Hezekyeri 16:8 - Kifuliiru

⁸ «Iri nꞌgashubi yiji lenga ho uli, nanabona kwo leero ukoli hisiizi imyaka yoꞌkukundwa nga munyere. Kwokwo, nanakuyajuulira kwoꞌmulondo gwani, gira mbwikire ubusha bwawe. Twananywana ikihango twembi, kwo ugaaba mukaanie. Kwokwo, kwo nie Rurema Nahamwinyu ndesiri.

Hezekyeri 16:8 Referans Kwoze

Ruuti 3:9

Lyeryo, Bowazi anamúbuuza: «Ewe, we nyandi?» Na wa naye, ti: «E waliha, nie Ruuti, umuja-kazi wawe. Nakuyinginga umbwike, bwo we mwene witu úkwaniini ukutuguluula.»

Barumi 5:8

Haliko, Rurema akayerekana ngiisi kwo atukuuziri bweneene, bwo akatuma Kirisito ayiji tufwira, ku kyanya twâli ki tuuziri mu byaha.

Hisaaya 43:4

Emwe! Yabo bandu bingi, keera nꞌgabatanga, lyo nimùlonge. Mukuba, nimùkuuziri, ninamùsimbahiri. Mwehe, mwe muli neꞌkishingo bweneene imbere lyani.

Hosheya 11:1

«Hisiraheeri, ikyanya âli ki riiri mwana mwanuke, nâli múkuuziri bweneene. Umwana wani, nꞌgamúhamagala kwo alyokage i Miisiri.

Bukengeeze 4:31

Mukuba, Nahano, Rurema winyu ayijwiri urukundo. Atâye mùsige, atanâye mùshereeze, atanâye yibagire ikihango kyo akanywana na bashokuluza biinyu.

Kulyoka 32:13

Ukengeere abakozi baawe, Hiburahimu, na Hisake, na Yakobo. Si keera mukanywana ikihango! Na wenyene ukashiikiza, ti: “Abandu ba mu kibusi kyawe, ngabaluza, halinde babe bingi nga ndonde kwiꞌgulu. Kino kihugo kyoshi, ngabaheereza kyo, kinayame buhyane bwabo, halinde imyakuula.”»

1 Samweri 12:22

«Bwo Nahano ahiiti iziina lya kahebuuza, atagamùjanda. Si agakizi mùgira mube bandu baage. Kwokwo, kwo asiimiri.

Hezekyeri 16:6

«Ikyanya nꞌgalenga ho uli, nanabonaga kwo ukola mu yivuruguuza-vuruguuza mu muko gwawe, nanakubwira: “Ukire, unarambe!”

Yeremiya 31:3

Yaho kishangi, nie Nahano nꞌgabahulukira kwo, nanababwira: “Nyamiri nimùkuuziri halinde imyaka neꞌmyakuula! Kyo kitumiri ngi genderiiri ukumùkejeerera.

Malaki 1:2

Nahano adeta kwokuno: «Nyamiri nimùkuuziri! Kundu kwokwo, mugweti mugannakira, ti: “Aahabi! Kutagi kwo utukuuziri?” Naani, ti: “Ulya Hesahu, ka atâli ye mwene wabo Yakobo? Kundu kwokwo, nꞌgakunda Yakobo.

Yeremiya 31:32

Kitaganaki ba nga kirya kyo nꞌgatangi nywana na bashokuluza baabo, ku kyanya nꞌgabarongoora noꞌkuboko kwani, mu kubalyosa i Miisiri. Mukuba kundu nâli bakuuziri, nga kwoꞌmushosi ali mu kunda mukaage, halikago kirya kihango, bakakihongola.» Kwokwo, kwo Nahano adesiri.

Ndondeko 22:16

«Nahano adeta kwokuno: “Utanyima mugala wawe, kundu alyagagi kininga, haliko keera wamúndangira. Ku yukwo, nabiika indahiro kwiꞌziina lyani,

Hosheya 2:7

Nyina alyagagi mukazi kokobola ku bushule. Inda zaabo, ukuziheeka kuli mu múteeza ishoni. Si akadeta: “Ngatibitira naaho áhali abashosi bo nguuziri, na mbayiguze, gira bambeereze ibyokulya, na byo ngakizi nywa. Bambeereze kiri naꞌmavuta geꞌmizehituuni, neꞌdivaayi, kiri neꞌmirondo mihange mu bwoya na mu kitaani.”

Hosheya 2:15

Uyo mukazi, ngola ngamúhaniiriza. Mukuba, âli kizi yokera imigisi yoꞌmuzimu Baali umubadu. Anakizi yilimbiisa neꞌmbete, noꞌbuhembe, anatibitire imunda balya bakundwa baage. Si niehe, anayami nyibagira lwoshi-lwoshi!» Kwokwo, kwo Nahano adesiri!

Kulyoka 15:16

Bagagwatwa neꞌkyoba, noꞌlushunguti. Yabo bandu, ikyanya bagaabona ubushobozi bwawe, bagaaba munyerere ngiꞌbuye, halinde abandu baawe balenge. Mukuba, keera wabaguluula.

Hisaaya 43:1

E beene Hisiraheeri! Nahano, ye kamùbumba, anadetaga kwokuno: «Mutakizi yoboha! Si keera nꞌgamùhamagala mwiꞌziina liinyu, nanamùguluula, halinde mwanaba bandu baani!