Hezekyeri 26:15 - Kifuliiru

¹⁵ «Nie Rurema Nahamwinyu nabwira abandu beꞌTiiro kwokuno: Ngiisi ábatuuziri ku butambi bweꞌnyaaja, bagaabona ngiisi kwo mwabezibwa inguma, na ngiisi kwo mugweti mugabanda akashiba mu kuyitwa. Neꞌkyanya mugayideedeka haashi, bagayami jungubana.

Hezekyeri 26:15 Referans Kwoze

Hezekyeri 27:35

Abatuulaga booshi ba ku nyaaja, ikyanya bakabonaga íbikakukoleka kwo, banakanguka. Abaami baabo banayoboha bweneene, halinde amalanga gaabo ganayami zizibala ku mwizingeerwe.

Yeremiya 49:21

Ikyanya bagaagwa, ikihugo kigajugumbana. Ikyanya bagayidehereza mu nduulu, igayuvwikana halinde ku Nyaaja Ndukula.

Hezekyeri 31:16

«Yikyo kiti, ikyanya kikayibudika haashi, buu! Nanayami kilindimulira i kuzimu. Ikyanya kikalindimukiraga yo, izu lyakyo lyanayami teera ibinyamahanga ikyoba. Haliko, ibiti byoshi byeꞌHedeni kuguma na birya biti biija byeꞌLebanooni, kwo byâli kizi nywisibwa, byoshi byanaholobezibwa i kuzimu, imunda abafwiri batuuziri.

Hezekyeri 26:18

Bwo keera mwagwa, mwanahimwa, ngiisi ábatuuziri ha butambi lyeꞌnyaaja, bagweti bagajuguma. Kiri na ábatuuziri mu tulira bakoli yobohiri!”

Hezekyeri 32:10

Ikyanya bagakizi yuvwa kwo wanyanyagwa haashi, bagalenga mweꞌkinyukura. Ngiisi mwami agakizi yitaaniza, mbu hali ikyanya naye angayitwa. Abandu booshi bagaaba noꞌmwizingeerwe.

Hezekyeri 27:28

Ikyanya abashooji baawe bagateera umulaga kwo batabaalwe, abandu ku ngombe bagajuguma neꞌkyoba.

Hisaaya 2:19

Ikyanya Nahano agayiji jugumya ikihugo, agakangana ku bulangashane bwoꞌbukalage bwage. Haahago, abandu banagendi yifunda mu nyaala, banahumbe neꞌbishimo, gira bagendi yibisha mwo.

Hisaaya 41:5

Mwe binyamahanga mwe mutuuziri i kajabo keꞌnyaaja! Mulangiizagye, munalenge mweꞌkinyukura. Mugire muyilingikanie hiꞌgulu liꞌzibo, iri munajuguma.

Hezekyeri 26:10

«Ulukuuli lweꞌfwarasi zaage, lugayija lugweti lugagirigimba, halinde ulukungu lwazo lunakusitire. Abasirikaani baage ábali mu zigendera kwo, ikyanya bagayija bali mu magaare giꞌzibo, inzitiro zigajugumbana, banayigogombeke mu kaaya kiinyu, nga ábayifunda heꞌnzitiro zikoli hongosiri-hongosiri.

Hezekyeri 26:21

Ugakizi teera abandi bandu ikyoba. Haaho, ho uganamalira. Kundu bagakizi kushakula, haliko batâye ki kubone. Kwokwo, kwo nie Rurema Nahamwinyu ndesiri.»