Hezekyeri 17:23 - Kifuliiru

²³ Ee! Ngahishinga mu kihugo kyeꞌHisiraheeri. Ha nyuma, higayasa, hinatongeke kweꞌbitumbwe, kinayiji ba kiti kiija kyoꞌmwerezi. Haaho, utunyuni tweꞌmilala yoshi tunayiji yubakira ingisha ku matavi gaakyo, tunakizi yegama mu kimbehwa.

Hezekyeri 17:23 Referans Kwoze

Mataayo 13:32

Yihyo hibuto, hyo hiri hiniini ukuhima izindi zooshi íziri mu byalwa. Kundu kwokwo, ikyanya hiri mu ba keera hyabyalwa, hinakule, hiri mu yiji ba mbuto mbamu ukuhima izindi zooshi za mu ndalo. Kinayiji ba kiti, halinde utunyuni tunakizi yiji yubaka ingisha mu matavi gaakyo.»

Hezekyeri 31:6

Utunyuni twoshi, twâli kizi yiji yubaka ingisha mu matavi gaakyo. Kiri neꞌnyamiishwa zâli kizi butira mwiꞌdako lyakyo. Abandu ba mu mahanga gooshi bâli kizi yiji vwagarara mu kimbehwa kyakyo.

Hisaaya 2:2

Mu siku zeꞌmberuuka, umugazi úguyubasirwi kweꞌnyumba ya Nahano, gwo gwâye gingikwe ukuhima igindi yoshi. Gwâye shuume bweneene, ukuhima utugangazi twoshi, halinde aba mu mahanga gooshi banakizi gushololokera.

Bakolosaayi 3:11

Na bwo mukola bahyahya, ndaakilwo lubibi mu Bayahudi naꞌbandu beꞌgindi milala, kandi iri mu bakatenguulwa na ábatakatenguulwa, kandi iri mu binyamahanga naꞌbeꞌrukiga, kandi iri mu baja na ábatali baja. Mukuba, Kirisito ye riiri hiꞌgulu lya byoshi. Ye nalyagagi mu kati ka byoshi!

Bagalatiya 3:28

Ndanakilwo lubibi mu Bayahudi naꞌbandu beꞌgindi milala, kandi iri mu baja na ábatali baja, kandi iri mu bashosi naꞌbakazi. Mweshi, mukola mwe baguma mu kati ka Yesu Kirisito!

Hosheya 14:7

Amatavi gaabo, gagayajabana bweneene, nga matavi geꞌbiti byeꞌmizehituuni. Banabe noꞌmuhongolo mwija, nga gwa twaso twoꞌmwerezi gweꞌLebanooni.

Bwigule 11:15

Umuganda wa kalinda anadihiriza ikibuga kyage. Lyeryo, mwiꞌgulu mwanayuvwikana amazu mahamu, ganadetaga: «Ubwami bwa kino kihugo, Nahano ye kola mwene bwo, bo noꞌlya Kirisito wage. Aganayama atwaziri imyaka neꞌmyakuula!»

Yohana 12:24

Namùbwira ukuli, kwoꞌludete lweꞌngano, iri lutangatibukira mu luvu, lunabe nga lwafwa, iri lugayama lulyagagi lwonyene. Haliko, iri lwangayingira mu luvu, lyoki lugayiji yera kweꞌzindi nyingi.

Hisaaya 49:18

Uyinamule amasu, unalangiize imbande zooshi. Abandu baawe booshi, bakolaga mu kukumanira. Nga kwo nyamiragi ho, yabo baana baawe bagaaba nga bungeni-ngeni bwoꞌkukulimbiisa. Ee! Balya booshi, bagaaba nga bindu byoꞌkulimbiisa umuhya.» Kwokwo, kwo Nahano adesiri.

Hisaaya 27:6

Mu siku ízigayija, abandu baani bagaaba nga bameziri imizi. Ee! Abahisiraheeri bagaashoga, banayase kwaꞌkaaso. Neꞌkyanya bagayera, ibitumbwe byabo bigakwira mu kihugo kyoshi.

