Hezekyeri 21:3 - Kifuliiru

³ Ugendi babwira: “Muyuvwirize ngiisi kwo Rurema Nahamwitu agweti agaadeta, ti: Ngola ngayasa umuliro, gira nzingoole ibiti biinyu byoshi, ibyumu, kiri neꞌbibishi. Yibyo biti byoshi, ikyanya bigagulumira kwoꞌmuliro, ndaaye úgaahasha ukuguzimya. Si abandu booshi, ukulyokera ikisaka halinde imbembe, bagahiira.

Hezekyeri 21:3 Referans Kwoze

Yeremiya 21:13

E bandu beꞌYerusaleemu, nie Nahano kwokwo kwo nadeta: Mutuuziri ku marango, ku lwala úluli hiꞌgulu lyeꞌndekeera, munali mu yihaya, mbu: “Ndaaye úwangayiji tuteera, mbu anayihandalike mu kaaya kiitu kazitire!” Kundu muli mu deta kwokwo, nienyene ngakizi mùlwisa.

Hayubu 9:22

Ewe! Si byoshi biryagagi byo biguma! Kyo kitumiri nadeta kwokuno: “Kundu nangabiiri ngwaniini, kandi iri ndi nangora-mabi, Rurema ali mu shereeza booshi.”

Nahumu 3:5

Kwokwo, Nahano woꞌbushobozi bwoshi adetaga kwokuno: «Umulondo gwawe, ngolaga ngagushonia halinde kwiꞌtwe. Kwokwo, lyaꞌbandu baꞌgandi maami gooshi babone ubukondwe bwawe, iri banakuteeza ishoni.

Nahumu 2:13

Ishuba mu genda, inayite inyamiishwa, inazibaagire ibuguma lyayo, naꞌbaana baayo. Ee! Ikyanya yayita inyamiishwa, inyama zaazo ziri mu yijula ibundo lyayo.

Hezekyeri 5:8

Kwokwo, nadetaga kwokuno: Ngola mugoma winyu, nganamùhana mu masu geꞌbinyamahanga.

Zakariya 13:7

Nahano woꞌbushobozi bwoshi, adeta kwokuno: «E ngooti, uvyukage, gira uteere uwitu. Ee ma! Uyitage umungere, halinde ibibuzi biyami shaabuka. Kiri na naani, ngateera ibyanabuzi.»

Sefaniya 2:12

Nahano adetaga kwokuno: «Mwe bandu beꞌHendyopiya, niinyu ngamùyita ku ngooti.

Hezekyeri 26:3

«Ku yukwo, nie Rurema Nahamwinyu nadetaga kwokuno: E bandu beꞌTiiro! Buno, ngola mugoma winyu! Ngalungika ibinyamahanga bingi, biyiji mùyubukira, nga midunda mu nyaaja.

Hezekyeri 21:19

E mwana woꞌmundu, tangaga ubuleevi, iri unakoma amagasha, gira irya ngooti ikizi yitana, kiri noꞌbugira kabiri, kandi iri kashatu. Iyo ingooti yabiikirwa ukuyitana, iganayitana ngana. Izungulusiri abandu baani, gira ibayitage.

Hezekyeri 14:21

Rurema Nahamwitu adetaga kwokuno: «Kalya kaaya keꞌYerusaleemu, ngakahana ku bihano bina bikayu: kwiꞌzibo, na kwiꞌshali, na ku nyamiishwa ndangi, na ku kiija. Kwokwo, lyo ndonga ukuminika abandu baamwo, kiri neꞌnyamiishwa.

Hezekyeri 14:17

«Yikyo kihugo, hali ikyanya nangakivyula mwiꞌzibo, na mbanguule abagoma bashereeze abandu baamwo, kuguma neꞌnyamiishwa.

Hezekyeri 5:12

E Yerusaleemu! Mu bandu baawe, ikihande kiguma kya kashatu kigaafwa ku njira yeꞌkiija, noꞌmwena. Ikindi kihande, kigayitirwa imbuga lyeꞌnzitiro zaawe. Neꞌkindi íkisigiiri, ngakishabulira mu mahanga gooshi. Ngabalandiriza yo, gira ngendi bayita ku ngooti.

Yeremiya 51:25

Nahano adetaga kwokuno: «E Babeeri, uli mugazi gwoꞌbushereeze. Mukuba, ugweti ugashereeza amahanga gooshi. Kundu kwokwo, ndyagagi mugoma wawe. Ngakuhaga, na ngunyanyage haashi. Hanatame, unasigale ugasingoolwa noꞌmuliro.

Yeremiya 51:20

Nahano adetaga kwokuno: «E Bababeeri, muli nyundo yani, yo ndi mu koleesa mu kulwa. Ngweti ngamùkoleesa, gira nvungule ibinyamahanga, halinde na njereeze kiri naꞌmaami gaabo.

Yeremiya 50:31

«E bandu boꞌbwikangaate! Niehe, nie Nahano woꞌbushobozi bwoshi. Na buno, ngola ngamùlwisa. Ee! Kikola kyanya kyoꞌkumùhaniiriza.

