Hezekyeri 21:21 - Kifuliiru

²¹ E ngooti! Ukizi temaga ilulyo, neꞌlumosho. Niꞌsongo lyawe, ulihindize imbande zooshi.

Hezekyeri 21:21 Referans Kwoze

Migani 16:33

Abandu bali mu taara ikibare, lyo bamenye íbikwaniini. Kundu kwokwo, Nahano yenyene, ye mu shungika íbigakoleka.

Batwi beꞌmaaja 18:20

Lyeryo, uyo mugingi anashambaala, anayabiira lirya ikangaata, neꞌrya mizimu, neꞌrya migisi, banagenda na balya bagahirizi.

Batwi beꞌmaaja 17:5

Uyo Mika, âli riiri noꞌluheero. Na mu kati kaalwo, anakizi yikumbira mweꞌmigisi. Kwokwo, anayihangira ikangaata lyoꞌbugingi, anahabiika neꞌbindi byoꞌkuyikumbwa, anabiika mugala wage muguma, akizi ba mugingi wage.

Ndondeko 31:30

Nyiji kwo ukoli kumbwiri yisho bweneene, kyo kikatuma ukayongoloka. Kundu kwokwo, kituma kikagi ukagenda wazimba imigisi yani?»

Ndondeko 31:19

Neꞌkyanya Labaani akagendi kema ibibuzi byage ubwoya, Laheeri analonga ubulyo bwoꞌkumúzimba imigisi yage.

Mikolezi 16:16

Lusiku luguma, iri tukagenda yaho handu ho kuhuunira Rurema, twanahulukirwa kwo noꞌmunyere muguma, muja. Uyo munyere, âli riiri mweꞌkisigo kyoꞌkumúshoboleesa ukubona imbuko. Na ku njira yakyo, banahamwabo bâli kizi yondoola ifwaranga nyingi.

Zakariya 10:2

Kundu mugweti mugahanuusa imizimu, halikago igweti igakizi mùteba naaho. Na kundu mugweti mugahanuusa abalaguza, si bagweti bagaadeta ibibeesha. Kiri na ábali mu deta mbu bangasobaanura ibirooto, nabo bagweti bagaadeta ibibeesha naaho, buzira kuholeezania. Abandu baani, bali mu genda bagayangaara. Bali mu teerwa nga bibuzi bizira mungere.

Hosheya 4:12

«Abandu baani bagweti bagahanuusa umugisi gweꞌkiti, bali mu loogeza ishuvyo mu ngoni. Bakoli ba bashule, bwo keera bakayihandula ku Rurema wabo, banatibitira mu biri mu yikumbwa.

Hosheya 3:4

Kwokwo, kwaꞌBahisiraheeri bagaramba isiku nyingi, buzira mwami, na buzira batwali. Kiri ukutanga amatuulo kugaaba ndaakikwo. Kwakundi, indundo zaꞌmabuye, naꞌbagingi, neꞌmigisi, neꞌbikolanwa byoꞌkukizi hanuusa Rurema, bigaaba ndaakibyo.

Migani 21:1

Umutima gwa mwami, guli mu maboko ga Nahano. Ali mu kizi gurongoora nga lwiji, ngiisi ho aloziizi.

Migani 16:10

Mwami ali mu kizi kyula ku burongoozi bwa Nahano. Kwokwo, ikyanya agakizi hana abandu, kukizi ba mu kati koꞌkuli!

2 Baami 23:24

Ulya mugingi mukulu Hirikiya, ikyanya akagwana zirya maaja mu nyumba ya Nahano, mwami Yosiya anasimbaha zooshi nga kwo ziyandisirwi mu kitaabo kyazo. Mu kaaya keꞌYerusaleemu, na mu Buyuda bwoshi, akashaaza abalozi, naꞌbalaguza, neꞌmigisi, neꞌmizimu, kuguma neꞌbindi byoshi byoꞌkuyagazania.

1 Samweri 15:23

Ikyanya tuli mu huna, kwo kuguma neꞌkyaha kyoꞌkulaguza. Neꞌkyanya tuki gweti tugayikangaata, kwo kuguma neꞌkyaha kyoꞌkuyikumba imigisi. Bwo keera wajajaaka igambo lya Nahano, naye keera akujanda. Utagaki ba mwami.»

Batwi beꞌmaaja 18:24

Mika, ti: «Mwandeeta imigisi yani. Mwanandeeta noꞌmugingi wani, mwanayigalukira. Na buno, ndaabyo byo nangasigalana. Aaho! Kutagi kwo mwangaki mbuuza mbu: “Maki gano?”»

Batwi beꞌmaaja 18:18

Iri akabona kwo balya bagahirizi bayingira mu nyumba ya Mika, banayabiira birya byoshi, anababuuza: «Maki gano go mugweti mugaagira?»

Batwi beꞌmaaja 18:14

Balya bagahirizi bataanu ábâli geeziri mu kihugo kyeꞌLahishi, banabwira beene wabo: «E balya, mu zino nyumba íziri hano, hali inyumba nguma íri mwiꞌkangaata lyoꞌmugingi. Muli umuzimu úguli mu yikumbwa, muli neꞌmigisi. Aahago! Mukoli yiji kwo tugaagira.»

Bukengeeze 18:10

Mwe bakongwa mwe! Mu kati kiinyu, mutayuvwikane kwo hali úwatanga mugala wage, kandi iri munyere wage, libe ituulo lyoꞌkusiriiza. Hatanagire úgakizi gira ibya maleere, kandi iri byoꞌbulaguza, kandi iri byeꞌmbuko, kandi iri byoꞌbufumu,

Muharuuro 23:28

Kwokwo, Balaaki anatwala Balaamu mwiꞌrango lyoꞌmugazi Pehoori. Yaho, umundu ali mu yami langiiza hala mwiꞌshamba.

Muharuuro 23:23

Beene Yakobo, ndaalyo idaaki íryangabahuma kwo. Ndaanabwo bulozi úbwangaba neꞌmisi hiꞌgulu lyabo. Buno, abandu bagakizi deta hiꞌgulu lyaꞌBahisiraheeri, ti: “Rurema keera akabagirira ibisoomeza bya kahebuuza.”

Muharuuro 22:7

Yabo bakulu beꞌMohabu naꞌbeꞌMidyani, banalyoka yaho, bafumbiiti imbuli, gira bagitwalire Balaamu. Neꞌri bakahika imunda ali, banamúganuulira ngiisi byo Balaaki akabatuma.

Mataayo 22:9

Aaho! Mulunguule mu mashangaaniza! Na ngiisi bo mugagwana mwo, mubabwire kwo bayijage.”

Batwi beꞌmaaja 18:17

Ikyanya balya bandu bataanu bakayingira mu nyumba, banayabiira lirya ikangaata, na gulya muzimu úgwâli kizi yikumbwa, neꞌrya migisi. Ku kyekyo kyanya, ulya mugingi âli yimaaziri kwiꞌrembo, kuguma na balya bandu magana galindatu.