Hezekyeri 21:25 - Kifuliiru

²⁵ Nguma igaalola i Raba mu kaaya kaꞌBahamooni. Neꞌgindi inalole i Buyuda, kuguma naꞌkaaya keꞌYerusaleemu, kwo kasokaniinwi neꞌnzitiro ngomu.

Hezekyeri 21:25 Referans Kwoze

Hezekyeri 35:5

«Mwe Bahedoomu, mwâli kizi shomba Abahisiraheeri. Neꞌkyanya, nꞌgabahaniiriza ubuzinda, kyanâli kola kyanya kyoꞌbuhanya, mwanaleka bayiji yitwa ku ngooti.

Hezekyeri 21:29

«Nie Nahano nadetaga kwokuno: Ibyaha biinyu, bikoli bonesiri ku bweranyange. Ngiisi mundu akoli yiji kwo mugaahanwa. Ngiisi igambo lyoshi lyo mugweti mugaagira, liri mu yami yerekana ibyaha biinyu. Ku yukwo, mugaahanwa ngana-ngana, ninamùtange mu maboko gaꞌbagoma biinyu.

Hezekyeri 17:19

«Rurema Nahamwitu adetaga kwokuno: “Nga kwo nyamiragi ho, bwoꞌlya mwami weꞌBuyuda akangayiriza, anahongola kirya kihango kyo tukanywana twe naye, ku kasiisa, ukumúhana, ngamúhaniiriza.

Yeremiya 52:2

Uyo Zedekiya âli kizi gira amabi imbere lya Nahano, nga kwo Yoyakimu âli kizi gira.

2 Kutondobola 36:13

Uyo mwami Nebukandeneza akabwira Zedekiya kwo amúbiikirage indahiro kwiꞌziina lya Rurema kwo atâye hune imbere lyage. Kundu kwokwo, ulya Zedekiya anagira mbu ahune. Anayami yumya umutima gwage, analahira ukugalukira Nahano Rurema waꞌBahisiraheeri.

Hezekyeri 30:3

Ee! Yulwo lusiku keera lwayegerera. Nie Nahano ngola ngatwira abandu ulubaaja. Ku yulwo lusiku, ibibungu bigazinga, neꞌbinyamahanga binashenguke.

Hezekyeri 7:6

Ulwinyu, lwamala, ndaanakwo kundi! Keera lwamala lwoshi-lwoshi!

Yeremiya 51:13

E Bababeeri! Ikihugo kiinyu kiyegiiri inyiiji nyingi-nyingi, keera mwanagala bweneene. Kundu kwokwo, ulwinyu keera lwahika. Leero, mukola mugaamala.

Yeremiya 24:8

«“Halikago, ulya mwami Zedekiya weꞌBuyuda, yehe alyagagi ngeꞌrya mitiini íkoli boziri, inabe itakiri ya kuliibwa. Kwokwo, ngamúhaniiriza, kiri naꞌbatwali baage, bo naꞌbandu booshi ábasigiiri i Yerusaleemu. Ngaahana kiri na ábakabungira mu kihugo kyeꞌMiisiri.

Zaburi 7:9

E Nahano, we riiri hiꞌgulu lya booshi. We nali mu twa imaaja zaꞌbandu booshi. Aahago! Bwo ndaabwo buhube mbiiti, undwirage imaaja mu kati koꞌkuli.

Zaburi 37:13

Kundu kwokwo, Nahano ali mu bashekeereza, bwo ayiji kwo bakola bagaahanwa naaho.

Hezekyeri 7:2

«E mwana woꞌmundu, Rurema Nahamwitu abwira Abahisiraheeri kwokuno: Kikola kyanya kyeꞌmberuuka! Ee! Amahanga gooshi gahika ku mbeka!

Hezekyeri 7:3

Buno, ulwinyu lwamùhikira! Na ngola ngamùhana ku buraakari bweneene. Mukuba mwâli kizi nyaagaza, mu kukizi yifunda mu bitalaalwe.

Hezekyeri 21:12

Neꞌri bangakubuuza, ti: “Ewe! Kituma kiki ugweti ugabululuka kwokwo?” Unabashuvye: “Ngweti ngabululukira imyazi mibi íyadetwa kwo iri njira. Emwe! Iri ya kushengula imitima, inali ya kulebeza amaboko naꞌmadwi. Ngiisi úrambiri, agaahola. Na yibyo byoshi, ukukoleka, bigakoleka ngana! Kwokwo, kwo nie Rurema Nahamwinyu ndesiri.”»

Hezekyeri 21:24

«E mwana woꞌmundu, uyerekane injira zibiri, ho mwami weꞌBabeeri agalenga neꞌngooti yage. Yizo njira zombi, zibe zilyosiri mu kyekyo kihugo kiguma. Na ha mashangaaniza, habiikwe ikimenyeeso, kikizi yerekana ho ngiisi nguma iri mu lola.

Zaburi 48:13

Emwe! Muyiji tanduula akaaya keꞌSayuni. Mukizi genda mugakazunguluka mwo, iri munaharuura inyingo íziri ku luzitiro lwako.

Yeremiya 49:1

Nahano adetaga hiꞌgulu lyaꞌBahamooni kwokuno: «Abahisiraheeri, bakolaga hayi? Ka ndaaye úsigiiri, mbu ahyane ikihugo kyabo? Aahago! Kituma kiki bakaleka Abahamooni bayabiire ikihugo kyeꞌGiryadi? Yabo Bahamooni, bagweti bagayikumba umuzimu Mirikomu, bo banakoli tuuziri mu twaya twaꞌBagaadi!»

Yeremiya 49:2

Nahano anashubi detaga kwokuno: «Mu siku ízigayija, kiri naꞌBahamooni ba mu kaaya keꞌRaba bagayuvwa akaluulu kiꞌzibo. Ikyanya ligaamala, hagasigala ibiguuka naaho. Kiri noꞌtwaya tweꞌbutambi, tugasingoolwa ku muliro. Yabo bandu, kundu bakayimula Abahisiraheeri mu kihugo kyabo, halikago leero Abahisiraheeri bo bagabayimula.» Kwokwo, kwo Nahano adesiri.

Hezekyeri 25:5

Akaaya keꞌRaba ngakahindula kabe ka kukizi ragirira mweꞌngamiya. Neꞌkihugo kyeꞌHamooni ngakihindula kibe iruri lyeꞌbibuzi. Kwokwo, lyo mugaamenya ku kasiisa kwo nie Nahano.

Hamoosi 1:14

Ku yukwo, inzitiro zaꞌkaaya kaabo keꞌRaba, ngola ngazishonoolera kwoꞌmuliro, gunasingoole kiri neꞌnyumba zaamwo ngomu zooshi. Emwe! Yulwo lusiku, izibo ligakungula ngana-ngana! Hanabaagage ulunganga lwingi, nga lweꞌkihuhuuta.