Hezekyeri 27:12 - Kifuliiru

¹² «“Na bwo wâli riiri mugale bweneene, wâli kizi dandaza naꞌbandu beꞌTarasisi. Bâli kizi kuleetera iharija, neꞌbyuma, naꞌmanjanja, neꞌbyuma byoꞌlusasi.

Hezekyeri 27:12 Referans Kwoze

Hezekyeri 38:13

«Halikago, abatuulaga beꞌSheeba naꞌbeꞌDedaani, naꞌbadandaza beꞌTarasisi, kiri noꞌtwaya twayo, bagabuuzania, ti: “Ewe! Ka muhiiti ubushobozi bwoꞌkuyiji tunyagaza? Yabo basirikaani biinyu bo mwakuumania, ka mutoniri kwo bagaahasha ukutushahula inooro, neꞌharija, neꞌnguuli zeꞌbitugwa, neꞌbindi bindu?”

Hisaaya 23:10

E bandu beꞌTarasisi, si mutaki hiiti ikyambu! Leero, mukolaga mugakizi lima indalo ngaꞌBamiisiri.

1 Baami 10:22

Mwami Sulumaani âli gweti amashuba mahamu ágâli kizi balamiranwa kuguma naꞌga mwami Hiraamu. Ku ngiisi myaka ishatu, gâli kizi múleetera inooro, neꞌharija, naꞌmahembe geꞌnjovu, neꞌngima, neꞌshengerezi.

Ndondeko 10:4

Na bagala Yavaani, bâli Herisha, na Tarasisi, na Kitimu, na Rodanimu.

Yona 1:3

Yona, kundu akabwirwa kwokwo, halikago, anamanukira mu kaaya keꞌYopa, anagwana amashuba goꞌkugenda i Tarasisi. Kwokwo, anagashona mwo, gira atibite Nahano.

Hezekyeri 27:18

Abandu beꞌDamasiki, nabo bâli kizi yiji gula ibindu byawe bingi-bingi, banakuleetere idivaayi ukulyoka i Heribooni, noꞌbwoya bweru-bweru bweꞌkibuzi ukulyoka i Zahari, neꞌbyuma bitule, neꞌbiti byaꞌmalaasi, noꞌlusheke.

Hezekyeri 27:16

Abaharaamu nabo, banakizi yiji gula ibindu byawe bingi-bingi, banakizi kuleetera amabuye geꞌkishingo neꞌmirondo ítyeriiri, mihange mu nuzi zeꞌkitaani, inali kweꞌbirimbiiso byaꞌmabuye miija ágadukumbusiri, naꞌgandi mabuye madukula.

Yeremiya 10:9

Yabo bandu, bali mu leeta iharija ukulyoka i Tarasisi, neꞌnooro ukulyoka i Hofiiri. Ha nyuma, banabiheereze banaluganda, gira bagilimbiise. Ha nyuma, banabuli giyambika ibyambalwa byeꞌkituku-tuku na byoꞌmugushe.

Hisaaya 60:9

Abandu ba mu tulira, nie babiisiri kwoꞌmulangaaliro. Amashuba ukulyoka i Tarasisi gagatee yija gaheesiri abaana biinyu, kuguma neꞌharija zaabo neꞌnooro. Kwokwo, kwo bagagingika Rurema Nahamwinyu, bwo ali Mutaluule waꞌBahisiraheeri. Niinyu, Rurema agweti agamùgingika.

Hisaaya 23:14

Mwe bandu ba mu mashuba geꞌTarasisi! Mubandage akashiba, bwaꞌkaaya kiinyu, kundu kâli kazitire, haliko keera kakahongolwa.

Hisaaya 23:6

Mwe batuulaga beꞌmbande zeꞌTiiro, mugalukire i Tarasisi, mugendi banda yaꞌkashiba.

Hisaaya 2:16

Kiri naꞌmashuba gooshi, kundu galimbisiibwi bweneene, agagashereeza.

Zaburi 72:10

Abaami beꞌTarasisi naꞌba mu tulira, bagakizi múramburira. Abaami beꞌSheeba naꞌbeꞌSeeba, bakizi múleetera amatuulo.

1 Baami 22:48

Ku yikyo kyanya, ndaaye mwami úwâli mu kihugo kyeꞌHedoomu. Si mwami weꞌBuyuda, ye wâli kizi tuma yoꞌmwimangizi.

Bwigule 18:12

Na mu yibyo bindu byabo, muli inooro, neꞌharija, naꞌmabuye miija geꞌkishingo, neꞌmbembe. Muli neꞌmirondo miija ítyeriiri, neꞌgindi mirondo miija yeꞌkituku-tuku neꞌmidukula. Muli na ngiisi biti íbiri mu baya bwija. Muli na íbikabaajwa mu mahembe geꞌnjovu. Muli neꞌbirugu íbikabaajwa mu biti bikomu. Muli na ngiisi birugu íbikatulwa mu miringa, na mu byuma, na íbikabaajwa mu tushangalibwe.

Hezekyeri 27:11

Inzitiro zaawe zooshi zâli kizi langwa naꞌbandu ukulyoka i Harwadi, kuguma naꞌbasirikaani baawe. NaꞌbeꞌGamadi bâli kizi langa inyingo zaawe. Hooshi ku nzitiro zaawe, bâli kizi shasha heꞌsiribo, halinde banakubuyahiisa ngana-ngana!

Hezekyeri 27:13

Ikyanya abandu beꞌYavaani, naꞌbeꞌTubaali, naꞌbeꞌMesheki, bâli kizi yiji dandaza, bâli kizi kuleetera abaja, na íbikatulwa mu miringa.

Hezekyeri 27:33

Ibindu byawe, ikyanya byâli kizi hika mu bihugo byeꞌkajabo, abandu bingi bâli kizi longa íbishubi bagooziri! Kiri naꞌbaami, nabo bikabagaza, bwo byâli riiri kanyamwala.

Hezekyeri 28:5

Mbu na ku njira yoꞌkumenya ukudandaza, ukayilugiza ubugale bwawe. Ehee! Si bwobwo bugale, bwo butumiri ukola mu yikangaata bweneene!

Hezekyeri 28:16

Iri ukabonaga kweꞌbindu byawe byakugaza bweneene, wanatondeera ukulangama, halinde wanayifunda mu byaha. Na bwo wâli kola mubi, nanakuyimula ku mugazi gwani mweru. Noꞌlya makerubi úwâli kizi kulanga, naye anakuyimula mu yago mabuye ágakeyengiini nga muliro.

2 Kutondobola 9:21

Mwami Sulumaani âli gweti amashuba mahamu ágâli kizi balamiranwa kuguma naꞌga mwami Hiraamu. Ku ngiisi myaka ishatu, gâli kizi múleetera inooro, neꞌharija, naꞌmahembe geꞌnjovu, neꞌngima, neꞌshengerezi.