Hezekyeri 21:26 - Kifuliiru

²⁶ «Buno, uyo mwami weꞌBabeeri ahika ha mashangaaniza, analaguza. Na mu kulooza ho agalenga, ali mu shagania imyambi, iri anahanuusa imigisi yage. Anakizi loleekeza kiri na madiku geꞌbitugwa íbyatangwa amatuulo.

Hezekyeri 21:26 Referans Kwoze

Hezekyeri 17:24

«Kwokwo, lyeꞌbindi biti byoshi íbiri mu yikyo kihugo bigaamenya ku kasiisa kwo nie Nahano. Ee! Ibiti bila-bila, ndi mu kizi bimanula. Haliko, ibiti byofi-byofi byohe, na mbiyinamule. Ibiti bibishi, ndi mu biyumya. Halikago ibiti byumu, na mbikuze. Yibi byoshi, nie Nahano, nie wabideta, nie nganabigira.»

Zaburi 75:7

Ndaaye mundu úwangatwa ulubaaja lwoꞌwabo, aba alyoka uluhande lweꞌmuga, kandi iri lweꞌsheere, kandi iri wa mu mbande ziꞌshamba.

Yeremiya 13:18

«Mubwire mwami noꞌmugoli nyina kwokuno: “Zirya njembe ziinyu, kundu zishubi limbiri, halikago keera zikatibuka. Ku yukwo, mulyokage ku bitumbi biinyu.

Luka 1:52

Kundu abatwali bagweti bagatwala ku bushobozi bwingi, ali mu batungulula ku bitumbi byabo. Haliko abatuudu, boohe, keera akabakuza.

Hezekyeri 16:12

Nanakuyambika imbete kwiꞌzuulu, naꞌmahereeni ku matwiri. Na kwiꞌtwe, nanakuyambika ulushembe úlulangashiini bweneene.

Kimombo 5:16

Injembe, keera zanyugutulwa ku matwe giitu! Yayewe imwitu, bwo twâli kizi yifunda mu byaha!

2 Baami 25:27

Mwami Yoyakini weꞌBuyuda, iri akahisa imyaka makumi gashatu niꞌrinda ali mu nyumba yeꞌmbohe i Babeeri, mwami Heviri-Merodaaki anayima mu Babeeri. Mu gwogwo mwaka, iri hakaba mu siku makumi gabiri na zirinda zoꞌmwezi gwiꞌkumi na kabiri, anakoga Yoyakini, anamúhulusa mu nyumba yeꞌmbohe.

2 Baami 25:6

Yabo Bababeeri, ikyanya bakagwata mwami Zedekiya, banamútwala imunda mwami wabo i Ribila. Haaho, ho mwami Nebukandeneza akatwira Zedekiya ulubaaja.

Yakobo 4:10

Mukizi yibiika haashi imbere lya Nahano, lyo naye amùkuza.

Migani 27:24

Mukuba, ubugale butali mu yama ho. Kiri noꞌlushembe lwoꞌmutwali, lutali mu yama mu bibusi byoshi.

Batwi beꞌmaaja 17:5

Uyo Mika, âli riiri noꞌluheero. Na mu kati kaalwo, anakizi yikumbira mweꞌmigisi. Kwokwo, anayihangira ikangaata lyoꞌbugingi, anahabiika neꞌbindi byoꞌkuyikumbwa, anabiika mugala wage muguma, akizi ba mugingi wage.

Hisaaya 47:12

Ewe! Birya biheeko byawe, na yago maleere, wâli kizi biyilala mwo ukulyokera ubwanuke bwawe. Aaho! Buno, ugendererage naaho noꞌkukizi bikoleesa! Si hali ikyanya wangabigenduukirwa mwo. Hali neꞌkyanya wangabikoleesa mu kukangana!