Hezekyeri 26:13 - Kifuliiru

¹³ Ehee! Ukuyimba kugaamala, kiri noꞌkulasa ibinanda.

Hezekyeri 26:13 Referans Kwoze

Yeremiya 7:34

Mu mitalimbwa yeꞌYerusaleemu, kiri na hooshi mu tundi twaya tweꞌBuyuda, hagasigala munyerere, shee! Ikisegengo kyeꞌsiku ngulu kigaamala, kiri neꞌkyaꞌmageni. Ikihugo, kinasigale mushaka.»

Hisaaya 23:16

«E bulambe woꞌmukazi, we kayibagirwa! Yabiiraga ikinubi kyawe, unazunguluke mu kaaya, iri unaziha inyimbo nyiija-nyiija. Uyimbe inyimbo za kwingi-kwingi, lyo ulonga ukushubi kengeerwa.»

Yeremiya 25:10

«Mutagakizi ki gira ibisegengo, mbu mushambaalire amageni. Yulwo lujongo lugaamala, kiri neꞌnyimbo zoꞌkulaaliza. Ndaaye úgashubi lasa ulushyo. Ndaanaye úgaki shubi yasa itara.

Yeremiya 16:9

Mukuba, nie Nahano woꞌbushobozi bwoshi, Rurema waꞌBahisiraheeri, na ndi mu kyula kwokuno: “Mu kino kihugo, abandu batagaki shambaala, kandi iri kusheka. Mutanaki yuvwe amazu gaꞌbahya, kandi iri ga ku kyanya kyaꞌmaganya. Yibyo byoshi byo nadeta, bigakoleka mu masu giinyu.”

Hisaaya 14:11

Kundu ubwa mbere bâli kizi kugingika mu bulangashane, haliko yubwo bulangashane bwawe, keera bwamanulirwa i nakwere. Ibinubi byo bâli kizi kulakiza, kwokwo, nabyo mugamanukanwa yo. Honyo! Ibitwera, kyo kikolaga kyajo kyawe! Imivuuzi, kyo kikola kibwikwa kyawe!

Hosheya 2:11

Kyo kitumiri byoshi, ngayiji múnyaga byo, ngeꞌngano keera ízayera, neꞌdivaayi mbyahya. Ngamúnyaga kiri neꞌmirondo yo nꞌgamúheereza, mbu akizi bisha mwoꞌbukondwe bwage.

Hezekyeri 28:13

Wâli jeberiiri bweneene, nga bandu ábâli i Hedeni, mwiꞌrya ndalo ya Rurema. Wâli limbisiibwi na ngiisi mabuye geꞌkishingo, ngiꞌbuye lyeꞌsaridwane, na lyeꞌtopaazi, na lyeꞌdyama, na lyeꞌkirisolite, na lyeꞌyasipi, na lyeꞌhonikisi, na lyeꞌsafiiri, na lyeꞌharija, na lyeꞌsikaribukile. Ubungeni-ngeni bwawe bwâli tuzirwi mu nooro naaho-naaho. Yibyo byoshi, bikagirwa hiꞌgulu lyawe ku lulya lusiku lwo ukalemwa kwo.

Hisaaya 23:7

E Tiiro, ka kwoku kwaꞌkaaya kiinyu kakolaga? Si yaho keera, wâli kizi shambaala bweneene! Abatuulaga baawe, si bâli kizi gendi dandaliza i mahanga!

Hisaaya 22:2

Kituma kiki mugweti mugabanda akabuli, na kituma kiki akaaya kali mwoꞌmulengo neꞌkisegengo? Ee! Abandu baawe keera bakafwa, neꞌbirunda byabo bikoli kabuliirwi hooshi. Kundu kwokwo, litali izibo írikabayita.

Hisaaya 5:12

Ikyanya bali mu kizi yilala mu bitali nga byo, bali mu ba bashambiiri, mu kukizi ziha ikinubi, neꞌnzeeze, banalase neꞌngoma, neꞌmiteera-teera. Kundu kwokwo, ngiisi byo Nahano ali mu kizi gira, batabitwaziizi. Kiri na yenyene, batanamútwaziizi.

Zaburi 137:2

Ee! Ku kirya kyanya, tukatee manika inzeeze ziitu ku biti byazo.

Hisaaya 23:12

Nahano akadeta: «E bandu beꞌSidooni, si keera mwasherebera, mutanâye ki shambaale! Mukolaga nga munyere úwagumbiirwa. Kundu mwangakoli jabukira i Kipuro, haliko mutagalonga ho mugaluhuukira.»