Hezekyeri 24:13 - Kifuliiru

¹³ «E bandu beꞌYerusaleemu, niinyu mumenyage kweꞌbyaha biinyu bikoli mùyulubaziizi. Kundu nageregeza ukumùyeruusa, bitanaziga. Kwokwo, ngatee mùhana ku buraakari bwani, lyoki, mukabuli yeruuka.

Hezekyeri 24:13 Referans Kwoze

Hezekyeri 22:24

«E mwana woꞌmundu, ugendi bwira Abahisiraheeri, kweꞌkihugo kyabo kigashereera hiꞌgulu lyoꞌburaakari bwani, nga kweꞌkihugo kyangashereera hiꞌgulu lyoꞌkubula invula isiku nyingi.

Hezekyeri 5:13

«Haaho, lyoꞌbute bwani bugahooha, bunamale. Mukuba umutima gwani gugaaba keera gwaholeera. Abandu banamenye kwo nie Nahano, na kwo ndi mu hana ku buraakari bwani.

2 Bakorindo 7:1

E bakundwa baani! Bwo tukoli hiiti iyo mihango, tuyiyeruusagye na ngiisi íbyangayulubaza amagala neꞌmitima. Ee! Bwo tukoli simbahiri Rurema, tufiitirwe ukukwanana imbere lyage.

Sefaniya 3:2

Ikyanya abahanuuzi bali mu kizi kuhanuula, utali mu batwaza, utali mu yemeera ukuyerekezibwa. Utabiisiri Nahano kwoꞌmulangaaliro, utanagweti ugamúyikumba.

Hezekyeri 16:42

Kwokwo, ubute bwani hiꞌgulu lyawe, noꞌluugi binamale, halinde na mboleere, ndaganaki shubi gwatwa noꞌbute.

Hezekyeri 8:18

Yago mabi gaabo, go gatumiri ngabahana ku buraakari bwani. Naani ndagaki bakejeerera, kandi iri kubalekeerera. Kundu bangandakira kwiꞌzu lihamu, ndagabatwaza.»

Bwigule 22:11

Umundu, iri angaba ali mu gira amabi, agendererage noꞌkukizi gagira! Ngiisi munabihigo, naye agendererage ukuhigula! Neꞌri umundu angaba ali mu gira íbikwaniini imbere lya Rurema, naye agenderere ukubigira! Umundu, iri angaba akoli yerusiibwi, agenderere ukuyeruuka.

Sefaniya 3:7

Nâli gweti ngaadeta, ti: “Ku kasiisa, leero abeꞌYerusaleemu bangakoli nzimbaha, banayemeere ukuyerekezibwa. Kwokwo, ndangaki bahana mu kushereeza inyumba zaabo.” Kundu kwokwo, boohe baki fitiirwi ukuyilala naaho mu bitalaalwe.»

Hosheya 7:1

Nahano anashubi deta kwokuno: «Ku kyanya ndi mu looza ukukiza Abahisiraheeri, ibyaha bya beene Hifurahimu binabe byo bigashubi boneka. Kiri naꞌmabi gaꞌBasamariya, nago ganayulubuke. Mukuba, bali banabibeesha. Abazimba bagweti bagatula inyumba. Kiri neꞌmbuga, abanyazi bagweti baganyagaza abandu.

Hezekyeri 24:11

Mutereke inyungu maata ku muliro, gira iduute bweneene, inadukule. Kwokwo, lyo irya ngishi igajongoloka, inyungu inashubi yeruuka.

Yeremiya 31:18

«Nyuvwiti ngiisi kwaꞌBahifurahimu bakola mu yidodomba, mbu: “E Nahano! Twâli riiri nga nyana ítazi hetwa ukubetula ingata. Watuhaniiriza bweneene, halinde twanagiyiga. Aaho! Utugalulage, halinde tushubi ba bandu baawe. Si wenyene naaho, we Rurema Nahamwitu!

Hisaaya 22:14

Nahano woꞌbushobozi bwoshi, keera anyereka kwo kiri na ku lusiku lwo mugaafwa kwo, gano mabi giinyu gatâye kogwe! Kwokwo, kwo Nahano woꞌbushobozi bwoshi, adesiri.

Kimombo 1:9

Kundu ibitalaalwe byage byâli kizi múkululira umwama, si atâli kizi gutwaza. Kyanatuma agayiyulubaza bweneene. Kwokwo, ikyanya akayihongoleka haashi, ndaaye úkayiji múholeeza. Akolaga mu yinginga Nahano, ti: «E Nahano, langiiza ngiisi kwo nalonga ubuhanya! Si abagoma keera bambima!»

Zakariya 6:8

Haaho, ulya muganda anambamagala, anambwira kwokuno: «Langiiza! Zirya fwarasi ízikagenda imbembe, keera zikaluhuusa umutima gwani iriira munda.»

Balaawi 13:55

«Yizo siku, iri zangamala, yikyo kyambalwa, agashubi kiloleekeza. Neꞌri angagwana hirya hilabike, kundu hitayajabuka, haliko hikihiiti lyeryo ibara, muba munda, kandi iri i mugongo, iri yikyo kyambalwa kiki yulubiiri, kinakwiriiri kisingoolwe lwoshi.

Balaawi 14:43

«Ikyanya bagaaba keera bayusa ukushaaza galya mabuye, banabe keera bashubi haseemania, hali ikyanya yihyo íhiri nga mubembe hyangashubi boneka.

Yeremiya 13:27

Ngiisi byo mugweti mugaagira, kiri kyagaza bweneene imwani! Mbwini ngiisi kwo mukoli yifuuziri mu busambani, nga fiizi íri mu lungumirira ibuguma. Munakola mu yilala mu byeꞌkipagaani, ku migazi, kiri na mu ndalo. E bandu beꞌYerusaleemu, yayewe imwinyu! Ka mutâye yeruusibwe?»

Kimombo 5:22

Aaho! Ka keera wayami tulahira lwoshi-lwoshi? Ka uki turakariiri halinde ku kino kyanya?

Hezekyeri 5:12

E Yerusaleemu! Mu bandu baawe, ikihande kiguma kya kashatu kigaafwa ku njira yeꞌkiija, noꞌmwena. Ikindi kihande, kigayitirwa imbuga lyeꞌnzitiro zaawe. Neꞌkindi íkisigiiri, ngakishabulira mu mahanga gooshi. Ngabalandiriza yo, gira ngendi bayita ku ngooti.