Hezekyeri 32:4 - Kifuliiru

⁴ Ngakukabulira i bulambo áhayumiri. Neꞌkyanya ugaafwa, ngaleeta utunyuni neꞌnyamiishwa zooshi biyidagadule ikirunda kyawe.

Hezekyeri 32:4 Referans Kwoze

Hisaaya 18:6

Abasirikaani baawe, ikyanya bagaaba bakoli fwiri, bagaliibwa na banyunda, neꞌnyamiishwa. Yabo banyunda bagaahisa ikikamo kyoshi, bakiri mu mùjanganula. Neꞌkyanya kyeꞌmbondo, lyeꞌnyamiishwa nazo zigatondeera ukukaaja amavuha.

Hezekyeri 29:5

Haahago, na ngendi kulasha mwiꞌshamba, kuguma na zirya fwi zooshi. Ugayideedeka haashi, ndaanaye úgakutoola, mbu agendi kuziika. Si keera nꞌgatanga amagala gaawe, bibe byokulya byeꞌnyamiishwa, na byoꞌtunyuni!

Yeremiya 25:33

Ku kyanya Nahano agaminika abandu, ibirunda byabo bigashaabukira i bulambo, binalambikwe hooshi mu kihugo nga nagiira. Ndaanaye úgabikuumania, ndaanaye úgabalirira, mbu abiziike.

Yeremiya 8:2

Iyo migongolo, bagagikabulira mijande-mijande, inasigwe haaho ku kyanya kiꞌzuuba, na kyoꞌmwezi, neꞌndonde. Mukuba, beene iyo migongolo bâli kuuziri ukukolera byebyo bya mwiꞌgulu. Banâli kizi bihanuusa, iri banabiyikumba. Ku yukwo, imigongolo yabo, ndaaye úgashubi yiji gikuumania, mbu agiziike. Si igasigala haashi mijande-mijande ngiꞌsukiro.

Hisaaya 66:24

«Abandu baani bagakizi huluka, banagendi gwana ibitumba byo ábakahuna imbere lyani. Biyamiri biri mu liibwa neꞌbitwera íbitâye fwe. Binahiire noꞌmuliro úgutâye zime. Abandu booshi, ikyanya bagaabona kwokwo, bagahuumirwa bweneene!»

Hisaaya 14:19

Si wehe, ikirunda kyawe kikashaazibwa mwiꞌheero. Ukolaga nga kaanafu, kaꞌbandu bataki loziizi. Si buno, ukolaga ugamanukira i nakwere! Ukola nga kirunda kyaꞌbandu balibata-libata kwo, unakoli luuzirwi kweꞌbindi birunda. Byoshi kuguma, binayami lashwa mu kishimo hiꞌgulu lyawe.

Zaburi 74:14

We kafuta-futa kiri naꞌmatwe geꞌkingisho-ngisho Levyataani. Umutumba gwakyo, wanagutobera inyamiishwa mwiꞌshamba.

Zaburi 63:10

Kundu abandu bangaba baloziizi ukunyita, haliko bagashereezibwa naaho, banalindimulirwe i nakwere.

Hezekyeri 35:8

Iyo munda mu migazi, ngiisi ábagayitirwa yo, ibirunda byabo bigayijula yo. Ee! Ngiisi ábagayitwa mwiꞌzibo, ibirunda byabo bikasigala mu tugangazi, na mu tubanda, kiri na mu misima.