Hezekyeri 30:8 - Kifuliiru

⁸ Yikyo kyanya, ngajigiivya i Miisiri ku muliro, na nvungule-vungule abatabaazi baabo booshi. Haaho, lyo bagaamenya ku kasiisa kwo nie Nahano.

Hezekyeri 30:8 Referans Kwoze

Hezekyeri 29:6

«“Haaho, lyaꞌbatuulaga booshi beꞌMiisiri bagaamenya kwo nie Nahano. «“E bandu beꞌMiisiri! Ikyanya Abahisiraheeri bâli gweti bagamùlangaalira, mwanaba nga ngoni yiꞌsanga, inali nzira misi.

Hamoosi 1:14

Ku yukwo, inzitiro zaꞌkaaya kaabo keꞌRaba, ngola ngazishonoolera kwoꞌmuliro, gunasingoole kiri neꞌnyumba zaamwo ngomu zooshi. Emwe! Yulwo lusiku, izibo ligakungula ngana-ngana! Hanabaagage ulunganga lwingi, nga lweꞌkihuhuuta.

Hamoosi 1:12

Ku yukwo, akaaya kaabo keꞌTemaani, ngola ngashonoolera kwoꞌmuliro, gunasingoole kiri neꞌnyumba ngomu zooshi za mu keꞌBosira.»

Hamoosi 1:10

Ku yukwo, inzitiro zaꞌkaaya kaabo, ngola ngazishonoolera kwoꞌmuliro, gunasingoole kiri neꞌnyumba zaamwo ngomu zooshi.»

Hamoosi 1:7

Yako kaaya keꞌGaza, ngola ngakashonoolera kwoꞌmuliro. Gunasingoole kiri neꞌnyumba zaamwo ngomu zooshi.

Hamoosi 1:4

Kwokwo, akajumiro keꞌmbaga yoꞌmuhisi mwami Hazaheeri, ngola ngakashonoolera kwoꞌmuliro. Ee! Irya nyumba nyiija ya mwami Beni-Hadaadi, ngagisingoola lwoshi.

Hezekyeri 30:16

Ee! Ngajigiivya ikihugo kyoshi kyeꞌMiisiri. Abandu beꞌSiini bagateerwa neꞌkyoba kingi bweneene. Inzitiro zeꞌMefiisi zigahongolwa. Naꞌbandu baayo, bagakizi shenguka.

Hezekyeri 30:14

Ngashereeza akaaya keꞌPaturo. Naꞌkaaya keꞌSowani, ngakajiviivya ku muliro. Nganahana akaaya keꞌTebeesi.

Hezekyeri 29:16

Yabo Bamiisiri, Abahisiraheeri batâye ki balangaalire, mbu babatabaale. Ikyanya Abahisiraheeri bagabonaga ngiisi kwaꞌBamiisiri bakoli hanirwi, bagakengeera ngiisi kwo nabo bâli hubiri, mu kubalangaalira. Kwokwo, lyo bagayiji menya kwo nie Rurema Nahamwabo.”»

Hezekyeri 29:9

Kinatumage ikihugo kiinyu kyeꞌMiisiri kigahinduka ishamba limaata. Kwokwo, lyo mugaamenya kwo nie Nahano. «“Bwo mwâli kizi deta kwoꞌlwiji Niire luli lweꞌmwinyu, na mbu mwe mukalubiika ho,

Hezekyeri 22:31

Ku yukwo, ngabarakarira, halinde uburaakari bwani bubasingoole. Kwokwo, kwo ngabahaniiriza hiꞌgulu lya ngiisi byo bâli kizi gira.» Kwokwo, kwo Rurema Nahamwitu adesiri.

Zaburi 58:11

Balya banangora-mabi, ikyanya bagaahanwa, lyaꞌbandu boꞌkuli bagashambaala, iri banakizi fina mu muko gwabo.

Hamoosi 2:5

Ku yukwo, ngola ngashonoolera ikihugo kyabo mwoꞌmuliro, gunasingoole inyumba ngomu zooshi za mu kaaya keꞌYerusaleemu.»

Hamoosi 2:2

Ku yukwo, ngola ngashonoolera ikihugo kyabo mwoꞌmuliro, gunasingoole inyumba ngomu za mu kaaya keꞌKeryoti. Yabo Bamohabu, bagaminikwa mu lunganga lwiꞌzibo. Bagakizi banda akashiba, iri banadihiriza ibibuga.

Hezekyeri 28:26

Bagakituula mwo mu kati koꞌmutuula, banashubi yubaka inyumba, iri banabyale neꞌmizabibu. Ee ma! Yibyo binyamahanga byo babibikiinwi, kundu bibashombiragi, haliko ngaki bihana byoshi, halinde Abahisiraheeri banashubi tuula mu mutuula. Haaho, lyo bagayiji menya kwo nie Rurema Nahamwabo.»

Hezekyeri 28:24

Nahano agweti agaadeta kwokuno: «Ibinyamahanga, balya ábatuuziri hoofi-hoofi naꞌBahisiraheeri, bâli kizi balibuza ngeꞌmishuugi, neꞌmigunga. Kundu kwokwo, batâye ki shubi balibuza. Haaho, lyo bagayiji menya kwo nie Rurema Nahamwabo.

Kimombo 4:11

Ikyanya Nahano âli koli shavwiri, anayami mwagula uburaakari bwage mu bandu baage. Anayasa umuliro mu kaaya keꞌSayuni, kanajigimba, halinde ku ndaliro zaako.

Hisaaya 42:25

Kyo kikatuma agaturakarira bweneene, anatuleka tuyogogozibwe mwiꞌzibo lyeꞌngunguula. Uburaakari bwage butusokaniini nga ngulumira. Kundu kwokwo, tutazi sobanukirwa. Yubwo buraakari, kundu bukahambiri tujigiivya, si tutaki butwaziizi.

Bukengeeze 32:22

Uburaakari bwani, buli mu yaka nga muliro, bunali mu yika, halinde i nakwere. Buli mu siriiza íbiri mu mera kwiꞌdaho. Buli mu jigiivya haashi, halinde indaliro zeꞌmigazi.

Hezekyeri 39:6

Ikihugo kyeꞌMagoogi, ngakiduulika mwoꞌmuliro, gunajigiivye kiri naꞌbatuulaga booshi ba mu tulira, kundu bajeberiiri. Kwokwo, lyo booshi bagaamenya ku kasiisa kwo nie Nahano.

Zaburi 46:10

Agweti agaamala izibo, halinde ukuhisa haꞌmahanga gooshi gahekiiri. Agweti agavuna imiheto, wa koto! Naꞌmatumu, ali mu gajajagula. Kiri neꞌsiribo, ali mu zisiriiza.