Hezekyeri 28:5 - Kifuliiru

⁵ Mbu na ku njira yoꞌkumenya ukudandaza, ukayilugiza ubugale bwawe. Ehee! Si bwobwo bugale, bwo butumiri ukola mu yikangaata bweneene!

Hezekyeri 28:5 Referans Kwoze

Zaburi 62:10

Si abandi booshi, balyagagi nga muuka naaho! Abatwali naꞌbagunda, booshi bali busha ngana. Nga booshi bangaleziibwi ku lugero, umuuka gwo muzito.

Zaburi 52:7

Ku kasiisa, Rurema agakunyanyaga haashi, utanâye yinamuke. Agakulyosa mu kaaya kaawe, anakulashe imbuga. Agakushikula mu bagumaana, unagendi beera mu bafwiri.

Hosheya 13:6

«Haliko, ikyanya nꞌgamùheereza ibyokulya, mwanayiguta. Haahago, mwanatondeeza ukuyikangaata, mwanayami nyibagira lwoshi-lwoshi.

Hezekyeri 28:2

«E mwana woꞌmundu, ubwire mwami weꞌTiiro kwo nie Rurema Nahamwabo nadetaga kwokuno: “Si ugweti ugayikangaata bweneene, iri unayihaya, ti: ‘Niehe nie woꞌkuyikumbwa! Ngoli bwatiiri ku kitumbi kya íbiri mu yikumbwa, kinali ha kati keꞌnyaaja.’ Kundu ugweti ugayidundulika kwo we woꞌkuyikumbwa, si ulyagagi mundu ngana, utanali wa kunyigereera.

Migani 11:28

Ikyanya abandu bali mu yegamira ibindu byabo, bali mu tindibuka. Si umundu mwija yehe, agaadeha nga kyasi kibishi.

1 Timoteyo 6:17

Iri abandu bangaba bali bagale mu kino kihugo, ubabwire kwo batakizi yikangaata. Ibindu byabo bitabaagage byo bagakizi biika kwoꞌmulangaaliro. Mukuba, ibya mu kino kihugo, biri bya kulenga naaho. Ku yukwo, ubabwire kwo bakizi biika umulangaaliro gwabo imwa Rurema. Mukuba, ye mu tuvwangulira ibindu byoshi, gira tukizi bishambaala mwo.

Barumi 12:16

Mutakizi yiheemya, mutanakizi yibona kwo mwe muli banabwenge! Haliko, mukizi yuvwanwa, munakizi yibiika haashi mu kukomeerana naꞌbagunda.

Hisaaya 5:21

Yayewe imwa ngiisi ábakola mu yitoneesa kwo bo bitegeereza, na kwo bo benge.

Migani 26:12

Ka keera ukabona umundu úgweti úgayibona kwo ali mwitegeereza? Umuhwija ye hiiti umulangaaliro kuꞌyo mundu.

Zakariya 9:3

Yako kaaya keꞌTiiro, keera kakayiyubakira inzitiro ngomu, kanayilundiraga iharija neꞌnooro, nga lukungu mu njira.

Danyeri 4:30

Haaho-haaho, lirya igambo lyanayami kolekaga. Ulya mwami anayimulwa mu bandu, anakizi gendi lya ubwasi nga ngaavu. Amagala gaage ganakizi loba neꞌkimi ukulyoka mwiꞌgulu. Umushaku gwage gwanalaaha nga mashala ga nyunda. Neꞌnyunu zaage zanalaaha, nga za kanyuni.

Hezekyeri 16:49

Uyo Soodoma naꞌbanyere, ubuligo bwabo bwâli bwobu: ikyanya bâli kizi gashaanirwa ibyokulya, banatondeere ukuyikangaata, batanaki twaze ukukizi tabaala abakeni na ábatashobwiri.

Hisaaya 23:8

Aahago! Yukwo kushereezibwa kwinyu, nyandagi úkakushungika? Abadandaza baawe, si bâli bagangambale nga baluzi, banâli kizi gingikwa hooshi mu kihugo!

Hisaaya 23:3

Mu kudandaza, bo bâli kizi leeta ingano ukulyoka i Miisiri. Ee! Bâli kizi gula ingano ku ngombe yoꞌlwiji Niire, banagendi giguliikiza ibinyamahanga.

Migani 30:9

Mukuba, iri nangagala ukuhima ulugero, hali ikyanya ngakuyibagira, na ngizi deta: “Nahano ali nga nyandi?” Neꞌri nangakena, hali ikyanya nangazimba, na ngengeere nagayiriza iziina lya Rurema wani.

2 Kutondobola 25:19

«E Hamaziya, bwo keera wahima Abahedoomu, umutima gwawe gukola mu yidundulika. Utee beera haaho ha mwawe. Kituma kiki wangayiloogeza amakuba, halinde ukashereezibwe kuguma naꞌbandi Bayuda?»

Yeremiya 49:4

Mugweti mugayiyuvwa hiꞌgulu lyeꞌndekeera ziinyu, mbu zikoli yeziri bweneene. Kundu kwokwo, mulyagagi nga baana ábatatwaziizi Rurema, iri munalangaalira kweꞌbindu biinyu bigamùkiza. Munadete, ti: “Nyandagi úgayiji gira mbu andeere?”

Bukengeeze 8:17

«Kwokwo, mutakolwe kwo mwayidesa, ti: “Si tukayigaza ku misi yitu twenyene!”

2 Baami 14:10

«E Hamaziya, bwo keera wahima Abahedoomu, umutima gwawe gukola mu yidundulika. Yukwo kuhima kwawe, utee beera haaho ha mwawe, ukushambaalire. Kituma kiki wangayiloogeza amakuba, halinde ukashereezibwe kuguma naꞌbandu baawe Abayuda?»

Zaburi 62:11

Kwokwo, mutakizi ki biika umulangaaliro ku bulyalya. Mutanakizi yihayira ubuzimba. Kundu ibindu biinyu byangayushuuka, bitakizi ba byo mugabiika kwoꞌmutima.

Hezekyeri 28:17

Emwe! Wâli buyahiri ngana-ngana, kyanatuma ugatondeera ukukizi yikangaata. Na bwo wâli mukulu, wanashereeza ubwitegeereze bwawe. Kwokwo, nanakunyanyaga haashi, halinde abandu baani banakuyigira kwo.

Danyeri 11:12

Yabo basirikaani ba mwami weꞌmbembe, ikyanya bagatwalwa imbohe, mwami weꞌkisaka agatondeera ukuyihaya bweneene, anayite abandu binoono neꞌbinoono. Kundu kwokwo, atagagenderera ukukizi hima.