Hezekyeri 32:10 - Kifuliiru

¹⁰ Ikyanya bagakizi yuvwa kwo wanyanyagwa haashi, bagalenga mweꞌkinyukura. Ngiisi mwami agakizi yitaaniza, mbu hali ikyanya naye angayitwa. Abandu booshi bagaaba noꞌmwizingeerwe.

Hezekyeri 32:10 Referans Kwoze

Hezekyeri 27:35

Abatuulaga booshi ba ku nyaaja, ikyanya bakabonaga íbikakukoleka kwo, banakanguka. Abaami baabo banayoboha bweneene, halinde amalanga gaabo ganayami zizibala ku mwizingeerwe.

Hezekyeri 26:16

Yabo batwali ba ku ngombe yeꞌnyaaja, ikyanya bagaabona ngiisi kwo mwashereezibwa, bagakanguka bweneene! Banalyoke ku bitumbi byabo byeꞌkyami, banakaturure ibyambalwa byabo byoꞌmulimbo, banayibwandalike haashi, iri banajuguma neꞌkyoba.

Bwigule 18:10

Na hiꞌgulu lyoꞌkulibuzibwa kwako, bagahuumirwa. Banayisunge hala nako, iri banayiganyira kwokuno: «Yayewe imwawe! Yayewe imwawe, e kaaya kahamu keꞌBabeeri, we shuba kikalage! Si ku kino kihe kiguma naaho, keera walonga ikihano kyawe!»

Zakariya 11:2

E biti byeꞌshindano, mubululukage. Si ibiti byeꞌmyerezi, kundu biryagagi bila bweneene, haliko bikakunyuka naaho. E migazi yeꞌBashaani! Na niinyu, mubululuke! Kundu ulubako lwinyu lushuba luhamu bweneene, buno keera lukatemwa.

Hezekyeri 30:9

Ku yikyo kyanya, ngalungika indumwa, zigendi kanga Abahendyopiya. Kundu bagweti bagayihenda, kwo baki tuuziri mu kati koꞌmutuula, haliko ikyanya Abamiisiri bagaminikwa, nabo bagalenga mwoꞌmusisi. Ee! Yulwo lusiku, ukuhika, lugaahika ngana!”

Yeremiya 51:9

Ibinyamahanga byanashuvya: «Tukagira mbu tukize i Babeeri, haliko shoobe! Muleke, tuyigendere, ngiisi muguma mu kihugo kyabo. Si Abababeeri, ibihano byabo bikoli luziri bweneene, binahisiri mu kibungu!»

1 Baami 9:8

«Iyi nyumba, kundu ikiri ya kahebuuza, haliko ha nyuma, igasigala mushaka. Ngiisi mundu woꞌkulenga hoofi lyayo, agakizi zuuza itwe, iri anayibuuza: “Maki gano? Kituma kiki Nahano agira ibala mwene yiri mu kino kihugo, na kwiꞌyi nyumba?”

Bukengeeze 32:41

Ndi mu tyaza ingooti yani, na ngiyugihye. Abagoma baani, ngola ngabatwira ulubaaja. Ngola ngabayihoola. Ngiisi ábagweti bagangayiriza, ngabahemba íbibakwaniini.

Bukengeeze 29:24

«Bagalonga lino ishuvyo: “Nahano, Rurema wa bashokuluza baabo, ikyanya akahulusa Abahisiraheeri mu kihugo kyeꞌMiisiri, bakanywana ikihango. Halikago, yikyo kihango, banayiji kihongola.

Hisaaya 30:32

Balya Bahasuriya, Nahano yenyene agakizi balwisa. Iyo ngoni, ikyanya agakizi bakubula yo ubugira kingi, Abahisiraheeri bagashambaala, iri banalasa ingoma neꞌnzeeze.