Hezekyeri 30:12 - Kifuliiru

¹² Lulya lwiji Niire, ngaluyumya. Neꞌkihugo íkiri ha butambi lyalwo, ngakiheereza abandu babi. Kyoshi, ngakoleesa ibinyamahanga, gira bikishereeze kuguma na ngiisi íbikiri mwo. Kwokwo, kwo nie Nahano ndesiri.”»

Hezekyeri 30:12 Referans Kwoze

Hezekyeri 29:3

Umúbwire kwo nie Rurema Nahamwinyu nadetaga kwokuno: E mwami weꞌMiisiri! Ngolaga mugoma wawe. Si ukola nga ngoona ígwejiri mu lwiji Niire! Unagweti ugayikangaata, ti: Luno lwiji luli lweꞌmwani! Mukuba nie kalubiika kwo lube ho.

Bwigule 16:12

Umuganda wa kalindatu, naye anamwaguliraga íbiri mu mutanga gwage mu lwiji luhamu Hefuraati. Yulwo lwiji lwanakama, gira habe injira yaꞌbaami bagalenga mwo. Yabo baami, bâli lyosiri uluhande lweꞌsheere.

1 Bakorindo 10:26

Mukuba, «Ikihugo, na byoshi íbikiri mwo, biri bya Nahano.»

Nahumu 1:4

Ikyanya ali mu kyula, inyaaja neꞌnyiiji zinayami kama. Kiri neꞌndagiriro nyija zeꞌBashaani, na zeꞌmigazi yeꞌKarimeeri zinagubuuke. Noꞌtwaso tweꞌLebanooni, tunaholoke.

Hezekyeri 31:12

«Abasirikaani balangi bweneene ukulyoka i mahanga bagakikubira haashi, banakisige haaho. Amatavi gaakyo, maguma gagagwira ku mugazi, naꞌgandi hooshi mu ndekeera, kiri na mu tubanda twoshi. Abandu booshi ábashubi bwatiiri mu kimbehwa kyakyo, bagalyoka yaho, banakisige kyonyene.

Hezekyeri 28:10

Ukufwa kwawe, ugaafwa nga kabwa mu maboko geꞌbinyamahanga. Kwokwo, kwo nie Rurema Nahamwinyu ndesiri.”»

Yeremiya 51:36

Nahano adetaga kwokuno: «E Bayuda, ngamùbulanira, na nyihoole abagoma biinyu. Ngayumya inyaaja zeꞌBabeeri, kiri neꞌshyoko zaazo.

Yeremiya 50:38

Zeezo ngooti, zikizi teera invula ihangame, halinde amiiji gaamwo gakame. Ikihugo kyeꞌBabeeri, si kiyijwiri mweꞌmigisi! Iyo migisi ikola mu teera abandu ikyoba bweneene, halinde banabe nga basire.

Hisaaya 44:27

Amabenga gaꞌmiiji, ngagahamuliza, ti: “Mukame! Kiri neꞌnyiiji ziinyu, ngazikamya.”

Batwi beꞌmaaja 2:14

Yabo Bahisiraheeri, Nahano anabarakarira, analeka abanyazi bakizi yiji bashahula ibindu. Anababiika mu maboko gaꞌbagoma baabo, halinde batanaki hasha ukubahangirira.