Hezekyeri 39:10 - Kifuliiru

¹⁰ Yabo Bahisiraheeri batagaki ba niꞌgoorwa, mbu bagendi looza ishaali mu ndalo, kandi iri bagendi sheenya mu kishuka. Mukuba yizo siribo ízigaaba zasigwa, zo bagakizi koleesa zibe ngongeezo. Balya bagoma booshi ábakashahula ibya beene, nabo bagabishahulwa. Kwokwo, kwo nie Rurema Nahamwinyu ndesiri.

Hezekyeri 39:10 Referans Kwoze

Hisaaya 33:1

Yayewe imwinyu, mwe Bahasuriya! Kundu mugweti mugaminikana, si mwenyene mutazindi minikwa. Na kundu batazindi mùtanga mu bagoma, si mwehe mugweti mugatangana mwo. Yuvwagwi! Ikyanya mugaaba keera mwashereezania, lyo na niinyu mugashereezibwa. Neꞌkyanya mugaaba keera mwayusa ukusongerana mu bagoma, lyo na niinyu mugasongerwa mwo.

Hisaaya 14:2

Yabo Bahisiraheeri, ibinyamahanga byonyene bigakizi bagalula, binabatwale imwabo. Kundu byo byâli kizi vindagaza Abahisiraheeri, haliko leero, Abahisiraheeri bo bagabitwala imbohe mu kihugo kya Nahano, binahinduke baja baabo, naꞌbaja-kazi baabo, halinde banakizi bikoleesa.

Mika 5:8

Kwokwo, lyo mugalonga ukuhima abagoma biinyu. Ee! Yabo bagoma booshi, munakizi baminika.

Bwigule 18:6

Ngiisi kwo kakagirira abandi, kube kwo niinyu mugakagirira, kiri noꞌbugira kabiri kaakwo.

Bwigule 13:10

Umundu, iri akashungikirwa kwo agagwatwa imbira, iri aganagigwatwa nyene. Na ngiisi úkashungikirwa kwo agayitwa ku ngooti, iri aganagiyitwa kwo. Bwo biryagagi kwokwo, kyo kitumiri abandu ba Rurema bakwiriiri bakizi gooyera, iri banayama bali bemeera.»

Mataayo 7:2

Ngiisi kwo mugweti mugatwirana imaaja, kwo na niinyu mugayiji zitwirwa. Na ngiisi lugero lwo mugweti mugagerera kwaꞌbandi, lwo na niinyu mugayiji gererwa kwo.

Habakuki 3:8

E Nahano! Ka wâli rakariiri inyiiji? Ka kiri neꞌnyaaja ukazilangamira, halinde uyije mu bibungu, nga úli mwiꞌgaare, neꞌfwarasi zaalyo zikola mu ganga hiꞌgulu lyoꞌbuhimi?

Habakuki 2:8

Mwâli kizi shereeza ibihugo bingi, kuguma noꞌtwaya twabyo, iri munashahula ibindu byabo. Na ngiisi ábâli tuuziri mwo, mwanakizi bayita. Kwokwo, ibindu biinyu nabyo, ngiisi ábagaaba baki sigiiri, bagayiji bishahula.

Kulyoka 12:36

Nahano anagira Abamiisiri bakunde Abahisiraheeri. Neꞌkyanya bakahuuna Abamiisiri yibyo bindu, banakizi baheereza byo. Kwokwo, kwaꞌBahisiraheeri bakalonga ibindu byabo.

Kulyoka 3:22

Si ngiisi mukazi, akwaniini ahuune umutuulani wage woꞌMumiisiri, kandi iri Mumiisiri-kazi útuuziri mu nyumba yage, kwo amúheereze ibirugu íbikatulwa mu harija, na mu nooro, amúhuune neꞌbyambalwa. Kwokwo, kwo mugayambika abaana biinyu, abanyere naꞌbatabana. Kwiꞌyo njira, kwo mugalonga ibindu byaꞌBamiisiri.»

Hezekyeri 39:11

«Ku yikyo kyanya, ngalingaania ho mugaziikira ulya Googi, bo naꞌbasirikaani baage. Ee! Bagaziikwa yaho mu kihugo kyeꞌHisiraheeri, mu kabanda kaꞌBabalama, uluhande lweꞌsheere lweꞌNyaaja yoꞌMuunyu. Haaho, ho Googi agaziikirwa kuguma na yabo baabo. Yako kabanda, kakola kagakizi detwa Kabanda kaꞌbasirikaani bingi ba Googi.

Zakariya 14:14

Balya Bayuda, bagaalwa ha Yerusaleemu. Baganashahula ibindu bya birya binyamahanga batuliinwi, ngeꞌnooro, neꞌharija, neꞌbyambalwa byeꞌkishingo.