Hezekyeri 21:9 - Kifuliiru

⁹ Ábakwaniini na banangora-mabi, nga kwo batuuziri ikisaka halinde imbembe, booshi ngabayitira kuguma.

Hezekyeri 21:9 Referans Kwoze

Hezekyeri 21:28

«Yugwo mwambi, ngiisi byo gugayerekana, balya bandu beꞌYerusaleemu bagaatona kwo biri bya bibeesha. Mukuba balya Bababeeri, Abahisiraheeri bâli mali biika indahiro kwo bagakizi bakolera. Kundu kwokwo, uyo mwami agabakengeeza ngiisi kwo bâli kizi huna imbere lyage. Ha nyuma, anabateere, anabagwate.

Hezekyeri 21:3

Ugendi babwira: “Muyuvwirize ngiisi kwo Rurema Nahamwitu agweti agaadeta, ti: Ngola ngayasa umuliro, gira nzingoole ibiti biinyu byoshi, ibyumu, kiri neꞌbibishi. Yibyo biti byoshi, ikyanya bigagulumira kwoꞌmuliro, ndaaye úgaahasha ukuguzimya. Si abandu booshi, ukulyokera ikisaka halinde imbembe, bagahiira.

Hamoosi 9:4

Kundu abagoma baabo bangabatwala imbohe, ngakyula kwo babaminikire yeyo munda, ku ngooti. Emwe! Ngabayuja-yuja. Si keera nahiga kwo ngabayogogoza! Kutanali mbu mbagirire amiija!»

Hezekyeri 21:15

Na íbitumiri bagweti bagagityaza, gira bakizi yitana mwo. Banagiyeruuse, lyo ikizi kyemula nga mulavyo.

Yeremiya 15:2

«Mango bakubuuza, ti: “Tugendage hayi?” unabashuvye kwo Nahano adetaga kwokuno: “Ngiisi ábashungikiirwi ukufwa, bagaafwa nyene. Na ábashungikiirwi kwo bayitwe neꞌngooti, zo ziganabayitaga. Na ábashungikiirwi kwo bayitwe niꞌshali, lyo liganabayita. Na ábashungikiirwi kwo batwalwe imbohe, baganagenda yo.”

Yeremiya 12:12

«Hooshi ku marango, abasirikaani bakola mu yiji shahula ibindu. Yabo basirikaani, nienyene nie kabatumira, gira bashereeze ikihugo kyoshi, ndaanaye mundu úgakituula mwo ku butoge.

Hisaaya 66:16

Nahano agaahana abandu ku muliro, na ku ngooti. Ehee! Na yabo ábagaminikwa, bagaaba kanyegete.

Hisaaya 27:1

Yulwo lusiku, Nahano agaahana ikingisho-ngisho kyoꞌmujoka Levyataani, gulya úgutuuziri mu nyaaja. Yugwo mujoka, kundu guli mu kizi puumuka, gunali mu yizonga-zonga, si Nahano agayomola ingooti yage, anayami guyita.

Hayubu 20:25

Iyo myambi, bali mu gishogola mu migongo yabo. Banalyose isongo-songo zaayo mu madiku, ziki langashiini. Bakoli yobohiri naaho, kwo bakola bagaafwa.

Yeremiya 46:4

Mwe muli mu gendera ku fwarasi, muziyaje kweꞌbyajo, munazishonere kwo. Muyambalage ingofeera zeꞌbyuma, munayibiike ibiringiini. Munatyaze naꞌmatumu giinyu, munayambale ibihazo biinyu byeꞌbyuma.

Hezekyeri 21:8

Ubabwire kwo Rurema Nahamwabo adetaga kwokuno: “Ngola mugoma winyu! Ngayomola ingooti yani, gira nimùmale mweshi, muba mukwaniini, kandi iri banangora-mabi.

Hayubu 9:22

Ewe! Si byoshi biryagagi byo biguma! Kyo kitumiri nadeta kwokuno: “Kundu nangabiiri ngwaniini, kandi iri ndi nangora-mabi, Rurema ali mu shereeza booshi.”

Yeremiya 47:7

Iyo ngooti, kutagi kwo yangatuuza, na Nahano aki gihangwiri kwo ikole? Akiri mu gibwira kwo igendi teera akaaya keꞌHashikelooni, naꞌbandi booshi ábatuuziri ku nyaaja.»

Hezekyeri 21:4

Kwokwo, lyo booshi bagaamenya kwo nie Nahano, nie naguyasa, gutaganaki zima.”»