Hezekyeri 32:23 - Kifuliiru

²³ Yizo shinda ziyisiri bweneene, mwiꞌdako lyaꞌbandi abafwiri. Iyeꞌmwage izungulusirwi na zeꞌkiso kyage. Ikyanya bâli ki riiri bagumaana, bâli kizi leeza abandi booshi mweꞌkinyukura. Halikago buno, nabo keera bakayitwa booshi mwiꞌzibo.

Hezekyeri 32:23 Referans Kwoze

Hezekyeri 26:20

«Neꞌri hagaatama, na ngulindimulire i kuzimu, gira ugwane yo ábakafwa kare. Ugabeera yeyo imyaka neꞌmyakuula, kuguma naꞌbandi abafwiri. Utanâye ki lyoke yo, mbu ushubi tuula mu bagumaana.

Hezekyeri 26:17

Haaho, banatondeere ukuyiganyira, iri banayimba ulwimbo lwoꞌkugandaara Tiiro kwokuno: “E kaaya ákalumbuusiri bweneene! Si abandu baawe bo bâli batwali ba ku nyaaja, halinde abandu banakizi bayoboha. Kundu kwokwo, ukoli shereziibwi. Abandu baawe, keera bayimulwa áhali inyaaja!

Zaburi 27:13

Kundu kwokwo, ndangaliiri kwo ngagenderera ukuba ho, halinde na ndonge ukubona ubwija bwa Nahano.

Hezekyeri 32:32

Nꞌgaleka mwami weꞌMiisiri akizi leeza abandi mweꞌkinyukura. Kundu kwokwo, agagendi lambikwa mu bakayitirwa mwiꞌzibo kuguma naꞌbasirikaani, batanayiji Rurema. Kwokwo, kwo nie Rurema Nahamwinyu ndesiri.»

Yeremiya 11:19

Nâli riiri nga kibuzi íkiri mu sholerwa mu kugendi tongeerwa. Lirya igambi lyabo, ndâli yiji kwo liri lya kulooza ukunyita. Banakizi yimokooza, ti: «Ehee! Ulya mwene amagambo, tumúzimiizagye, halinde atakizi ki deta. Ee ma! Tumúyite, halinde ayibagirwe lwoshi mu kihugo!»

Hisaaya 38:11

Nanashubi deta: Ala nie! Ndâye ki bone Nahano mu bagumaana. Mu batuuziri mu kihugo, ndâye ki bone umundu yeshi-yeshi.

Zaburi 142:5

Ngweti ngalooza woꞌkuyiji ndabaala, haliko, ndaaye úndwaziizi. Ndaanaye úli mu mbahala, ndaanaho nangatibitira.

Zaburi 116:9

Ku yukwo, ikyanya kyoshi ngaaba ngiri ho, ngakizi kukulikira.

Hayubu 28:13

Ndaaye mundu úwangamenya akamaro koꞌbwitegeereze, mukuba butali mu boneka mu bakiri bagumaana.

Nahumu 1:14

E Ninaawi! Keera Nahano akyula hiꞌgulu lyawe: «Mutâye ki bute abandi abaana, mbu banashubi yinikwa amaziina giinyu. Si mu ndaaro zeꞌmizimu yinyu, ngashaaza imigisi yoshi-yoshi. Bwo mukoli bihuusiri bweneene, ngweti ngamúhumbira ishinda.»

Hisaaya 14:17

Ka atanali ye kahindula ikihugo, kibe ngiꞌshamba? Si ye wâli kizi hongola utwaya twamwo, atanahanguula imbohe kwo zigalukire imwabo!”