Hezekyeri 39:18 - Kifuliiru

¹⁸ Yizo nyama, ziri zeꞌbirunda byaꞌbasirikaani, na yugwo muko guli gwaꞌbaluzi beꞌkihugo. Yabo bakulu booshi, bagatongeerwa nga bipanga, kandi iri ibyanabuzi, kandi iri ibihebe, kandi iri shuuli ízishishiri zeꞌBashaani.

Hezekyeri 39:18 Referans Kwoze

Zaburi 22:12

Kundu kwokwo, buno amakuba gangola hoofi, ndaanaye woꞌkundabaala. Aaho! Utanyisungage hala.

Yeremiya 51:40

«Balya Bababeeri, ngabayabiira, gira bagendi tongeerwa. Bagabatongeera nga byanabuzi, neꞌbipanga, neꞌbihebe.

Hamoosi 4:1

E bakazi beꞌSamariya! Munyuvwirize bwija! Si mujeziri ngana nga ngaavu zeꞌBashaani! Munagweti mugakizi vindagaza ábagoozirwi, kiri naꞌbakeni. Mugweti mugakizi bwira bayibalo: «Mutuleterage idivaayi, tunywe!»

Hezekyeri 29:5

Haahago, na ngendi kulasha mwiꞌshamba, kuguma na zirya fwi zooshi. Ugayideedeka haashi, ndaanaye úgakutoola, mbu agendi kuziika. Si keera nꞌgatanga amagala gaawe, bibe byokulya byeꞌnyamiishwa, na byoꞌtunyuni!

Yeremiya 50:27

Muminikage abasirikaani baamwo booshi. Mubayite nga kwo muli mu yita ibitugwa. Yayewe imwabo! Si ulwabo keera lwahikaga! Kikola kyanya kyoꞌkubahaniiriza.

Bwigule 19:21

Balya basirikaani baabo nabo, booshi banaminikwa neꞌrya ngooti íyâli mbangike mu kanwa koꞌlya úwâli shoniri ku fwarasi yeꞌkitare. Ibirunda byabo, utunyuni twoshi twanayiji birya.

Hezekyeri 34:17

«Na niinyu mwe bibuzi byani! Nie Rurema Nahamwinyu, ngweti ngamùbwira kwokuno: Bwo nie mungere winyu, ngakizi twa imaaja za ngiisi muguma winyu. Ee! Ngakizi twa imaaja ha kati keꞌbipanga neꞌbihebe.

Hezekyeri 34:8

Nga kwo nyamiri ho, nie Rurema Nahamwinyu, birya bibuzi byani, ndaaye mungere ye biki hiiti. Inyamiishwa ndangi keera zikabiyilala mwo, zanakizi bijanganula. Na kundu mwâli ho, mutâli kizi gendi bishakula. Ho mwangabishakuliiri ibyokulya, mwanakizi yiliisa mwenyene.

Yeremiya 50:11

«E Bababeeri, ikyanya mukagendi shahula abandu baani ibindu, mwanaba mukoli shambiiri bweneene. Mwanasimba-simba nga nyana íri mu ndagiriro. Izu liinyu, likola nga lyeꞌfiizi yeꞌfwarasi.

Hisaaya 34:7

Kundu abashosi bangabiiri bali neꞌmisi nga yeꞌmbogo, kandi iri yeꞌshuuli, halikago, ukufwa bagaafwa naaho. Kirya kihugo kyoshi kigakwira mwoꞌmuko naaho-naaho. Noꞌluvu lunanywerere mweꞌbinyule byabo.

Zaburi 68:30

Kwokwo, lyaꞌbaami bagakizi kuleetera amatuulo mu nyumba yawe i Yerusaleemu.

Bukengeeze 32:14

Banakizi kama amata mu ngaavu, na mu bibuzi, na mu mbene. Banakizi longa inyama zeꞌbyanabuzi, na zeꞌbipanga, na zeꞌbihebe. Banakizi lya ingano nyiija. Banakizi kanda idivaayi mu mizabibu, banakizi ginywa.

Yeremiya 46:5

«Aahago! Biki byo mbwini? Si abasirikaani beꞌMiisiri bakoli humiirwi! Keera bahimwa, banakolaga mu tibita. Kiri neꞌbikalage byabo, bikola mu puumuka, buzira kukebaanuka. Iri bali mu gira mbu balangiize ngiisi luhande, banateerwe neꞌkyoba.

Hezekyeri 39:19

Yabo basirikaani, ikyanya ngakizi bayita gabe matuulo, utunyuni neꞌnyamiishwa bikwiriiri bikizi lya inyama zeꞌbinyule halinde binayigute. Binakizi nywa noꞌmuko, halinde gubilaluse.

Hisaaya 34:6

Irya ngooti yani ikoli yijwiri umuko gweꞌkipanga, na gweꞌkihebe, kiri na gweꞌbyanabuzi, kuguma neꞌbinyule byeꞌnyama yeꞌfiko. Yehee! Nahano akolaga agatanga ituulo mu kaaya keꞌBosira. Akola agayita abandu bingi mu kihugo kyeꞌHedoomu.