Hezekyeri 4:16 - Kifuliiru

¹⁶ Anashubi mbwira: «E mwana woꞌmundu, mu kaaya keꞌYerusaleemu, ngashereeza mweꞌkihinda kyeꞌbyokulya. Abandu, ikyanya bagakizi birya, bigakizi gerwa. Biganakizi liibwa mu kati keꞌkyoba. Kiri naꞌmagoloovi nago, gagakizi gerwa, banakizi ganywa bashengusiri.

Hezekyeri 4:16 Referans Kwoze

Hezekyeri 5:16

«Ku yikyo kyanya, ngamùshalisa, gira nimùshereeze. Neꞌkyanya umwena gugagunuuzagya, lyo mugayiyuvwa nga myambi ikola mu mùshita.

Hisaaya 3:1

Lolagi! Ibindu bya mu kihugo kyeꞌBuyuda, kiri neꞌbya mu kaaya keꞌYerusaleemu, Nahano Rurema woꞌbushobozi bwoshi, agaki bisivya. Abandu batanaki be noꞌbulyo bwoꞌkulonga ibyokulya, kandi iri miiji.

Balaawi 26:26

«Ngamùyima ibyokulya. Abakazi ikumi, bagakizi koleesa ikiyokero kiguma naaho, mu kuyokya imikate. Na mu kumùhakira, bagakizi mùheereza utukoojoka tuniniini. Kwokwo, kundu mugakizi lya, halikago mutagayuvwa kwo mwashaluuka.

Hezekyeri 14:13

«E mwana woꞌmundu! Abandu beꞌkihugo kirebe, iri bangambubira, banabe batali bemeera imwani, ngakoleesa ubushobozi bwani, mu kushereeza ibihinda byabo byeꞌbyokulya. Banabe bakoli shalisiri bweneene, halinde na mbaminike kuguma neꞌbitugwa byabo.

Zaburi 105:16

Yaho mu kihugo kyeꞌKaanani, Nahano akashalisa abandu baage. Ngiisi ho bâli kizi longera ibyokulya, anabaleetera umwena naaho.

Kimombo 5:9

Mu kuloozagya ibyokulya biitu, tuli mu yibiika ho twangasiga amatwe. Abiitani bagweti bagatuhinda-hinda mwiꞌshamba.

Kimombo 1:11

Abandu beꞌYerusaleemu, booshi bakola mu genda bagalooza byo bagaalya, iri banagongeera. Keera bakanatanga ibindu byabo byeꞌkishingo, mbu lyo babilonge, halinde bahembuluke. Banakola mu banda akashiba, ti: «E Nahano, utulolage kwo we kongwa! Si tukola mu negurwa bweneene!»

Zaburi 60:3

E Rurema, si ukoli turakariiri. Keera ukatujanda, wanatushaabula. Kundu kwokwo, we kongwa, ushubi tugalulira imwawe.

Bwigule 6:5

Kirya Kyanabuzi, ikyanya kikanunguula inungu ya kashatu, nanayuvwa kwo kirya kingisho-ngisho kigumaana kya kashatu nakyo kyadeta: «Uyijage!» Neꞌkyanya nꞌgalangiiza, nanabonaga ifwarasi yoꞌmukara! Na úwâli gishoniri kwo, âli fumbiiti ulugero.

Yeremiya 52:6

Mu lusiku lwoꞌmwenda, lwoꞌmwezi gwa kana, mu kaaya keꞌYerusaleemu umwena mukayu gwanagunuuza mwo, halinde hatanaboneka kiri na íhyangaliibwa.

Kimombo 5:4

Amagoloovi giitu, leero tukola mu gagula. Kiri neꞌshaali ziitu, zikola neꞌkishingo kikayu.

Hezekyeri 4:15

Nahano naye, ti: «Bwija! Ikyanya ugakoleesagya umuliro mu kuyokya umukate, nakuhanguula kwo ukoleese amashe geꞌngaavu, ho wangakoleesa amavi.»

Hamoosi 4:8

Kyanatuma, abandu bagakizi genda mu ngiisi kaaya, gira balooze byo bagaanywa. Yohoo! Galya miiji ga hala, gatatwa inyoota. Kundu kwokwo, mutakangalukira. Kwokwo, kwo nie Nahano ndesiri.

2 Baami 6:25

Mu yako kaaya, umwena gwanagunuuza mwo, halinde itwe lya punda, lyanagulwa ku bingorongoro makumi galimunaana byeꞌharija. Neꞌgarama igana zaꞌmazongoroko geꞌngunde, zikagulwa ku bingorongoro bitaanu byeꞌharija.

2 Baami 25:3

Mu lusiku lwoꞌmwenda lwoꞌmwezi gwa kana, umwena gwanagunuuza bweneene mu kaaya, halinde hatanaki boneka íhiyimbwa hyokulya.