Hezekyeri 26:2 - Kifuliiru

² «E mwana woꞌmundu, abandu beꞌTiiro bagweti bagashekeereza akaaya keꞌYerusaleemu, mbu kundu abadandaza bâli kizi lenga mwo, haliko leero kashereezibwa. Banadete, mbu: “BweꞌYerusaleemu ikola biguuka, twe tukola tugaagala!”

Hezekyeri 26:2 Referans Kwoze

Yuheeri 3:4

Izuuba ligahindukaga kihulu. Noꞌmwezi gugadukula nga muko. Yibyo byoshi, byo bigatee koleka, ikyanya ulusiku luhamu lwa Nahano lutazi hika, lunali lweꞌkihuumula.

Hezekyeri 36:2

kwo nie Rurema Nahamwinyu nyuvwiti ngiisi kwaꞌbagoma biinyu bâli kizi mùshekeereza, mbu: “Yuuhu! Irya migazi íyâli riiri yaꞌBahisiraheeri ukulyoka kare, leero ikola yeꞌmwitu!”

Yeremiya 25:22

naꞌbaami booshi beꞌTiiro, naꞌbeꞌSidooni, naꞌbaami beꞌkihugo íkiri i kajabo keꞌNyaaja Mediterane,

Hezekyeri 25:10

Yabo Bamohabu, naꞌBahamooni, ngabatanga mu maboko gaꞌbagoma beꞌsheere. Kwokwo, lyo batagaki yimbwa kwo bali bandu boꞌmulala mulebe.

Hezekyeri 25:6

«“Nie Rurema Nahamwinyu nadetaga kwokuno: Ikyanya abandu baani bakashereezibwa, mukakizi koma amagasha, iri munatamba ku busiime. Mwanakizi shekeereza Abahisiraheeri bweneene.

Kimombo 1:1

Mu mahanga gooshi, akaaya keꞌYerusaleemu ko kâli kizi huuzibwa bweneene. Haliko buno, kakola nga namufwiri. Yako kaaya kâli yijwiri mwaꞌbandu bingi, si buno keera kasiba lwoshi. Mu tundi twaya, kundu ye wâli muluzi-nyere, si buno, kakolaga muja-kazi naaho.

Yeremiya 49:1

Nahano adetaga hiꞌgulu lyaꞌBahamooni kwokuno: «Abahisiraheeri, bakolaga hayi? Ka ndaaye úsigiiri, mbu ahyane ikihugo kyabo? Aahago! Kituma kiki bakaleka Abahamooni bayabiire ikihugo kyeꞌGiryadi? Yabo Bahamooni, bagweti bagayikumba umuzimu Mirikomu, bo banakoli tuuziri mu twaya twaꞌBagaadi!»

Yeremiya 47:4

Ikyanya kyoꞌkuminika kwaꞌBafirisiti, keera kyahika. Abandu beꞌTiiro naꞌbeꞌSidooni, kundu bali mu bashiga, si nabo booshi bagaminikirwa kuguma. Ee! Yabo Bafirisiti booshi, Nahano agabaminika ngana, kiri na ábasigiiri mu kalira keꞌKereete.

Yeremiya 27:3

Haaho, unatume indumwa imwa mwami weꞌHedoomu, na weꞌMohabu, na weꞌHamooni, na weꞌTiiro, na weꞌSidooni. Iyo ndumwa, ubalungikire yo ku njira yaꞌbandu baabo, ábakayija i Yerusaleemu hiꞌgulu lyoꞌkubonaana na mwami Zedekiya.

Zaburi 83:7

Mu kati kaabo, muli Abahedoomu, naꞌBahishimaheeri, naꞌBamohabu, na beene Hagaari,

Zaburi 70:3

Haliko ábaloziizi ukunyita boohe, bakizi teezibwa ishoni, banateteerwe. Bwo basiimiri kwo ngizi libuuka, ubateeze ishoni, mu kubagalulira inyuma.

Zaburi 40:15

Ngiisi ábaloziizi ukunyita, ubabonie ishoni, halinde banayagagale. Ee! Ngiisi ábayifwijiri kwo njereere, ubagalule, halinde bateezibwe ishoni.

Zaburi 35:21

Bagweti bagakizi ndoleera, iri banandega kwokuno: Ehee! Yago mahube gaage, tukagayibonera twenyene.

2 Samweri 5:11

Ha nyuma, mwami Hiraamu weꞌTiiro anatuma abandu, kwo bagendi yubakira Dahudi akajumiro. Anamútumira naꞌbabaaji baꞌmabuye, naꞌbeꞌmbahwa, kiri neꞌbiti byeꞌmyerezi.

Yoshwa 19:29

Yulwo lubibi lwanashubi nyookera i Rama, halinde ku kaaya keꞌTiiro, kwo kâli zitiirwi. Lwanashubi hinduuka uluhande lweꞌHosha, na ku lwiji Mediterane, lwanahika neꞌMahaleevi, neꞌHakizibu,

Hisaaya 62:10

E batuulaga beꞌYerusaleemu, muhuluke mu kaaya! Ee! Muhulukage, mulingaanize abandu biinyu injira, gira bagaluke. Ngiisi áhali ibihomogolo, muhaseemanie. Na áhali amabuye, mugalyosagye. Mubiike irembera, likizi languula abandu ho bagalenga.

Hezekyeri 25:8

«Nie Rurema Nahamwinyu, nadetaga kwokuno: Balya Bamohabu, bagweti bagaadeta kwaꞌBayuda bo baguma naꞌbandi bandu booshi.

Hezekyeri 26:1

Ikyanya tukahisa imyaka ikumi na muguma tutwazirwi imbohe mu mahanga, mu lusiku lwa mbere lwoꞌmwezi, Nahano anashubi mbwira kwokuno:

Hezekyeri 35:10

«E Bahedoomu, ikihugo kyeꞌBuyuda, na kyeꞌHisiraheeri, mwâli gweti mugaadeta kwo bikola bigaaba byeꞌmwinyu, mbu mwe mugabihyana. Si nie Nahano! Na mu yibyo bihugo byombi, mwo nduuziri.

Zaburi 40:16

Ngiisi ábagweti bagambonyoleza, basigale bashengusiri neꞌshoni zaabo boonyene.