Hezekyeri 30:10 - Kifuliiru

¹⁰ «Nie Rurema Nahamwinyu nadetaga kwokuno: “Ngakoleesa mwami Nebukandeneza weꞌBabeeri, mu kumala abandu katundu mu kihugo kyeꞌMiisiri.

Hezekyeri 30:10 Referans Kwoze

Hezekyeri 29:19

«Kwokwo, nie Rurema Nahamwinyu nadetaga kwokuno: Kirya kihugo kyeꞌMiisiri, ngakiheereza Nebukandeneza, mwami weꞌBabeeri. Yehe, agashahula ibindu byamwo byoshi, analonge byo agahemba mwaꞌbasirikaani baage.

Hezekyeri 31:2

«E mwana woꞌmundu, ubwire mwami weꞌMiisiri kuguma naꞌbandu baage kwokuno: “Ewe! Si ulyagagi mukulu bweneene! Ndaaye gundi úgweti úgakuyigera.

Hezekyeri 31:11

Aaho! Bwo kikoli bihuusiragi, keera nakijanda. Na ngola ngakibiika mu maboko geꞌbihagarusi byeꞌmahanga, bikihane nga kwo bikikwiriiri.

Yeremiya 43:11

«“Mango ayija, agashereeza ikihugo kyeꞌMiisiri. Ngiisi ábashungikiirwi kwo bagaafwa neꞌkiija, kiganabayita nyene! Na ngiisi ábashungikiirwi ukutwalwa imbohe, bagatwalwa yo. Na ngiisi ábashungikiirwi kwo bayitwe ku ngooti, kwokwo kwo baganayitwa.

Hezekyeri 28:7

kyo kitumiri ngola ngakuleetera ibinyamahanga, banali balangi ukuhima igindi milala yoshi. Bagayomola ingooti zaabo mu kyubati, banakushereegeze byoshi byo ugaaba walonga ku bwitegeereze bwawe, na ku bulenga bwawe.