Hezekyeri 18:25 - Kifuliiru

²⁵ «Hali ikyanya mwangadetaga kwo Nahano atagweti agaagira íbikwaniini. E Bahisiraheeri! Muyuvwirize kwokuno: “Niehe ndi mu kizi gira amiija.” Si mwehe, ngiisi byo mugweti mugaagira, bitali nga byo.

Hezekyeri 18:25 Referans Kwoze

Hezekyeri 33:17

«Abiinyu bagweti bagaadeta, ti: “Aahabi! Yibyo Nahano agweti agaagira, bitali biija!” Naani, ti: “Nanga maashi! Si boohe boonyene, bo batali mu gira ibiija.”

Malaki 2:17

Amagambo giinyu mazira kamaro, gagweti gagaluhya Nahano bweneene! Na niinyu, ti: «Kutagi twamúluhya?» Si mugweti mugamúluhya mu kudeta kwokuno: «Umundu, kundu angaba akoli bihuusiri, haliko imwa Nahano, akiri mwija, na Nahano aki múkuuziri.» Munashubi deta na kwokuno: «Ulya Rurema woꞌkuli, alyagagi hayi?»

Sefaniya 3:5

Kundu kwokwo, kalya kaaya, Nahano aki katuuziri mwo, anayamiri ali woꞌkuli. Yehe, ndaakyo kyanya ali mu gira igambo íritakwaniini. Ngiisi lusiku shesheezi, ali mu twa imaaja mu kati koꞌkuli, anayamiri ayemiirwi. Halikago, abakozi baꞌmabi boohe, ndaazo ishoni bayuvwiti, kiri neꞌhiniini.

Hezekyeri 33:20

«Halikago mwehe, muki gweti mugashubi deta, ti: “Byo Nahano ali mu gira, bitali biija!” E Bahisiraheeri! Mumenye kwo ngamùhana mweshi, ukukulikirana neꞌngesho ziinyu.»

Yeremiya 12:1

E Nahano, ngiisi kyanya ndi mu kuleetera ulubaaja, unayamiri uli mu lutwa ku njira íkwaniini. Aaho! Lekaga ngubuuze: Balya banangora-mabi, kituma kiki bakiri mu genduukirwa? Si balyagagi ngalagaaja! Aaho! Kituma kiki bayamiri bajeberiiri?

Ndondeko 18:25

Nanga! Utangayita ábakwaniini, na ábatakwaniini. Bitanganaziga kwo ábayimaaziri mu kuli, bahanirwe kuguma na banangora-mabi. Si we mutwi weꞌmaaja wa mu kihugo kyoshi, unali mu zitwa mu kati koꞌkuli.»

Hezekyeri 18:29

«Haliko, mwe Bahisiraheeri, muki gweti mugaadeta: “Ngiisi byo Nahano agweti agaagira, bitakwaniini!” E Bahisiraheeri! Niehe, nie ndi mu gira íbikwaniini. Si mwehe, nanga!

Barumi 10:3

Yabo Bayahudi, kundu Rurema akayerekana injira yo bangakwanana mwo imbere lyage, haliko batanagitwaza. Batâli sobanukiirwi nayo, banagira mbu baleete igindi-gindi njira yeꞌmwabo.

Barumi 9:20

Naani, ti: «Uli nga nyandagi we mundu ngana, halinde ugweti ugahaliiza Rurema? Keꞌnyungu yiꞌbumba yangabuuza umubuuvi: “Kituma kiki wambumba kwoku?”

Barumi 3:20

Ndaaye mundu úwangaharuurwa kwo akoli kwaniini imbere lya Rurema, mbu bwo agweti agakulikiriza Imaaja. Si umukolwa gwazo, guli gwa kuyereka abandu kwo bali banabyaha.

Barumi 3:5

Hali ikyanya umundu angabuuza kwokuno: «Ikyanya tuli mu gira amabi, lyo Rurema alonga ukuyerekanwa ku bweranyange kwo ali mu gira íbikwaniini. Aahago! Ka kwokwo twangadeta mbu Rurema keera ayanga ulubaaja mu kutuhana?»

Zaburi 145:17

Nahano ali mu gira íbikwaniini mu kati ka byoshi, anali mu ba akuuziri byoshi byo akabumba.

Zaburi 50:21

Birya byoshi, ikyanya wâli kizi bigira, nâli yihulikiiri. Aahago! Ka kyo kitumiri ukoli toniri kwo ndi nga we? Nanga, maashi! Si buno, ngakukanukira ngana-ngana! Na ngulegeereze ku bweranyange.

Zaburi 50:6

Rurema ye mutwi weꞌmaaja. Kwokwo, igulu ligweti ligatanga ubumasi kwo ali woꞌkuli.

Hayubu 40:8

Aahago! Ka uloziizi ukudeta kwo ndi mu twa imaaja ku njira ítali nga yo? Ka uloziizi ukubonesa kwo ndi munabuhube, gira lyo naawe uyiyerekane kwo ukwaniini?

Hayubu 35:2

«E Hayubu, keera wadeta mbu: “Rurema agaki yerekana kwo ndi woꞌkuli.” Aahabi! Kaꞌmagambo mwene yago, galyagagi miija? Nanga maashi!

Hayubu 32:2

Haaho, hanayija umundu muguma, iziina lyage ye Herihu. Âli riiri mugala Barakeeri, woꞌmulala gwa Buuzi, mwiꞌkondo lya Raami. Uyo Herihu âli koli rakariiri Hayubu bweneene, mbu bwo Hayubu âli yibwini kwo ye kwaniini, ukuhima Rurema.

Bukengeeze 32:4

ye na lwala. Imikolezi yage ikwaniini. Neꞌnjira zaage zooshi, ziri zoꞌkuli. Rurema witu ali mwemeera, ndaanago mahube go ali mu gira. Ayamiri ali mu gira íbikwaniini, na íbiri byoꞌkuli.

Hezekyeri 18:26

«Abandu boꞌkuli, iri bangajanda ukuli kwabo, banatondeere ukugira amabi, bagaafwa ngana hiꞌgulu lyeꞌbyaha byabo. Na íbitumiri bagaafwa, bwo bâli kizi bigira.

Hayubu 15:13

Kituma kiki ugweti ugamúrakarira ku magambo mwene yago? Na kituma kiki gali mu folomboka mu kanwa kaawe?

Migani 19:3

Umuhwija, ubuhwija bwage bwo buli mu músherebeza. Kundu kwokwo, ali mu rakarira Nahano.