Hezekyeri 31:2 - Kifuliiru

² «E mwana woꞌmundu, ubwire mwami weꞌMiisiri kuguma naꞌbandu baage kwokuno: “Ewe! Si ulyagagi mukulu bweneene! Ndaaye gundi úgweti úgakuyigera.

Hezekyeri 31:2 Referans Kwoze

Hezekyeri 29:19

«Kwokwo, nie Rurema Nahamwinyu nadetaga kwokuno: Kirya kihugo kyeꞌMiisiri, ngakiheereza Nebukandeneza, mwami weꞌBabeeri. Yehe, agashahula ibindu byamwo byoshi, analonge byo agahemba mwaꞌbasirikaani baage.

Hezekyeri 31:18

«Kwokwo, e Miisiri! Mu biti byoshi bya mu ndalo yeꞌHedeni, ndaakyo íkiri nga we, ku bukalage bwawe, na ku bulangashane bwawe. Kundu kwokwo, naawe ulyagagi nga yibyo biti. Mukuba, naawe ugagendi lambama mu bafwiri, balya ábatatwaziizi Rurema, banayitwe mwiꞌzibo. Bigaanaba kwokwo kiri neꞌmwa mwami weꞌMiisiri, naꞌbandu baage booshi. Kwokwo, kwo nie Rurema Nahamwinyu ndesiri.»

Hezekyeri 30:10

«Nie Rurema Nahamwinyu nadetaga kwokuno: “Ngakoleesa mwami Nebukandeneza weꞌBabeeri, mu kumala abandu katundu mu kihugo kyeꞌMiisiri.

Bwigule 10:11

Haaho nanabwirwa, ti: «Uki kwiriiri ushubi tanga ubuleevi hiꞌgulu lyeꞌmilala mingi, neꞌbihugo bingi, neꞌndeto nyingi, naꞌbaami bingi.»

Yeremiya 1:17

«E Yeremiya, uyibiikage ibiringiini, uyimuke! Na ngiisi magambo gooshi go ngakutekerera, ukizi babwira go. Utagire mbu ukizi bayoboha! Mukuba iri wangabayoboha, naani ngayami kuhemula imbere lyabo.

Yeremiya 1:5

«Ikyanya ndazi kubumba mu nda ya nyoko, nâli koli kuyiji. Ikyanya utâli zaazi butwa, nâli mali gwanwa nakutaluula, nanakutoola kwo ugaaba muleevi mu binyamahanga.»

Hezekyeri 29:15

Ee ma! Yubwo bwami, butagasikama, butanâye ki twale agandi maami. Bataganaki shubi yiheemya hiꞌgulu lyaꞌbandu beꞌgindi milala. Mukuba boonyene bagaaba bataki sikamiri.