Hisaaya 34:5

Yabo Bahedoomu, nie Nahano ngoli hiziri kwo ngabaminika lwoshi-lwoshi. Ingooti yani igadobekwa mu muko yaho mwiꞌgulu, inayami batibulirwa kwo.

Hisaaya 10:5

Nahano adetaga kwokuno: «Yayewe imwinyu, mwe batuulaga beꞌHasuriya! Zeene, muki fumbiiti ubuhiri mu maboko giinyu. Kiziga! Yago mahiri galyagagi ga kuyerekana ubute bwani!

Mwigiriza 9:2

Booshi bali mu hekera ku njira nguma, baba bandu ábakwaniini, kandi iri banangora-mabi, baba biija, kandi iri babi, baba ábakoli yeruusiri, kandi iri ábakoli yulubiiri, baba ábali mu tanga amatuulo, kandi iri ábatali mu gatanga. Baba ábali mu tanga imihango imwa Rurema, kandi iri ábatali mu gitanga. Ee! Umundu mwija, ngiisi byo ali mu longa, umunabyaha, naye, byo na byebyo.

Zaburi 17:13

E Nahano, uyimukage, maashi! Balya banangora-mabi, ubahangirire, unabuli batitimba haashi. Ukoleese ingooti yawe mu kunguluula.

Balaawi 26:33

Ngamùshabulira mu mahanga. Na nyiji mùminika ku ngooti. Utwaya twinyu, tugahongolwa, halinde ikihugo kiinyu, kinasigale kimaata.

Balaawi 26:25

Na ku bwenge mugaaba muhongwiri ikihango kyani, ngamùtibulira mwiꞌzibo. Na kundu mwangagira mbu mugendi yibisha mu twaya, haliko ngamùmwagulira mweꞌkiija, gira mumale, munabiikwe mu maboko gaꞌbagoma biinyu.

Kulyoka 15:9

Uyo mugoma ashuba mu yihaya, ti: “Ngabakulikira, halinde mbabindike. Na ngabe neꞌbindu byabo, halinde inyoota imale. Ee! Tugayomola ingooti ziitu, halinde tunabaminike naꞌmaboko giitu.”

Hisaaya 57:1

Abandu ábakwaniini imbere lya Rurema, ikyanya bali mu fwa, abandu batakiri mu yitoneesa hiꞌgulu lyabo. Ndaanaye úsobanukiirwi kwo bakafwa, lyo batayiji libuuka.

Hezekyeri 13:8

«Ku yukwo, nie Rurema Nahamwinyu nadetaga kwokuno: “Bwaꞌmabone giinyu gali ga bibeesha kuguma naꞌgandi magambo giinyu, ngolaga ngamùlwisa.” Kwokwo, kwo nie Rurema Nahamwinyu ndesiri!

Hezekyeri 29:10

ku kasiisia ngamùhanira kuguma na yulwo lwiji lwinyu. Yikyo kihugo kyeꞌMiisiri, ngakishereeza, kisigale ishamba limaata, ukulyokera i Migidoli imbembe halinde ukuhisa i Sewene ikisaka, halinde kiri na ku mbibi zeꞌkihugo kyeꞌHendyopiya.

Zaburi 80:17

Kundu twe tuli mulandira gwawe, si abandu keera bakatutema-tema, banatuyokya. Kwokwo, ugire ubakanukire, halinde baminikwe.

Zaburi 83:15

Ubayimulage, neꞌkihuhuuta kyawe kikizi bakumuula.

Yeremiya 17:27

«“Haliko, hali ikyanya mutangandwaza, munakizi koleesa ulusiku lweꞌSabaato nga zindi-zindi siku, munakizi lubetula kweꞌmiteekerwa mu kaaya. Iri mwangagira kwokwo, kano kaaya, ngaduulika imiryango yako kwoꞌmuliro. Yugwo muliro, gunagendi jigiivya kiri neꞌnyumba nyiija zaꞌbaami. Ndaanaye úgaahasha ukuguzimya.”»

Yeremiya 21:14

Ngamùhana ngana-ngana, nga ngiisi kwo bimùkwaniini. Na nduulike ulubako lwinyu mwoꞌmuliro, halinde gunasingoole byoshi íbimùsokaniini.» Kwokwo, kwo Nahano adesiri.

Hezekyeri 24:9

«Nie Rurema Nahamwinyu nadetaga kwokuno: Yayewe, imwaꞌkaaya ka ábali mu yitana! Naani, ngakalunda mweꞌshaali nyingi.

Hamoosi 5:6

Aaho! Mugalukirage Nahano, lyo mulama. Buzira kwokwo, agayilala mu beene Yusefu nga muliro. Gulya muliro, gugajigiivya akaaya keꞌBeteeri, ndaanaye úgaahasha ukuguzimya.

Hamoosi 7:4

Ha nyuma kandi, Rurema Nahamwitu anashubi nyereka agandi mabone. Nanabona kwo akola agaahana abandu baage, mu kubajigiivya noꞌmuliro. Yugwo muliro gwanasingoola kiri naꞌmabenga mahamu geꞌnyaaja, gwanatondeera ukujigiivya ikihugo kyoshi kyaꞌBahisiraheeri.