Hezekyeri 19:14 - Kifuliiru

¹⁴ Umuliro, keera gwahuluka mwiꞌsina lyagwo, gwanayami jigiivya ibitumbwe byagwo byoshi. Mu matavi gaagwo, ndaalyo íriki kaniri, mbu libaajwe mweꞌngoni yeꞌkyami. Yulwo lwimbo, luli lweꞌkimombo. Lunakwiriiri ukukizi yimbwa mu bigandaaro.»

Hezekyeri 19:14 Referans Kwoze

Hezekyeri 19:11

Gwâli kizi tavika, halinde amatavi ganabaajwe mweꞌngoni yeꞌkyami. Yugwo muzabibu, gukakulaga bweneene, ukuhima ibindi biti. Na bwo gwâli riiri mula bweneene, gwanakizi tavika, halinde abandu booshi banakizi gubona.

Hezekyeri 19:1

Rurema akambwira kwo nyimbire abaluzi baꞌBahisiraheeri luno lwimbo lweꞌkimombo:

2 Baami 24:20

Kyanatuma Nahano agarakarira bweneene abandu beꞌYerusaleemu naꞌbeꞌBuyuda, anabahana halinde booshi banatwalwa i mahanga. Ha nyuma, uyo Zedekiya anahuna imbere lya mwami weꞌBabeeri.

Yohana 19:15

Lyeryo, yabo booshi banayitulikania, mu kuyamiza, ti: «Umúzimiize! Umúzimiize! Umúyitire ku kibambo!» Pilaato anababuuza: «Ka nimúyitire ku kibambo, anali mwami winyu?» Abakulu baꞌbagingi banamúshuvya: «Ndaaye gundi mwami ye tugweti, átali Kahisaari naaho!»

Luka 19:41

Yesu anayegerera akaaya keꞌYerusaleemu. Neꞌri akakabandaga kwaꞌmasu, anatondeera ukukalirira,

Hamoosi 9:11

«Irya nyumba ya Dahudi, kundu ikayihongoleka haashi, halikago ku lulya lusiku, ngashubi giyubakulula. Iyo nyumba, kundu gushuba mushaka, ngashubi giyubaka kandi, inashubi longa ubulangashane, nga kwo yâli yamiri kare.

Hosheya 10:3

Ha nyuma, bagayiji deta, ti: «Íbitumiri tutahiiti mwami, bwo tutâli simbahiri Nahano. Na kundu uyo mwami angabiiri ho, bikagi byo angatugiriiri?»

Hosheya 3:4

Kwokwo, kwaꞌBahisiraheeri bagaramba isiku nyingi, buzira mwami, na buzira batwali. Kiri ukutanga amatuulo kugaaba ndaakikwo. Kwakundi, indundo zaꞌmabuye, naꞌbagingi, neꞌmigisi, neꞌbikolanwa byoꞌkukizi hanuusa Rurema, bigaaba ndaakibyo.

Hezekyeri 15:4

«Yugwo mulandira, gwangakoleesibwa naaho, mu kuyasa umuliro. Neꞌkyanya gwasingooka uluhande noꞌlundi, ikitolo kyeꞌkati nakyo kinajigimbe, iri ndaako kamaro guki hiiti.

Kimombo 4:20

Kiri na mwami witu, naye akagwatwa mu mutego gwabo, anali ye Nahano akataluula, ye twanâli langaliiri. Uyo mwami, twâli toniri kwo ye gakizi tulanga neꞌgindi milala yoshi.

Yeremiya 52:3

Kyanatuma Nahano agarakarira bweneene abandu beꞌYerusaleemu naꞌbeꞌBuyuda, anabahana halinde booshi banatwalwa i mahanga. Uyo Zedekiya, bwo akahuna imbere lya mwami Nebukandeneza weꞌBabeeri,

Yeremiya 38:23

«Ee ma! Bakaawe, kiri naꞌbaana baawe, bagatwalwa imunda abasirikaani beꞌBabeeri, banabe bandu baabo. Kiri na wenyene, utagabayifuushula mwo. Si mwami weꞌBabeeri agakutwala imbohe. Naꞌkaaya keꞌYerusaleemu, agakaduulika mwoꞌmuliro.»

Zaburi 79:7

Mukuba, keera bakamirangusa abandu baawe Abahisiraheeri, banashereeza neꞌkihugo kyabo.

Nehemiya 9:37

Kundu tuli mu yeza bweneene mu kino kihugo, haliko abaami beꞌmahanga bali mu yiji tunyaga byo. Yoho wee! Ikyanya twâli kizi yifunda mu byaha, lyo ukababiika hiꞌgulu liitu. «Buno yabo baami, bagweti bagatukoleesa nga ngiisi kwo baloziizi, kiri neꞌbitugwa biitu. Tunakoli hanyagiiri bweneene.»

2 Kutondobola 36:13

Uyo mwami Nebukandeneza akabwira Zedekiya kwo amúbiikirage indahiro kwiꞌziina lya Rurema kwo atâye hune imbere lyage. Kundu kwokwo, ulya Zedekiya anagira mbu ahune. Anayami yumya umutima gwage, analahira ukugalukira Nahano Rurema waꞌBahisiraheeri.

Batwi beꞌmaaja 9:15

«Yikyo kiti kyeꞌmigenge, kyanashuvya: “Iri mwangaba mwandoola kwo ngaaba mwami winyu, muyiji bwatala hano mwiꞌdako lyeꞌkimbehwa kyani. Neꞌri mwangaba mutaloziizi kwokwo, umuliro gulyoke mu migenge yani, gunamùjigiivye. Gunajigiivye kiri neꞌngaaja-malungu zooshi zeꞌmyerezi yeꞌLebanooni.”

Ndondeko 49:10

Abayuda bayamiragi bali neꞌngoni yeꞌkyami. Itaganalyoka mu magulu ga mwami wabo, halinde ukuhisa ku kyanya ulya úgikwaniini agaahika. Yehe, ibinyamahanga byoshi bigakizi músimbaha.

Zaburi 110:2

Nahano agatondeerera i Sayuni, anakizi yajabula ubutwali bwawe halinde unabe mutwali waꞌbagoma baawe.

Hezekyeri 17:10

Yugwo mulandira, kundu gwangashubi byalwa, haliko gutagaki kula! Si uluhande lweꞌsheere, lugahulukaga imbuusi ngayu, inaguyumye, haahalya mu luvu lwo gukakulira mwo.”»

Hezekyeri 26:17

Haaho, banatondeere ukuyiganyira, iri banayimba ulwimbo lwoꞌkugandaara Tiiro kwokuno: “E kaaya ákalumbuusiri bweneene! Si abandu baawe bo bâli batwali ba ku nyaaja, halinde abandu banakizi bayoboha. Kundu kwokwo, ukoli shereziibwi. Abandu baawe, keera bayimulwa áhali inyaaja!