Hezekyeri 33:11 - Kifuliiru

¹¹ «Ubabwire, ti: “Nie Rurema Nahamwinyu nadetaga kwokuno: Nga kwo nyamiri ho, ndagweti ngashambaalira ulufu lwaꞌbandu babi. Haliko, ndoziizi kwo batwikirage ku mabi gaabo, lyo balonga ukulama. Aaho! Na nyinyu, e Bahisiraheeri! Mutwikirage ku mabi giinyu! Kituma kiki mugweti mugayiloogeza ulufu?” Kwokwo, kwo nie Rurema Nahamwinyu ndesiri.

Hezekyeri 33:11 Referans Kwoze

1 Timoteyo 2:4

Mukuba, Rurema aloziizi kwaꞌbandu booshi balongage ukumenya ibyoꞌkuli, banakizibwe.

Hezekyeri 18:23

«Aahago! Ikyanya abanabyaha bali mu yitwa, ka mutoniragi kwo ndi mu shambaala? Nanga, maashi! Ngweti ngalooza kwo bajandage amabi gaabo, gira bakalonge ukuramba. Kwokwo, kwo nie Rurema Nahamwinyu ndesiri.

2 Peturu 3:9

Nahano atanagweti agatindiriza mu kugira byo akalagaania, nga kwo baguma batoniri. Si aki gweti agamùyigenderera bweneene. Mukuba, ataloziizi kwo hagirage kiri noꞌmuguma winyu úgashereera. Si aloziizi kwaꞌbandu booshi bangatwikira ku byaha byabo.

Mikolezi 3:19

«Ku yukwo, mutwikirage ku byaha biinyu! Munahinduke bandu ba Rurema, gira lyeꞌbyaha biinyu bihotolwa.

Migani 8:36

Si ngiisi ábatali mu ndonga, boohe, bali mu yikululira umwama boonyene. Ee! Ngiisi ábanjombiri bakuuziri Narufu.»

Hosheya 14:1

Abatuulaga beꞌSamariya bakahuba, banayiyogookola Rurema wabo, kyanatuma bagaahanwa. Bagayitwa ku ngooti. Naꞌbaana baabo, bagahondwa-hondwa. Na bamaawe ábakoli hiiti inda, bagabunduulwa amabunda.

Migani 1:23

Iri mwangayemiiri ukuyerekezibwa, nangamùyoniiri mwoꞌmutima gwani, na ngizi mùmenyeesa neꞌmitono yani.

Yeremiya 3:22

Yohoo, e baana bahemu! Mungalukirage ngana, halinde nimùkoge.» Abandu banashuvya, ti: «We Rurema Nahamwitu. Ku yukwo, tukolaga tugakugalukira.

Hosheya 11:8

«E Bahisiraheeri, ka byanganzigira kwo nimùjande? Kutagi kwo nangamùbiika mu maboko gaꞌbagoma? Ka mubwini kwo nangamùshereeza, nga kwo nâli shereziizi akaaya keꞌHadima? Ka nangamùhongolera akaaya, nga kwo nꞌgahongola akaaya keꞌSeboyimu? Nanga maashi! Umutima gwani, gutaki yisiri mu nda! Na ngweti ngamùyuvwirwa indengeerwa bweneene.

Hezekyeri 14:6

«Ku yukwo, ugendi bwira Abahisiraheeri kwo Rurema Nahamwitu adeta kwokuno: “Mutwikire ku byaha biinyu, munajande ukukizi yikumba imigisi. Mulekage ukukizi nyaagaza!

Kimombo 3:33

Atanali mu siima kwo akizi libuza abandu, kandi iri akizi bajengeeza.

2 Samweri 14:14

Íbiri ukuli, ukufwa, tweshi tugaafwa. Mukuba, tuli nga miiji ágayonekera kwiꞌdaho, gatanâye ki shamatwe. Neꞌri umundu angaba keera afwa, kiri na Rurema atangaki múgalula. Haliko mugala wawe úkapuumuka, wehe mwami, uki gweti ubushobozi bwoꞌkumúgalula.

Danyeri 9:13

Nga kwo biri biyandike mu maaja za Musa, kwo na kwokwo ukatuhaniriza. Kundu kwokwo, e Rurema Nahamwitu, tutazi twikira ku byaha biitu, tutanazi kuhuuna ulukogo.

Hezekyeri 5:11

Nga kwo nyamiri ho, nie Rurema Nahamwinyu nakyula kwokuno: Bwo keera mukayulubaza inyumba yani, ku njira yoꞌkugibiika mweꞌmigisi, neꞌbindi íbiri mu yagazania, naani ndagaki mùkejeerera, ndaanaye ugatoloboka.

Mikolezi 26:20

Nanayami tondeera ukuyigiriza abandu beꞌyo munda i Damasiki, kwo batwikirage ku byaha byabo, babe bandu ba Rurema. Banakizi gira imikolezi miija yoꞌkuyerekana kwo keera babitwikira kwo. Ha nyuma, nanagendi yigiriza gaago-gaago magambo na mu bandu beꞌYerusaleemu, naꞌba mu poroveesi yoshi yeꞌBuyahudi, halinde na mu bandu beꞌgindi milala kwakundi.

