Hezekyeri 28:7 - Kifuliiru

⁷ kyo kitumiri ngola ngakuleetera ibinyamahanga, banali balangi ukuhima igindi milala yoshi. Bagayomola ingooti zaabo mu kyubati, banakushereegeze byoshi byo ugaaba walonga ku bwitegeereze bwawe, na ku bulenga bwawe.

Hezekyeri 28:7 Referans Kwoze

Hezekyeri 31:12

«Abasirikaani balangi bweneene ukulyoka i mahanga bagakikubira haashi, banakisige haaho. Amatavi gaakyo, maguma gagagwira ku mugazi, naꞌgandi hooshi mu ndekeera, kiri na mu tubanda twoshi. Abandu booshi ábashubi bwatiiri mu kimbehwa kyakyo, bagalyoka yaho, banakisige kyonyene.

Hezekyeri 32:12

ibihagange byage byeꞌndwani bigaminika abandu kashenga. Yibyo bihagange biryagagi bilangi bweneene ukuhima abandi booshi. Emwe! Bigaminika Abamiisiri, halinde ukuyikangaata kwabo kunamale.

Hezekyeri 30:11

Uyo Nebukandeneza, naꞌbandu baage, ndaabo ábali balangi ukubahima mu mahanga gooshi. Bagaleetwa, gira bagendi shereeza i Miisiri. Bagayomolaga ingooti zaabo, banayite Abamiisiri, halinde ikihugo kyabo kinayijule mweꞌbirunda.

Hamoosi 3:6

Ikibuga, iri kyangadihirizibwa mu kaaya, abandu baamwo bali mu yami yoboha. Kwokwo, noꞌbuhanya, butangagwata akaaya, Nahano átazi kyula.

Danyeri 7:7

«Nanashubi langiiza, nanabona igindi nyamiishwa ya kana. Ehee! Yohe, yâli kizi shengulana bweneene. Yanâli teriini ikyoba, mukuba yâli riiri ndangi bweneene! Iyo nyamiishwa, amiino gaayo gâli riiri geꞌbyuma, ganâli riiri mahamu bweneene! Yanâli kizi duutulana, iri inamirangusania. Na ngiisi byo italya, yanakizi bilibata-libata. Iyo nyamiishwa ya kana, yâli riiri kwayo-kwayo, yanâli gweti amahembe ikumi.

Zaburi 89:44

Uyo Dahudi, keera wativya ingooti yage, halinde atakiri mu hima mwiꞌzibo.

Hezekyeri 7:24

Ngaleeta banakuhambwa ukulyoka mu mahanga, gira bayiji hyana inyumba zaꞌbandu baani. Na kwakundi, ahandu haabo hoꞌkuyikumbira hagayulubazibwa. Kwokwo, kwoꞌbwikangaate bwabo, bugaamala.

Hezekyeri 28:17

Emwe! Wâli buyahiri ngana-ngana, kyanatuma ugatondeera ukukizi yikangaata. Na bwo wâli mukulu, wanashereeza ubwitegeereze bwawe. Kwokwo, nanakunyanyaga haashi, halinde abandu baani banakuyigira kwo.

Hezekyeri 30:10

«Nie Rurema Nahamwinyu nadetaga kwokuno: “Ngakoleesa mwami Nebukandeneza weꞌBabeeri, mu kumala abandu katundu mu kihugo kyeꞌMiisiri.