Hezekyeri 36:3 - Kifuliiru

³ «Ku yukwo, e Hezekyeri! Utangage ubuleevi, kwo nie Rurema Nahamwinyu nadeta kwokuno: E migazi yeꞌHisiraheeri! Abagoma biinyu ukulyoka i mahanga, bâli kizi mùteera imbande zooshi. Na buno, mukola mu maboko gaabo. Bagweti bagamùshembuula, iri banamùhonyoleza!

Hezekyeri 36:3 Referans Kwoze

Yeremiya 18:16

Ikihugo kyeꞌBuyuda, keera bakihindula mushaka. Na ngiisi úli mu kilenga mwo, ali mu zuuza itwe, mu kusoomerwa. Mango kyashereezibwa, bagasoomerwa ngana-ngana!

1 Bakorindo 4:13

Neꞌkyanya bali mu tudetera buligo, tuli mu bashuvya mu kati koꞌbutuudu. Halinde buno, tukiri mu bonwa ngiꞌdavwangira lya mu kihugo, nga niꞌshingwe lyamwo.

Danyeri 9:16

Yibyo byaha biitu, kuguma noꞌbuligo bwa bashokuluza biitu, byo bitumiri akaaya keꞌYerusaleemu kakola mu kizi gayirizibwa naꞌbandu baꞌmahanga gooshi. Naꞌbandu baawe, bagweti baganegurwa. «“E Nahamwitu! Ukukulikirana na ngiisi kwo uli mu gira íbikwaniini, utaki gwatwe noꞌbute hiꞌgulu liitu. Si akaaya kaawe Yerusaleemu, kali ku mugazi gwawe mweru!

Hezekyeri 13:10

«Na íbitumiri mugaahanwa, bwo yabo baleevi babi bali mu habura abandu baani mu kukizi babwira, mbu: “Umutuula guli ho”, kiziga ndaanagwo. Abandu baani, iri bangayubaka uluzitiro lwoꞌlunjega-njega, yabo baleevi banayiji lushiiga kwoꞌluhemba, lyo bayerekana kwo lukomiri.

Kimombo 2:5

Nahano akayihindulira Abahisiraheeri, anayami bamirangusa. Yoho wee! Akamirangusa kiri neꞌnyumba zaabo zoꞌmulimbo, anahongola neꞌnzitiro zaabo ngomu. Kwokwo, kwo agayushuulira Abayuda amalira neꞌkimombo.

Kimombo 2:2

Nahano atakayuvwirwa abandu baage ikimino, si akayami bashereegeza inyumba zaabo. Na bwo âli koli rakiiri, anayami hongola inyumba zooshi zaꞌBayuda. Ubwami bwabo, anabudeedeka haashi, anabubonia ishoni, kiri naꞌbatwali baabo.

Yeremiya 52:1

Mwami Zedekiya, ikyanya akayima, âli kola neꞌmyaka makumi gabiri na muguma. Anahisa imyaka ikumi na muguma atwaziri i Yerusaleemu. Nyina, ye wâli Hamutali, munyere Yeremiya, wa mu kaaya keꞌRibuna.

Yeremiya 51:34

«Twe bandu beꞌYerusaleemu, mwami Nebukandeneza weꞌBabeeri akatuhima, anatushereeza. Akatushahula ibindu, twanasigala nga nyungu maata, anayami bimira nga mujoka muhamu. Anayabiiraga ngiisi byo âli loziizi, anabuli tuyimula mu kihugo kiitu.»

Yeremiya 33:24

«E Yeremiya, ka wayuvwa ngiisi kwaꞌbandu bakola mu deta? Si badesiri kwo Nahano keera akajanda Abahisiraheeri, kiri naꞌBayuda! Banagweti bagabanegura, mbu batakiri mulala.

Yeremiya 24:9

Abandu baꞌmahanga gooshi, bagakizi bashomba, iri banabanegura. Ngiisi ho ngabashabulira, abandu bagakizi bashekeereza, iri banabahonyoleza noꞌkubadaaka.

Migani 1:12

Tugabamirangusa, bakiri bagumaana, nga kwokulya Nakuzimu ali mu gira. Babe nga balya ábatibukira mu kirimbi-rimbi.

Zaburi 79:10

E Rurema, ibinyamahanga keera byayona umuko gwaꞌbakozi baawe. Aahago! Kituma kiki wangaki leka kwo bikizi tuhonyoleza ti: «Rurema winyu alyagagi hayi?» E Rurema, utuyereke ngiisi kwo ugayihoola ibinyamahanga.

Zaburi 69:12

Ee! Ikyanya ndi mu jengeerwa, bali mu mbonyoleza.

Zaburi 61:1

Izaburi ya Dahudi, imwoꞌmwimangizi waꞌbimbi. Iri mu yimbwa kwiꞌzu lyoꞌlulanga.

Zaburi 35:25

Utanabaleke kwo bakizi yihaya kwokuno: «E balya, leero twamúmira lwoshi, nga kwo twâli loziizi.»

Bukengeeze 28:37

Iyo munda Nahano agamùtwala, mugahuumira abandu bweneene. Bagakizi mùshekeereza, noꞌkukizi mùhonyoleza, honyo!

Balaawi 26:43

«Yikyo kihugo, ikyanya kikiri kimaata, kikwaniini kishambaale nga kwo kikoli luhuusiri. Ku yikyo kyanya, bagayemeera ukuhanwa, mbu bwo bâli shombiri imaaja zaani, banalahira ukuzisimbaha.

Yeremiya 2:15

Si abagoma baabo bagweti bagabalundumira nga ndare! Emwe! Bakola mu balangamira. Yabo bagoma, keera bakashereeza ikihugo kyoshi kyaꞌBahisiraheeri, banasiga utwaya twabo biguuka, bizira bandu.

Kimombo 3:62

Yabo bagoma baani, bali mu shiiba mulege-rege gwoshi, bagweti baganyimomootera, iri banangamba.

Hezekyeri 12:20

Utwaya twinyu, kundu tuki yijwiri abandu, tugasigala biguuka, halinde ikihugo kinasigale kimaata. Kwokwo, lyo mugaamenya ku kasiisa kwo nie Nahano.»

Hezekyeri 35:13

Ngiisi kwo mugweti mugayikangaata, iri munanduka, keera nabiyuvwa.

Hezekyeri 36:5

Kundu kwokwo, nie Rurema Nahamwinyu nadetaga kwokuno: Yibyo binyamahanga, ngoli gweti ngabirakarira. Neꞌngingwe, ngoli rakariiri Abahedoomu. Si bagweti bagangayiriza, iri banayiraata, mu kudeta mbweꞌkihugo íkishuba kyeꞌmwani, keera bakigwata, kinakola kyeꞌmwabo!

Hobadiya 1:13

Neꞌkyanya bakalonga ibala, mukayami yifunda mu kaaya kaabo. Kundu bâli gweti bagashambuuka, mwanashubi gendi baloleera. Beene winyu bakayiji shahulwa ibindu byabo. Aahago! Kituma kiki niinyu, mukayiji binyaga?

Zaburi 79:4

Buno, yibyo binyamahanga, bikiri mu tuhonyoleza, wa honyo. Bikiri mu tuhonyoleza, iri binatushekeereza.