Hezekyeri 27:21 - Kifuliiru

²¹ Abaharaabu naꞌbatwali booshi beꞌKedaari, mwâli kizi dandalizanwa. Bâli kizi kuleetera ibyanabuzi, neꞌbipanga, neꞌmbene.

Hezekyeri 27:21 Referans Kwoze

Hisaaya 60:7

Mugahaabwa noꞌbuso bweꞌbitugwa ukulyoka mu beene Kedaari, munaleeterwe neꞌbipanga bya beene Nebayoti. Yibyo bitugwa, mugakizi bindangira, libe ituulo lyoꞌkusiriiza. Mu kugira kwokwo, lyo mugakizi njambaaza, halinde ubulangashane bunaboneke mu nyumba yani.

Ndondeko 25:13

Naꞌmaziina gaꞌbaana ba Hishimaheeri, ukukulikirana na kwo bakabutwa, go gaaga: Ifula, Nebayoti. Hanakulikira Kedaari, na Hadibeeri, na Mibusamu,

Bagalatiya 4:25

Uyo Hagaari, anali mugani gwoꞌmugazi Sinaayi mu kihugo kyeꞌBuharaabu. Yugwo mugazi Sinaayi nagwo, guli mugani gwaꞌkaaya keꞌYerusaleemu, kanakiri ho buno. Mukuba, yako kaaya nako, katuuziri mu buja, kuguma naꞌbandu baako.

Mikolezi 2:11

Baguma baabo, bali Bayahudi biꞌsina. Naꞌbandi, bali ba mu gindi milala ábakoli yemiiri ibanga liitu lyeꞌKiyahudi. «Hali kiri naꞌBakereete, naꞌBaharaabu. Kwo tulyagagi tweshi, tugweti tugayuvwa kwo bakola mu deta mu ndeto ziitu! Banagweti bagayivuga Rurema ku mikolezi yage mihamu!»

Yeremiya 25:24

naꞌbaami booshi beꞌBuharaabu, naꞌbaami booshi beꞌmilala ítuuziri mwiꞌshamba,

Hisaaya 21:16

Nahano akambwira kwokuno: «Akaaya keꞌKedaari, ikyanya kagaahisa umwaka muguma naaho, ubulangashane bwako bugaamala. (Yugwo mwaka, guli nga gwo bangalagaania umukozi imbembo.)

Lwimbo Lwija 1:5

«E banyere beꞌYerusaleemu, ndi mwiru-mwiru. Ninanonosiri ngana-ngana. Ee! Ndi mwiru, ngaꞌmaheema geꞌKedaari. Ndi mwiru-mwiru nga mirondo yoꞌkusiika, íri ku kajumba ka Sulumaani.

2 Kutondobola 17:11

Abafirisiti baguma, banakizi yiji tengula mwami Yehoshafaati iharija ku bwingi, kiri neꞌzindi ndengu. Abaharaabu nabo, banamúleetera ibipanga bihumbi birinda na magana galinda, neꞌbihebe byebyo bihumbi birinda na magana galinda.

1 Kutondobola 1:29

Uyo Hishimaheeri, ifula yage ye Nebayoti. Anabuta na Kedaari, na Hadibeeri, na Mibusamu,

1 Baami 10:15

Yizo nooro, zitâli mweꞌnooro zo âli kizi longa mu mirambu yaꞌbadandaza, kandi iri zo âli kizi longa mu baami booshi beꞌBuharaabu, kandi iri mu baguvuruneeri baage.

Zaburi 120:5

Yayewe imwani! Si nduuziragi mu banakuhambwa beꞌMesheki, na mu maheema geꞌKedaari!

Hisaaya 21:13

Ino ndumwa, iri hiꞌgulu lyeꞌkihugo kyeꞌBuharaabu. Aaho! E badandaza beꞌDedaani, mwe mushumbisiri mu kishuka kyeꞌBuharaabu!

Yeremiya 49:28

Mwami Nebukandeneza weꞌBabeeri akahima beene Kedaari. Kiri neꞌbihugo byeꞌHazoori âli bitwaziri. Yibyo bihugo, Nahano adetaga hiꞌgulu lyabyo kwokuno: «Yabo bandu beꞌKedaari, batuuziri uluhande lweꞌsheere. Aaho! Mugendi bateera, munabazimiize.

Migani 27:26

uyahirire mweꞌbibuzi, lyo ukalonge mweꞌbyambalwa. Kiri neꞌmbene, ugakizi ziguliisa, unagule mweꞌgindi ndalo.

Hisaaya 42:11

Ngiisi ábatuuziri mwiꞌshamba, bakizi múyimbira kwiꞌzu lihamu! Na ábatuuziri mu maheema geꞌKedaari, bakizi múhuuza. Abatuulaga beꞌSeela babandage utubuuli, awi yiyi yiyi! Ee! Bakizi banda utubuuli kwiꞌrango lyoꞌmugazi.

Yeremiya 2:10

Mutee jabukaga inyaaja, halinde mu kihugo kyeꞌKipuro, kandi iri mulungike abandu mu kyeꞌKedaari, balangiize. Mugendi sisa, iri igambo mwene yiri keera likaba.