Hezekyeri 3:26 - Kifuliiru

²⁶ Kiri noꞌlulimi lwawe, ngalugoba, halinde utalonge ubulyo bwoꞌkubakanukira, mbu bwo bakola bahuni.

Hezekyeri 3:26 Referans Kwoze

Hezekyeri 24:27

«Ku lwolwo lusiku, utagaki ba kimeme. Haliko, ugatondeera ukuganuula. Kwokwo, kwo ugaaba kalangikizo imwabo, halinde nabo banamenye ku kasiisa kwo nie Nahano.»

Zaburi 137:6

Iri nangaleka ukukizi kukengeera, na mbe ndaki bwini kwo we tumiri tushambiiri, ululimi lwani lunagobwe.

Zaburi 51:15

Haaho, lyo ngakizi yigiriza abanabyaha ibyeꞌmwawe. Ee ma! Ngabagalulira imwawe.

Hamoosi 5:10

E Bahisiraheeri! Kundu abandu bali mu bulanira ukuli, si mwehe muli mu ba mubashombiri bweneene. Neꞌkyanya bali mu deta ukuli, si muli mu bagayiriza.

Hosheya 4:17

Si balya beene Hifurahimu, imigisi keera ikabashika! Kwokwo, ngabaleka ngana, bakizi gira nga kwo baloziizi.

Kimombo 2:9

Imiryango yaꞌkaaya, keera ikayihongoleka haashi. Akayami vungula-vungula ibyuma byoꞌkugihamika. Abaami baako, kuguma naꞌbaluzi, keera bakatwalwa hala mu mahanga, bagendi ba baja. Neꞌmaaja zaage zitakiri mu kola. Kiri naꞌbaleevi baage, batakiri mu bona amabone ga Nahano.

Yeremiya 1:17

«E Yeremiya, uyibiikage ibiringiini, uyimuke! Na ngiisi magambo gooshi go ngakutekerera, ukizi babwira go. Utagire mbu ukizi bayoboha! Mukuba iri wangabayoboha, naani ngayami kuhemula imbere lyabo.

Hisaaya 1:2

Nahano adetaga kwokuno: «Ewe igulu, unyuvwirize! Na naawe, e kihugo! Undegage amatwiri. Keera nꞌgalera abaana baani, banakoli shuusiri. Kundu kwokwo, bakiri mu huna imbere lyani!

Hezekyeri 33:22

Mu lusiku lwa mbere, kabigingwe, Nahano anashubi mbiika mwoꞌbushobozi bwage, halinde nanatondeera ukuganuula, ndanaki shubi ba kimeme.

Danyeri 10:15

«Uyo muganda, iri akaba aki gweti agambwira kwokwo, nanayami gwa buubi, ndanaki hasha ukudeta.

Hosheya 4:4

«Hatagirage umundu úgakizi lega uwabo, kandi iri amútwikiza ku byaha. E bagingi! Nie gweti ngamùlega.

Hezekyeri 12:2

«E mwana woꞌmundu, utuuziri mu bandu babi. Kundu bahiiti amasu, si batabwini. Na kundu bahiiti amatwiri, si batayuvwiti. Yabo bandu, si balyagagi bahuni!

Hezekyeri 12:3

Ku yukwo, e mwana woꞌmundu! Uyigirage nga úkola mu tibitira i mahanga, unashweke umuteekerwa, unahuluke mwiꞌzuuba, ku kyanya abandu bakubwini. Yabo bandu, kundu balyagagi bahuni, haliko hali ikyanya bangakebukwa.