Hezekyeri 23:40 - Kifuliiru

⁴⁰ «Hali neꞌkyanya bakatumira abashosi ukulyoka i mahanga, banayija. Ohola na Oholiba banagendi yikaraba, banayilaba ku bisike, banayambala noꞌbungeni-ngeni,

Hezekyeri 23:40 Referans Kwoze

Yeremiya 4:30

E bandu beꞌYerusaleemu, kutagi leero mugaagira? Si keera mwashereezibwa lwoshi-lwoshi! E bandu beꞌBuyuda, kituma kikagi muki gweti mugayambala ibyambalwa byoꞌmulimbo? Munakiri mu yilimbiisa noꞌbungeni-ngeni úbukatulwa mu nooro! Na kituma kikagi mukiri mu yilaba ishalo nyiiru-nyiiru ku masu? Yukwo kuyilimbiisa kwinyu, si kulyagagi kwa busha! Si buno, biira biinyu keera bamùnenuuka, banakoli mùhigiiri, kwo bamùyite!

2 Baami 9:30

Ikyanya Yehu akahika i Yezereheri, Yezebeeri âli mali menya ngiisi íbyakoleka. Haaho, anayishiiga uluhemba ku masu, anayumaanania umushaku gwage, anagendi lingulira haashi mu kaazo.

Hisaaya 57:9

Muli mu yidadabika amalaasi, kiri naꞌmavuta, gira mugendi simiisa umuzimu Moleki. Munali mu lungika abandu iyo munda neꞌyo munda, kiri neꞌnakwere, mbu bagendi yiloogeza byoꞌkuyikumba.

Hezekyeri 23:13

«Uyo Oholiba, nanabonaga kwo agweti agayiyulubaza mu bushule, nga kwo mukulu wage naye âli kizi gira.

Migani 7:10

Lyeryo, ulya mukazi anahuluka, anamúyegeera. Âli koli yilimbisiizi nga mukazi mushule, anâli loziizi ukumúlyerega.

Hesiteeri 2:12

Ikyanya abanyere batazi gendi yiyerekana imwa mwami Serikisi, bâli kizi tee mala imyezi ikumi niꞌbiri, bagweti bagayilimbiisa. Bali mu tee hisa imyezi ndatu, bagweti bagayishiiga amavuta geꞌmanemane. Neꞌgindi myezi ndatu, banakizi yishiiga amalaasi, naꞌgandi mavuta goꞌkubabuyahya.

Ruuti 3:3

«Ku yukwo, uyikarabe, unayishiige amavuta, unayambale ibyambalwa byoꞌmulimbo. Ha nyuma, unamúgwane ngiisi ho ali mu yeluulira. Haliko, utalunguli múyibonesa, átazi yusa ukulya noꞌkunywa.

1 Peturu 3:3

Ikyanya mugayilimbiisa, kutakizi ba ku byaꞌmagala naaho, ngoꞌkulukiisa imishaku, kandi iri kukizi yambala íbiri mu tulwa mu nooro. Kutanabe mu kuyambala imirondo yoꞌmulimbo.

Migani 6:25

Kundu angabiiri anonosiri, utakizi hemuka. Utanagwatwe imbira, mbu bwo ali mu kuyeruza.

Hosheya 2:13

Kundu aki gweti agayishambaaza mu siku ngulu, halikago ngazitwikiza zooshi. Kuli kudeta isiku ngulu za ngiisi mwaka, na zeꞌmbaluko yoꞌmwezi, na zeꞌSabaato.