Hezekyeri 24:6 - Kifuliiru

⁶ «Nie Rurema Nahamwinyu nadetaga kwokuno: Yayewe, imwa Yerusaleemu, akaaya ko bali mu yitana mwo! Yako kaaya, kali nga nyungu ígishimiiri, itanganaki shukwa mbu iyeruuke. Aahago! Yizo ndongo íziri mwo, muzishaaze nguma-nguma bwalaafwe.

Hezekyeri 24:6 Referans Kwoze

Hezekyeri 22:2

«E mwana woꞌmundu, abandu ba mu kano kaaya, bali biitani. Aaho! Bwo bagweti bagayagazania, ubatwire ulubaaja.

Nahumu 3:1

E kaaya keꞌNinaawi! Yayewe imwawe! Si ulyagagi mwitani, unali mutebani! Mu kati kaawe, muyijwiri ibindu byo ukashahula! Si wâli kizi tindimaza abandi bweneene.

Nahumu 3:10

Kundu kwokwo, yabo bandu beꞌTebeesi nabo bakagwatwa imbohe, banatwalwa i mahanga. Kiri naꞌbaana baage baanuke, abagoma baabo bakabatenga-tenga, halinde banafwira mu ngiisi mashangaaniza. Abanalushaagwa baabo booshi, bakabagaba mu kubataarira ikibare. Abatwali baage booshi, bakabashweka iminyororo.

Mika 7:2

Yabo booshi ábâli simbahiri Rurema, batakiri ho. Mu kihugo kyoshi, mutakiri mundu mwija. Si abandu booshi bakola mu yitana. Banagweti bagakizi tegana umubashu.

Hobadiya 1:11

Ikyanya ibinyamahanga bikayingira i Yerusaleemu, byanashahula yeꞌbindu byoshi, byanabigabaana mu kutaara ikibare. Ku yikyo kyanya, mwanayisunga hala naaho, mwanayigira nga muguma waꞌbagoma.

Hezekyeri 22:27

Balya batwali baabo, balyagagi nga mirunga íri mu janganula-janganula inyamiishwa. Bagweti bagakizi yitiisa abaabo, lyo balonga ukugala.

2 Baami 24:4

Uyo Manaasi akayita abandu bingi bazira buhube, halinde akaaya keꞌYerusaleemu kanayijula umuko gwabo. Ikyanya akagira kwokwo, Nahano atanalooza ukumúkoga.

Bwigule 18:24

Mu yako kaaya keꞌBabeeri, mwâli kizi boneka imiko yaꞌbaleevi ba Rurema, neꞌyaꞌbandi bandu baage, kiri neꞌyaꞌbandi booshi ábakayitwa mu kihugo.

Bwigule 17:6

Nanabonaga kwoꞌyo mukazi âli koli lalusiri umuko gwaꞌbandu ba Rurema. Yabo bandu, bakayitwa, bwo bâli kizi tangira Yesu ubumasi. Ulya mukazi, ikyanya nꞌgamúbona, nanasoomerwa ngana-ngana!

Mataayo 23:35

«Abandu bingi, kundu bakayitirwa imbalanga, umuko gwabo, mwe mugagubuuzibwa. Ee! Mugagubuuzibwa, kutondeerera ku gwa Habeeri, ulya úwâli kwaniini imbere lya Rurema, halinde ukuhisa ku gwa Zakariya mugala Barakiya, ulya mukayitira ha kati keꞌnyumba ya Rurema, naꞌkatanda koꞌkutangira kwaꞌmatuulo.

Yona 1:7

Iri hakatama, balya bakozi banabwirana: «Muleke tubuuzagye kyula, tulonge ukumenya ngiisi úwatuyingiza mu buno buhanya.» Neꞌri bakabuuza, ikibare kyanagwata Yona.

