Hezekyeri 26:20 - Kifuliiru

²⁰ «Neꞌri hagaatama, na ngulindimulire i kuzimu, gira ugwane yo ábakafwa kare. Ugabeera yeyo imyaka neꞌmyakuula, kuguma naꞌbandi abafwiri. Utanâye ki lyoke yo, mbu ushubi tuula mu bagumaana.

Hezekyeri 26:20 Referans Kwoze

Zaburi 27:13

Kundu kwokwo, ndangaliiri kwo ngagenderera ukuba ho, halinde na ndonge ukubona ubwija bwa Nahano.

Luka 10:15

«Na naawe, we kaaya keꞌKaperinahumu! Ka utoniri kwo ugakuzibwa halinde mwiꞌgulu? Aahabi! Si ukola ugalindimulirwa i kuzimu!»

Zakariya 2:8

Kwokwo, ulya muganda úwâli kizi nganuuza anabwira uwabo, ti: «Ukwabaduke, ugendi bwira guliira musore úgufumbiiti umugozi gwoꞌkugera: “Yako kaaya keꞌYerusaleemu, kagaaba kataki zungulusirwi neꞌnzitiro. Kagaki yijula mwaꞌbandu neꞌbitugwa, halinde abandu bataganaki kwirwa mwo. Ee! Bandu bingi bakola bagatuula inyuma lyeꞌnzitiro zaako.”

Yona 2:6

Yago miiji gakahambiri nvumba umuuka. Yiryo ibenga, lyâli loziizi ukuyami nyulubiza lwoshi-lwoshi. Kiri neꞌbyasi bya mu nyaaja, byanakizi nyizingira-zingira kwiꞌtwe.

Yona 2:2

Uyo Yona, iri akaba akiryagagi mu nda yoꞌyo bitaatalwe woꞌlufwi, anatondeera ukuhuuna Rurema Nahamwabo, ti:

Hamoosi 9:2

Kundu bangayihumbiraga halinde banahike i nakwere, ngayisa ukuboko, ninashubi bakulula. Na kundu bangashona mwiꞌgulu, ngabashungulula yo.

Hezekyeri 39:7

Ngayereka abandu baani Abahisiraheeri ngiisi kwiꞌziina lyani liri lyeru. Ndagaki leka kwo likizi gayirizibwa. Haaho, lyeꞌbinyamahanga bigaamenya ku kasiisa kwo nie Nahano, Rurema Mutaluule waꞌBahisiraheeri.

Kimombo 3:6

Akambwataza mu kihulu, nga bandu ábakafwa kare.

Hisaaya 59:10

Tuli mu genda tugamamaata ku kibambaazi nga mbumi. Tunali mu genda tugajuba-juba, nga bandu bazira masu. Ku kyanya kyaꞌkalenge-renge, tuli mu siitaara-siitara ngoꞌmundu úli mu genda bushigi. Kundu tukiri bagumaana, si tuli mu ba nga tukoli fwiri.

Hisaaya 4:5

Ha nyuma, Nahano agabwikira umugazi Sayuni, kuguma naꞌbandu booshi ábagukumaniri kwo. Emwe! Mwiꞌzuuba, agaleeta ikibungu kyeꞌkyusi. Na bushigi, analeete umuliro, halinde ubulangashane bwa Nahano bunakizi ba kibwikwa.

Zaburi 28:1

Izaburi ya Dahudi. E Nahano, we lwala lwani, na ngweti ngakuhamagala. Kwokwo, utambeere bitwitwi. Mukuba, iri wangayama uli munyerere, hali ikyanya nangavunika, na nyikire i kuzimu mu bafwiri.

Muharuuro 16:33

Yabo booshi, bakaholobera i kuzimu bakiri bagumaana, kuguma neꞌbindu byabo byoshi. Ha nyuma kandi, yiryo idaho lyanashubi babwikira. Kwokwo, kwo bakaminikwa, batanaki boneka.

Muharuuro 16:30

Halikago, iri Nahano angagira igambo lihyahya, mu kuyigula idaho, linabamire bakiri bagumaana, kuguma neꞌbindu byabo byoshi, haaho lyo mugaamenya kwo yaba bandu bashuba mu gayiriza Nahano.»

Mataayo 11:23

«Na naawe, we kaaya keꞌKaperinahumu! Ka utoniri kwo ugakuzibwa halinde mwiꞌgulu? Aahabi! Si ukola ugalindimulirwa i kuzimu! Mukuba, ibitangaaza íbikagirwa imwinyu, bíkigirwe mu bandu ba mu kaaya keꞌSoodoma, nga keera bakatwikira ku byaha byabo! Nga na kalya kaaya kaabo kakiri ho, halinde zeene.

2 Peturu 2:5

Kwokwo, kwo bikaba, na ku yabo bandu ba keera, bwo batâli twaziizi Rurema. Mukuba, nabo Rurema atakabashiginia. Si akakoleesa umwijulire, mu kubabindikira booshi. Halikago Nuhu ye wâli kizi menyeesa abandu hiꞌgulu lya íbikwaniini imbere lya Rurema. Kwokwo, Rurema anamúlanga, kuguma naꞌbandi bandu baage balinda.

Hisaaya 14:9

«E mwami, i nakwere ikoli shambiiri. Ee ma! Ikyanya ugamanukira yo, igakuyakiira ngana! Iyo munda i nakwere, keera yakuvyulira imizimu, na booshi ábashuba bakulu beꞌkihugo. Igweti igayimusa abaami baꞌmahanga gooshi, bayimangire ku bitumbi byabo byeꞌkyami, gira bakulamuse.

Hisaaya 14:10

Yabo booshi, bagakizi kuhonyoleza, ti: “Honyo! Buno naawe ukola mwoꞌbukaholwe kuguma na nyiitu! Si leero ukoli tushushiri!”

Yeremiya 33:9

«Ku yikyo kyanya, iziina lya Yerusaleemu ligakizi njambaaza. Nganagingikwa hiꞌgulu lyako, mu kati koꞌbulangashane. Abandu ba mu kano kaaya, bagalumbuuka mu mahanga gooshi. Amiija go ngabagirira, ikyanya ibinyamahanga bigakizi gayuvwa, bigakizi juguma, iri binasoomerwa. Mukuba, bagaabona ngiisi kwo ngabagenduusa, mu kati koꞌmutuula.»

Hezekyeri 31:14

«Ikiti, kundu kyangalonga amiiji mingi, ndaakyo íkigashubi laaha kwokwo, halinde kinahike ku bibungu. Kundu kwokwo, hagaatama, byoshi bigaafwa, binalindimukire i kuzimu nga bandu.