Ndondeko 49:10

Abayuda bayamiragi bali neꞌngoni yeꞌkyami. Itaganalyoka mu magulu ga mwami wabo, halinde ukuhisa ku kyanya ulya úgikwaniini agaahika. Yehe, ibinyamahanga byoshi bigakizi músimbaha.

Mariko 4:32

Kundu kwokwo, ikyanya hiri mu ba keera hyabyalwa, hinakule, hiri mu yiji ba mbuto mbamu ukuhima izindi zooshi za mu ndalo. Amatavi gaahyo ganayajabuke, halinde utunyuni tunakizi yiji twa mu kimbehwa kyago.»

Luka 13:19

Bulyagagi nga hibuto hyeꞌharadaali, hyoꞌmundu akagendi byala mu ndalo yage. Yihyo hibuto, hyanakula, hyanayiji ba kiti, halinde utunyuni twanayiji yubaka ingisha mu matavi gaakyo!»

Zaburi 80:8

E Rurema woꞌbushobozi bwoshi, utugalulire imwawe. Utuyerekage ubwija bwawe, halinde lyo tukizibwa.

Lwimbo Lwija 5:15

Ibibero byage, biri nga nguliro zaꞌmabuye miiru ágalangashiini. Yizo nguliro, zikashingwa mu ndaliro zeꞌnooro muguuhya. Injusho yage, ali mu nooka-nooka nga mugazi Lebanooni. Ee! Iri nyiija ngana, nga biti byeꞌmyerezi.

Yeremiya 31:12

Bagataaha bagweti bagayimba ku kisegengo ku mugazi Sayuni. «Ngabaheereza ingano, neꞌdivaayi, naꞌmavuta, neꞌbibuzi, kiri neꞌngaavu. Yibyo byoshi, ikyanya ngabaheereza byo, imitima igashenguuka neꞌbimwemwe. Bagaaba nga ndalo yo bali mu nywisa, batanâye ki libuzibwe.

Hezekyeri 36:8

Haliko, mwe migazi yeꞌHisiraheeri, mugatavika kweꞌbiti, binatongekere abandu baani ibitumbwe. Masaasa atabukwa, yabo bandu baani bakola bagataahira imwabo.

Hezekyeri 40:2

Mu yago mabone, nanabona kwo Rurema agweti agandwala mu kihugo kyeꞌHisiraheeri, anambiika ku kanywangi-nywangi koꞌmugazi, uluhande lweꞌkisaka. Kwokwo, nanabona ákali ngaꞌkaaya.

Hosheya 14:8

Bagashubi tuula mwiꞌdako lyoꞌbulaazi bwani, Bagakizi gangaala nga ngano, Banayase bwija nga mizabibu. Bagaaba noꞌmuhongolo mwija, nga gweꞌdivaayi yeꞌLebanooni.

Hezekyeri 20:40

E Bahisiraheeri! Mweshi, mwâye gendi ngolera ku mugazi gwani mweru, gulya mugazi gwaꞌBahisiraheeri. Kwokwo, kwo nie Rurema Nahamwinyu ndesiri. «Ku yugwo mugazi, ho nâye mùyakiirire. Ho nganalinda kwo mundeetere amatuulo giinyu gooshi, ngiisi ágakwaniini, ganabe mataluule.

Danyeri 4:8

Emwe! Kyâli hamuusiri ngana-ngana! Amatavi gaakyo gâli kizi hika mu kyanyaanya. Kwokwo, mu mahanga gooshi, bâli kizi kibona.

Danyeri 4:9

Ibyasi byakyo byâli dehiri. Kyanâli tongesiri bweneene, halinde ibitumbwe byakyo byanakizi yigusa amahanga gooshi. Inyamiishwa zâli kizi yiji beera mu kimbehwa kyakyo. Noꞌtunyuni twâli kizi yiji beera mu matavi gaakyo. Yikyo kiti, ibiremwa byoshi byâli kizi kilonga kweꞌbyokulya.

Mika 4:1

Mu siku zeꞌmberuuka, umugazi úguyubasirwi kweꞌnyumba ya Nahano, gwo gwâye gingikwe ukuhima igindi yoshi. Gwâye shuume bweneene ukuhima utugangazi, halinde abandu booshi banakizi gushololokera.