Hezekyeri 26:12 - Kifuliiru

¹² «Ha nyuma, yabo basirikaani banayaduukire ku bindu biinyu, kiri na byo mugweti mugadandaza, banabishahule. Inzitiro ziinyu, na zirya nyumba ziinyu nyija-nyija, bagaasiga babihongolera haashi. Banavugumule amabuye gaazo mu nyaaja, neꞌmbahwa, kiri noꞌluvu.

Hezekyeri 26:12 Referans Kwoze

Hisaaya 23:8

Aahago! Yukwo kushereezibwa kwinyu, nyandagi úkakushungika? Abadandaza baawe, si bâli bagangambale nga baluzi, banâli kizi gingikwa hooshi mu kihugo!

Hamoosi 5:11

Ikyanya abandu bakeniri, muli mu shubi balibata-libata. Si ikyanya muli mu batangiisa ingano ku kahaati, lyo muli mu bazimba. Kundu mukakizi yubaka inyumba nyiija zaꞌmabuye mabaaje, mutâye zituule mwo! Na kundu muli mu limiisa indalo zeꞌmizabibu miija, ikyanya bâye gikande mweꞌdivaayi, mutâye ginywe kwo.

2 Kutondobola 32:27

Mwami Hezekiya anaba mugangambale, anakizi gingikwa bweneene. Anayubaka ibihinda bihamu, gira akizi lunda mweꞌharija, neꞌnooro, naꞌmabuye ágakeyengiini, naꞌmalaasi, neꞌsiribo, neꞌbindi bindu bya kwingi-kwingi byeꞌkishingo.

Zakariya 7:14

Nanabashabulira hala mu mahanga, banagendi tuula yo nga binyamahanga. Ikihugo kyo bâli siziri, kyanahinduka mushaka. Ndaaye mundu úkakilenga mwo. Emwe! Kirya kihugo, kundu kyâli simisiizi, haliko kyanaba kikolaga ishamba naaho.»

Nahumu 2:9

Si Abaninaawi bakola ngiꞌbenga íryatulika. Kundu bali mu deta: «Mulekage ukutibita, mulekage ukutibita!» Haliko, ndaaye úli mu yimanga. Si booshi bali mu tibita!

Hosheya 13:15

Yabo Bahisiraheeri, bo bagendukiirwi bweneene mu bandu beꞌgindi milala! Kundu kwokwo, Nahano agavyula ikihuhuuta ukulyoka isheere. Kigahuluka mwiꞌshamba, kinayiji kamya ibirigo byalyo. Kiri neꞌshyoko zaalyo zinayume. Yabo Bahisiraheeri, ibihinda byabo byoshi, agabishereeza ngana-ngana.

Danyeri 11:8

Neꞌkyanya agataaha, agatwala imizimu, neꞌmigisi, neꞌbirugu íbikatulwa mu nooro, na íbikatulwa mu harija. Yibyo byoshi, anabitwale imbohe halinde mu kihugo kyeꞌMiisiri. Uyo mwami weꞌkisaka, anahise imyaka migerwa atakiri mu gendi teera uyo wabo weꞌmbembe.

Hezekyeri 28:8

Bagakulindimulira mu kuzimu, unafwire buligo mu kalingi keꞌnyaaja.

Hezekyeri 26:5

Yako kaaya keꞌTiiro, kagasigala ha kati keꞌnyaaja, haꞌbadubi bagakizi yanikira injenga zaabo. Kwokwo, kwo nie Rurema Nahamwinyu ndesiri. «E bandu beꞌTiiro, ibinyamahanga bigamùgwata imbira.

Yeremiya 25:34

Mwe bangere! Mubandage akashiba ku kimombo! E bimangizi baꞌbandu! Muyibulage mu munyota-kiiko. Bwobuno, bakolaga bagamùtongeera ku ngooti. Mukola mugakizi yideedeka haashi, nga kirugu kiꞌbumba, neꞌbigyo binashaabuke.

Hisaaya 32:12

Mukizi yikomomba ku kikaraza. Mukizi liruuka mukuba indalo ziinyu, kundu zishubi dehiri, zinashubi jojesiri kweꞌmizabibu mingi, halikago iyo mizabibu, ndaakiyo.

Hisaaya 23:11

Nahano keera akagolola ukuboko kwage ku nyaaja, anajugumya amaami mu kihugo. Anagweti agakyula kweꞌnzitiro zeꞌKaanani zihongolwe.

2 Kutondobola 36:10

Iri hakaba ku ndondeko yoꞌmwaka, uyo mwami Nebukandeneza weꞌBabeeri analungika abandu, kwo bagendi looza mwami Yoyakini weꞌBuyuda. Balya bandu, iri bakamúbona, banamútwala imbohe halinde i Babeeri, banatwala neꞌbindu byoshi byeꞌkishingo bya mu nyumba ya Nahano. Nebukandeneza anayimika Zedekiya, yishe wage Yoyakini, abe mwami ahandu haage.

Yeremiya 52:14

Kiri neꞌnzitiro zooshi zeꞌYerusaleemu, anabwira abasirikaani beꞌBabeeri kwo bazihongolere haashi.