Hezekyeri 27:10 - Kifuliiru

¹⁰ Abasirikaani baawe, wâli balyosiizi i Perisiya, neꞌLuudi, neꞌPuuti. Isiribo zaabo, neꞌngofeera banayiji bimanika mu mwawe. Kwokwo, kwo bakakugingika.

Hezekyeri 27:10 Referans Kwoze

Hezekyeri 38:5

Mu yabo bandu, muli abasirikaani beꞌPerisiya, naꞌbeꞌHendyopiya, naꞌbeꞌPuuti. Kwo bali booshi, bahiiti isiribo neꞌngofeera zeꞌbyuma.

Hezekyeri 30:5

Abahendyopiya, naꞌbandu beꞌPuuti, naꞌbeꞌLuudi, naꞌbeꞌBuharaabu, naꞌbeꞌLibiya, kundu bakayibiika ku Bamiisiri, booshi bagayitirwa kuguma.”

Yeremiya 46:9

Aahago! Mwe muli mu gendera ku fwarasi, na mu magaare giꞌzibo! Mugendi teera abagoma. Si mwe ndwani zeꞌMiisiri! Na niinyu mwe biira baabo ukulyoka i Hendyopiya neꞌPuuti! Ngahwe! Si mulyagagi bikalage mu kukoleesa isiribo! Kiri naꞌBaluudi, muli bikalage mu kufwora imiheto.”

Hisaaya 66:19

Baguma baabo, ngabagira mweꞌkisoomeza. Na ngiisi ábagaaba basigiiri, ngabatwala zibe ndumwa mu binyamahanga. Ngaatuma baguma i Tarasisi, naꞌbandi i Puuti, naꞌbandi i Luudi, heꞌbikalage biri mu fwora imiheto. Abandi banagende i Tubaali, naꞌbandi i Bugiriki, naꞌbandi mu gandi mahanga. Mukuba, iyo munda, abandu batazindi yuvwa imyazi yani, kandi iri ukubona ibitangaaza byani. Kwokwo, bagakizi gendi yereka ibinyamahanga ubulangashane bwani.

Lwimbo Lwija 4:4

Igosi lyawe, litigalisirwi nga lwingo lwa Dahudi. Ee! Lukaziriringwa mu kuyubakwa. Yulwo lwingo, lumanisirwi mweꞌsiribo kihumbi. Na zooshi, ziri siribo zeꞌndwani.

Nahumu 3:9

Abandu beꞌTebeesi, bâli biisiri umulangaaliro ku bushobozi bweꞌKuushi, na ku bweꞌMiisiri. Bâli kizi tabaaza kandi naꞌbandu beꞌPuuti, naꞌbeꞌLibiya,

Danyeri 5:28

PERESI, umugeeza gwalyo: Ubwami bwawe, keera bukagabulikana, bunahaabirwi Abameedi, naꞌBaperisiya.»

Hezekyeri 27:11

Inzitiro zaawe zooshi zâli kizi langwa naꞌbandu ukulyoka i Harwadi, kuguma naꞌbasirikaani baawe. NaꞌbeꞌGamadi bâli kizi langa inyingo zaawe. Hooshi ku nzitiro zaawe, bâli kizi shasha heꞌsiribo, halinde banakubuyahiisa ngana-ngana!

1 Kutondobola 1:17

Bagala Sheemu, bâli Helamu, na Hashuuri, na Haripakisadi, na Luudi, na Haraamu. Uyo Haraamu akabuta Huuzi, na Huuli, na Geteeri, na Mesheki.

1 Kutondobola 1:11

Uyo Misirayimu, akabuta Abaluudi, naꞌBahanami, naꞌBalehabi, naꞌBanafutuhi,

1 Kutondobola 1:8

Bagala Haamu, bâli Kuushi, na Misirayimu, na Puuti, na Kaanani.

Ndondeko 10:22

Bagala Sheemu, bâli Helamu, na Hashuuri, na Haripakisadi, na Luudi, na Haraamu.

Ndondeko 10:13

Misirayimu ye shokuluza waꞌBaluudi, naꞌBahanami, naꞌBalehabi, naꞌBanafutuhi,

Ndondeko 10:6

Bagala Haamu, nabo bâli Kuushi, na Misirayimu, na Puuti, na Kaanani.

Hezekyeri 26:17

Haaho, banatondeere ukuyiganyira, iri banayimba ulwimbo lwoꞌkugandaara Tiiro kwokuno: “E kaaya ákalumbuusiri bweneene! Si abandu baawe bo bâli batwali ba ku nyaaja, halinde abandu banakizi bayoboha. Kundu kwokwo, ukoli shereziibwi. Abandu baawe, keera bayimulwa áhali inyaaja!