Yuheeri 3:3

Ngakizi yerekana ibitangaaza ku biri kwiꞌgulu, na ku biri mu kihugo. Hagaboneka umuko, noꞌmuliro, halinde ikyusi kinakizi tutumuka hiꞌgulu.

Hezekyeri 24:9

«Nie Rurema Nahamwinyu nadetaga kwokuno: Yayewe, imwaꞌkaaya ka ábali mu yitana! Naani, ngakalunda mweꞌshaali nyingi.

Hezekyeri 22:12

«Baguma biinyu bagweti bagakizi yitana, lyo bahaabwe imbuli. Banali mu kizi haana umwenda, mu kulooza ubunguke bwingi! Banagweti bagakizi nyaga ibya beene mu kugungana. Balya bandu, keera banyibagira lwoshi! Kwokwo, kwo nie Rurema Nahamwinyu ndesiri.

Hezekyeri 11:11

«Kano kaaya keꞌYerusaleemu, katagaaba nga yo nyungu imwinyu. Na mwehe, mutagaaba nga nyama ízisingwirwi mwo. Si nienyene, ngamùhana halinde ukuhisa ku mbibi zaꞌBahisiraheeri.

Yeremiya 6:29

Umuliro gwoꞌmuduba, kundu guli mu duuta bweneene, haliko ikikwi kitali mu lyoka ku miringa. Kwokwo, abandu baani nabo, kundu bakola mu leezibwa mu muliro, haliko ubuligo bwabo butali mu bamala kwo.

2 Baami 21:16

Ulya Manaasi anakizi yitira abandu bingi ikimaama. Umuko gwabo, gwanahingira mu kaaya keꞌYerusaleemu, ukulyokera uluhande luguma, halinde ulundi. Âli kizi hubiisa abandu beꞌBuyuda, halinde banakizi bihuuka imbere lya Nahano.

2 Samweri 8:2

Dahudi anashubi lwa naꞌBamohabu. Nabo, anabahima. Ngiisi bo akagwata imbira, anabakona, anababiika ku miziizi, anabagwejeza haashi, anakyula kwo bakizi yita abandu babiri-babiri, banakizi leka uwa kashatu. Kwokwo, kwaꞌBamohabu bakaba bakozi ba Dahudi, anakizi barambuliisa.

Yoshwa 10:22

Haaho, Yoshwa anashubi deta kwokuno: «Irya mikungubwe, mugilyose ha mulyango gwoꞌlwala. Muhuluse mwo balya baami bataanu, munabandeetere.»

2 Baami 24:3

Yibyo byoshi, ku kasiisa Nahano ye katuma bigakoleka ku Bayuda, gira alonge ukushaaza ibyaha bya mwami Manaasi, neꞌbihigo byoshi byo âli kizi yifunda mwo.

Hezekyeri 11:3

Bali mu deta, ti: “E balya! Ikyanya kyoꞌkuyubaka inyumba hano kitazi hika. Ee ma! Kano kaaya, kalyagagi nga nyungu mbamu. Na twehe, tuli nga nyama ízasingulwa mwo.”

Hezekyeri 22:3

«Ubabwirage kwo nie Rurema Nahamwinyu nadeta kwokuno: Si mugweti mugayitana, iri munayiyulubaza mu kukizi yikumba imigisi! Aahago! Keera mwayikululira umwama.

Hezekyeri 24:3

Ha nyuma, unaheereze abahuni umugani, kwo nie Rurema Nahamwinyu nadetaga kwokuno: “Utereke inyungu ku masiga, unagiyijuze mwaꞌmiiji.

Bukengeeze 23:13

«Ukwiriiri ukuyubaka umuhanda ibutambi lyeꞌshumbi, habe ho mugakizi yitabaalira.

Yeremiya 2:22

Ibyaha biinyu, kundu mwangagira mbu mubishukiirize neꞌsaabuni, haliko, biyamiri-yamiri biri imbere lyani.» Kwokwo, kwo Rurema Nahamwitu adesiri.