Hezekyeri 26:17 - Kifuliiru

¹⁷ Haaho, banatondeere ukuyiganyira, iri banayimba ulwimbo lwoꞌkugandaara Tiiro kwokuno: “E kaaya ákalumbuusiri bweneene! Si abandu baawe bo bâli batwali ba ku nyaaja, halinde abandu banakizi bayoboha. Kundu kwokwo, ukoli shereziibwi. Abandu baawe, keera bayimulwa áhali inyaaja!

Hezekyeri 26:17 Referans Kwoze

Hisaaya 14:12

E mwami weꞌBabeeri, si we ndonde íshuba mu yaka bweneene ku lukula! We kanashereeza ibinyamahanga byoshi. Aaho! Kutagi kwo naawe ukatibulirwa hano haashi?

Hezekyeri 19:1

Rurema akambwira kwo nyimbire abaluzi baꞌBahisiraheeri luno lwimbo lweꞌkimombo:

Hezekyeri 32:16

«Ee ma! Yulwo, lwo lwimbo abandu bagakizi yimba, mu kugandaara Abamiisiri. Abakazi beꞌmahanga bagakizi luyimba hiꞌgulu lyeꞌkihugo kyeꞌMiisiri, naꞌbatuulaga baamwo booshi. Kwokwo, kwo nie Rurema Nahamwinyu ndesiri.»

Hezekyeri 32:2

«E mwana woꞌmundu, uyimbage ulwimbo lweꞌkimombo hiꞌgulu lya mwami weꞌMiisiri, ti: “E mwami weꞌMiisiri! Ugweti ugayikangaata mu binyamahanga nga mwana weꞌndare, unali naaho nga ngoona mu miiji. Ugweti ugayoga mu miiji gaawe, iri unagatwanga mu kugalibata-libata mwo, halinde gakundule.

Hezekyeri 19:14

Umuliro, keera gwahuluka mwiꞌsina lyagwo, gwanayami jigiivya ibitumbwe byagwo byoshi. Mu matavi gaagwo, ndaalyo íriki kaniri, mbu libaajwe mweꞌngoni yeꞌkyami. Yulwo lwimbo, luli lweꞌkimombo. Lunakwiriiri ukukizi yimbwa mu bigandaaro.»

Hisaaya 23:4

E Sidooni, we kikalage kya mu nyaaja. Kundu kwokwo, ufwagage ishoni! Si inyaaja igateezibwa ishoni, nga mukazi úwayidesa, ti: «Ndazindi yuvwa umukero gwoꞌkubuta, ndanazindi shuusa umwana, aba woꞌbutabana kandi iri woꞌbunyere!»

Sefaniya 2:15

Yako kaaya keꞌNinaawi, abandu bâli katuuziri mwo ku malega, na mu butoge. Bâli kizi deta, ti: «E balya, si twe tushubi sumbiri abandi bandu booshi!» Aaho! Kuti kuno ukolaga mushaka unakoli ba igomberano lyeꞌnyamiishwa! Ikyanya abandu bagakizi lenga yaho, bagakizi kuhonyoleza, iri banashagania amaboko, mu kukushekeereza.

Mika 2:4

Yizo siku, abagoma bagakizi mùhonyoleza. Banakizi yimba yulu lwimbo lwaꞌmaganya hiꞌgulu liinyu, ti: «Ala twe! Keera tukahererekera, twanamirwa lwoshi-lwoshi! Nahano keera akatunyagaga ikihugo kiitu, anakigabira abagoma biitu.»

Hobadiya 1:5

Abazimba kandi iri banyazi, nga bangamùhandira bushigi, si bangamùnyaga ibindu byoshi byo baloziizi, banamùsigire ibindi! Kiri naꞌbimbuzi beꞌmizabibu, nga bangamùyingirira mu ndalo, si bali mu siga yaꞌbakeni bangashondooza.

Yuheeri 1:18

Yuvwirizi ngiisi kweꞌbitugwa bigweti bigaborooga. Ingaavu, zigweti zigayifuka iyo munda neꞌyo munda, hiꞌgulu lyoꞌkubula indagiriro. Kiri neꞌbibuzi neꞌmbene, bigweti bigalibuuka!

Kimombo 1:1

Mu mahanga gooshi, akaaya keꞌYerusaleemu ko kâli kizi huuzibwa bweneene. Haliko buno, kakola nga namufwiri. Yako kaaya kâli yijwiri mwaꞌbandu bingi, si buno keera kasiba lwoshi. Mu tundi twaya, kundu ye wâli muluzi-nyere, si buno, kakolaga muja-kazi naaho.

Yeremiya 9:20

«Narufu keera asheshera mu twazo twitu, anatuteera mu nyumba ziitu, kundu ziyamiri ziri nzitire. Akola mu kumbulula abaana biitu mu njira, neꞌmisore yitu mu mitalimbwa.»

Yeremiya 7:29

Nahano adetaga kwokuno: «E batuulaga beꞌYerusaleemu! Mukunguule imishaku yinyu, munagikabulire, munazamuukire ku marango, gira mugendi bululukira yo. Mukuba yaba bandu, keera bakandaakaza. Kwokwo naani, keera nꞌgabajanda.»

Yeremiya 6:26

Nahano adetaga kwokuno: «E bandu baani, muyambale amasuuzu, munayivuruguuze mu munyota-kiiko. Mubululuke nga úwafwirwa noꞌmwana weꞌkininga. Mukuba, masaasa atabukwa, umushereeza akola agayija.

Hisaaya 23:8

Aahago! Yukwo kushereezibwa kwinyu, nyandagi úkakushungika? Abadandaza baawe, si bâli bagangambale nga baluzi, banâli kizi gingikwa hooshi mu kihugo!

2 Samweri 1:19

E Bahisiraheeri, mu migazi yinyu, ábashubi mùleetera ubulangashane, keera bayitwa. Lolagi ngiisi kweꞌbikalage keera byagwa haashi.

Yoshwa 19:29

Yulwo lubibi lwanashubi nyookera i Rama, halinde ku kaaya keꞌTiiro, kwo kâli zitiirwi. Lwanashubi hinduuka uluhande lweꞌHosha, na ku lwiji Mediterane, lwanahika neꞌMahaleevi, neꞌHakizibu,

Yeremiya 48:39

«Yabo Bamohabu, keera bavunika. Bakola mu bululuka. Mulolage ngiisi kwo bagweti bagateezibwa ishoni. Abandu bakola mu bahonyoleza, keera banateteerwa ngana!»

Yeremiya 50:23

Ubwa mbere, Abababeeri bâli gweti bagahooja-hooja amahanga gooshi. Halikago buno, nabo keera bahirikwa, banatwika. Mu bihugo byoshi, i Babeeri yo ikoli sherebiiri bweneene.

Hezekyeri 32:23

Yizo shinda ziyisiri bweneene, mwiꞌdako lyaꞌbandi abafwiri. Iyeꞌmwage izungulusirwi na zeꞌkiso kyage. Ikyanya bâli ki riiri bagumaana, bâli kizi leeza abandi booshi mweꞌkinyukura. Halikago buno, nabo keera bakayitwa booshi mwiꞌzibo.

Hezekyeri 32:27

Batâli kizi ziikwa mu kati koꞌlushaagwa, nga zirya ndwani za keera. Mukuba yabo ba keera, ikyanya bakayikira mu shinda, banabwikirwa neꞌsiribo zaabo. Neꞌngooti zaabo, bâli zishendamiiri. Ikyanya bâli ki riiri bagumaana, bâli kizi leeza abandu mweꞌkinyukura.