Hezekyeri 34:4 - Kifuliiru

⁴ Ibibuzi íbivunisiri indege, mutagweti mugabihahalira. Na íbilwaziri, mutali mu bibuka. Na íbiri mu vunika, mutali mu bishweka atushange. Na íbyahabuka, mutali mu bigalula. Na íbiteresiri, mutagweti mugabilooza. Si ibibuzi, mugweti mugabitwala ku kashuushi, iri munabilibuza bweneene.

Hezekyeri 34:4 Referans Kwoze

Mataayo 9:36

Balya bandu booshi, iri Yesu akababona, anabayuvwirwa indengeerwa bweneene. Mukuba, bâli kizi hahazibwa, banabe babuziri woꞌkubatabaala, nga bibuzi bizira mungere.

Hezekyeri 34:16

«Ikyanya bigakizi yangaara-yangaara, binabe bikoli teeresiri, ngakizi gendi bishakula, halinde na mbigalukire i kaaya. Neꞌkyanya bigakizi vunika, ngakizi bibuka. Neꞌkyanya bigaaba bikoli jehusiri, ngabikania indege. Halikago, ngiisi íbishishiri, binabe biki kaniri, byohe, ngabishereeza. Na bwo ndi mungere, ngakizi bilanga byoshi ku njira íkwaniini.

Mataayo 10:6

Si mukizi genda naaho mu Bahisiraheeri. Mukuba, bo bali nga bibuzi íbiteresiri.

Baheburaniya 12:12

Ku yukwo, kundu mukoli yolohiri, musikamagye amaboko giinyu, kiri naꞌmadwi giinyu!

2 Bakorindo 1:24

Tutaloziizi ukukizi mùkayira ku bwemeere bwinyu, munakoli busikamiri mwo. Haliko tuli mu kolera kuguma, halinde lyo mulonga ukushambaala.

Yeremiya 8:22

E balya! Kituma kiki inguma zaꞌbandu baani zitazi kira? Mu kihugo kyeꞌGiryadi, ka mutalyagagi umuti gwoꞌkuzilunga? Ka ndaaye mufumu úki ba mwo?

Mataayo 24:49

Ulya mukozi, anatondeere ukulimbagula abaabo bakozi. Anakizi lya noꞌkunywa kuguma naꞌbalalwe, iri anayifunda mu bitalaalwe.

Mataayo 21:35

Haliko, yabo bahiizi banabagwata. Muguma, banamúlimbagula. Noꞌgundi, banamúyita. Ugundi naye, banamúvurumika amabuye.

Yeremiya 22:13

Nahano anadetaga kwokuno: «E mwami Yoyakimu, yayewe imwawe! Si ugweti ugayiyubakira inyumba nyiija ku njira yoꞌkugungana! Ugweti uganayubaka inyumba ízishoneriini kwo, mu kulyalyania abandi bandu. Unali mu koleesania ku kimaama, buzira mbembo,

Hisaaya 56:10

Si ibirongoozi byabo ziryagagi mbuuta, binali bizeeze! Booshi bali nga tubwa tweꞌmishega, útutali mu moka. Bali mu lembwa niꞌro naaho. Banayamiri bali mu tendera, iri banaroroota.

Balaawi 25:43

Utakizi bakoleesa ku kahaati. Haliko, ukizi nzimbaha.

Hisaaya 1:5

Aahago! Kituma kiki mugenderiiri noꞌkumúhindulira ingoto? Ka muloziizi ukuhanwa? Si itwe lyawe keera lyayijula mweꞌbihando! Kiri noꞌmutima gukoli lwaziri ngana!

Hisaaya 3:7

Halikago, uyo mwene wabo, agabanaakira kwokuno: «Hafe! Ndaako kamaro ko nimùhitiiri! Si mu mwani, ndahiiti ihiteerwa ku shinda, hiba hyokulya kandi iri hyambalwa. Ku yukwo, bitangaziga kwo munyimike, mbe mutwali winyu!»

Hezekyeri 19:6

Iyo ndare, nayo kwakundi yanakula, yanayiheta ku zaabo, nayo yanatondeera ukukizi hiiva, iri inajanganula-janganula izindi nyamiishwa, kiri naꞌbandu.

Hezekyeri 19:7

Ngiisi nzitiro zaꞌbandu bâli kizi yibisha mwo, iyo ndare yanakizi gendi ziteera, inashereeze kuguma noꞌtwaya twamwo. Ikyanya yâli kizi lunduma, ikihugo kinahuumirwe bweneene, kuguma na ábakituuziri mwo.

Hezekyeri 19:9

Byanagibiika mu kitiri, ishwesirwi niꞌgera, byanagitwala imunda mwami weꞌBabeeri. Neꞌyo munda, byanagilasha mu nyumba yeꞌmbohe, gira ikilundumo kyayo kitaki shubi yuvwikana mu migazi yeꞌHisiraheeri.»