Muharuuro 14:21

Haliko, nga kwo ndyagagi mugumaana, na nga kweꞌkihugo kyoshi kiyijwiragi mwoꞌbulangashane bwani,

Hisaaya 49:18

Uyinamule amasu, unalangiize imbande zooshi. Abandu baawe booshi, bakolaga mu kukumanira. Nga kwo nyamiragi ho, yabo baana baawe bagaaba nga bungeni-ngeni bwoꞌkukulimbiisa. Ee! Balya booshi, bagaaba nga bindu byoꞌkulimbiisa umuhya.» Kwokwo, kwo Nahano adesiri.

Yeremiya 46:18

«Nie Nahano woꞌbushobozi bwoshi, nie na Mwami, nabiika indahiro: Nga kwo nyamiri ho, umugoma akola agayiji mùteera. Alyagagi mula ngoꞌmugazi Taboori, anali nga kwoꞌmugazi Karimeeri guli ku nyaaja.

Yeremiya 22:24

Nahano adetaga kwokuno: «E Koniya, mugala mwami Yoyakimu weꞌBuyuda! Ngola ngakujanda! Nga kwo nyamiri ho, nahiga kwo kundu wangabiiri naꞌkamaro imwani nga mbete yaꞌkamangu ku kuboko kwani kweꞌlulyo, haliko, nangaki kuyihogola.

Muharuuro 14:28

Ku yukwo, ugendi babwira: “Nga kwo ndyagagi mugumaana, amagambo go mugweti mugaadeta, go na gaago ngamùgirira.

Sefaniya 2:9

Nahano woꞌbushobozi bwoshi, Rurema waꞌBahisiraheeri adetaga kwokuno: «Nga kwo nyamiri ho, balya Bamohabu, naꞌBahamooni, ngabashereeza lwoshi. Ee! Ngabashereeza ngana, nga kwo nꞌgashereeza abandu beꞌSoodoma naꞌbeꞌGomora. Ikihugo kyabo, kigahinduka ishamba lyeꞌmishuugi, neꞌbinogo byoꞌmuloba, kinasigale mushaka, halinde imyaka neꞌmyakuula. Abandu baani ábagaaba basigiiri, bagagendi shahula ngiisi byo baloziizi, banayiji yabiira kiri neꞌkihugo kyabo.»

Barumi 14:11

Biri nga kwo biyandisirwi mu Mandiko Meeru, kwokuno: «Nahano adetaga kwokuno: “Nga kwoku nyamiri ho, kwo na kwokwo ngiisi mundu agaki fukama imbere lyani, iri anadeta kwo nie Rurema.”»

Hezekyeri 16:48

«Ku kasiisa, nie Rurema Nahamwinyu, nga kwo nyamiragi ho, mulumuna winyu wa Soodoma naꞌbaana baage, batâli kizi gira amabi mwene yago mwe na banyere biinyu mukagira.

Hayubu 37:23

Rurema woꞌbushobozi bwoshi, tutangamenya ngiisi kwo ali. Ali kikalage bweneene, anali woꞌkuli. Atanali mu shobania imaaja, mu kutuhana ku njira ítali nga yo.

Yeremiya 3:12

Aahago! Ugendi babwira kwokuno: “E Bahisiraheeri, si mutali bemeera! Mugirage mungalukire. Ndagaki mùrakarira! Si nyamiri ndi mu kejererana. Niehe, ndaayo nziikira nduulana.”» Kwokwo, kwo Nahano adesiri.

Yeremiya 44:7

«Ku yukwo, nie Nahano woꞌbushobozi bwoshi, Rurema waꞌBahisiraheeri nadetaga kwokuno: “Si keera mwayikululira gobwe-gobwe! Aahago! Ka muloziizi kwaꞌBayuda booshi bahere? Ka munaloziizi kwo hataki sigale kiri na woꞌmuti, aba mushosi, kandi iri mukazi, kandi iri mwana muto?

Yuheeri 2:12

Nahano adetaga kwokuno: «Bwo muki hiiti ikyanya, mungalukirage ku mutima gwinyu gwoshi. Si kikola kyanya kyoꞌkuyishalisa, na kyoꞌkulira, na kyoꞌkujengeerwa.

Zaburi 51:15

Haaho, lyo ngakizi yigiriza abanabyaha ibyeꞌmwawe. Ee ma! Ngabagalulira imwawe.

Hisaaya 21:12

Uyo mulaliizi anamúshuvya: «Bukola bugaakya! Kundu kwokwo, bugaki shubi yira. Neꞌri wangashubi buuza, bwija naaho! Ukashubi yiji mbuuza.»

Yeremiya 44:8

Si mugweti mugandaakaza, mu kuyokera imigisi umubadu! Aahago! Mwe muhungiiri mu Bamiisiri, kutagi mukola mu hoza imigisi yabo? Si mugaahera lwoshi-lwoshi, halinde ibinyamahanga byoshi binakizi mùdaaka, iri binamùhonyoleza!