango lya ngiisi higangazi, na ngiisi mugazi, na mwiꞌdako lya ngiisi kiti íkiyajabusiri, na ngiisi ho bâli kizi gendi tangira imigisi yabo amatuulo. Aahago! Lyeryo, lyo bagaamenya ku kasiisa kwo nie Nahano.

Kulyoka 25:8

«Na kwakundi, Abahisiraheeri bangirire Ahandu Heeru, gira tutuulanwe.

1 Baami 8:13

Haliko buno, keera nakuyubakira inyumba ya kahebuuza, gira ukizi tuula mwo imyaka neꞌmyakuula.»

2 Baami 16:4

Ahaazi âli kizi genda mu mbeero na ku tugangazi, kiri na mwiꞌdako lya ngiisi kiti íkidohiri, anatange amatuulo goꞌkusiriiza imweꞌmigisi, iri anagiyokera umubadu.

Zaburi 68:17

Aahago! Umugazi gwo Rurema akatoola kwo agayiji tuula kwo, kituma kiki uki gweti ugaagulya ikisuure? Si haaho ku mugazi gwage, ho Nahano agakizi tuula, halinde imyaka neꞌmyakuula!

Mika 4:7

Ee! Balya ábakalemaha, ngakizi balanga. Na kundu bâli yimwirwi, ngashubi bakania, gube mulala gweꞌmisi. Nie Nahano ngaaba mwami wabo ku mugazi gweꞌSayuni, ukulyokera zeene, halinde imyaka neꞌmyakuula!

Zakariya 13:3

Iri umundu angashubi tanga ubuleevi bweꞌbibeesha, emwe! Yishe bo na nyina boonyene, bagamúbwira: “Si ufitiirwi ukubeesha kwiꞌziina lya Nahano. Aahago! Ukufwa, ugaafwa!” Neꞌkyanya agaaba aki gweti agaadeta ubuleevi bweꞌbibeesha, lyo balya babusi boonyene, bagayami múyita neꞌngooti.