Hezekyeri 16:53 - Kifuliiru

⁵³ «Utwaya tweꞌSoodoma na tweꞌSamariya ngashubi tugenduusa, kuguma noꞌtundi twaya twatwo, nga kwo twâli riiri ubwa mbere. Na niinyu, ngashubi mùgenduusa mu kati kaatwo.

Hezekyeri 16:53 Referans Kwoze

Hezekyeri 39:25

«Haliko, nie Rurema Nahamwinyu nadetaga kwokuno: Buno, ngola ngashubi kejeerera Abahisiraheeri, na mbalyose mu buja. Kwokwo, liꞌziina lyani lyeru lilonge ukukizi gingikwa.

Hezekyeri 29:14

Na njubi bagalulira mu kihugo kyabo kyeꞌnvuukira kyeꞌPaturo. Na kundu bagashubi ba noꞌbwami, haliko bugaaba buzira misi.

Yeremiya 12:16

Yaho keera, bikayigiriza abandu baani ukubiika indahiro kwiꞌziina lyoꞌmuzimu Baali. Haliko ikyanya ngabigalulira imwabo, lyo bigaagira umwete gwoꞌkuyiga bwija ngiisi kwaꞌbandu baani bali mu nyikumba, binakizi biika indahiro kwiꞌziina lyani, ti: “Nga kwo Nahano ayamiri ho.” Aaho! Iri byanganyemeera, nabyo bikabuli tuulanwa naꞌbandu baani, binagenduukirwe.

Yuheeri 3:1

Nahano adetaga kwokuno: «Ha nyuma, nâye yonere Umutima gwani ku bandu booshi. Bagala biinyu na banyere biinyu, bagakizi tanga ubuleevi. Abashaaja biinyu, bagakizi loota ibirooto. Neꞌmisore yinyu, igakizi bona amabone.

Yeremiya 49:39

Nahano ashubi detaga kwokuno: «Balya bandu beꞌHelamu, iri hagalenga isiku, ngashubi bagenduusa, nga ngiisi kwo bâli tuula.»

Yeremiya 49:6

«Haliko, mu siku ízigayija, yabo Bahamooni, ngashubi bagenduusa.» Kwokwo, kwo Nahano adesiri.

Yeremiya 48:47

«Kundu kwokwo, yabo Bamohabu, mu siku ízigayija, ngashubi bagenduusa.» Kwokwo, kwo Nahano adesiri. Ubuleevi hiꞌgulu lyaꞌBamohabu, kwokwo kwo bumaziri.

Yeremiya 31:23

Nahano woꞌbushobozi bwoshi, Rurema waꞌBahisiraheeri adetaga kwokuno: «Yabo Bayuda, ikyanya ngabagalula mu kihugo kyabo, na mu twaya twamwo, lyaꞌbandu bagashubi kizi deta kwokuno: “Nahano akizi gashaanira umugazi Sayuni! Ee! Haaho, ho atuuziri.”

Yeremiya 20:16

Ulya mundu, abaagage ngoꞌtwaya two Nahano akashereeza, buzira kutukejeerera. Ku ngiisi mukyo, akizi yuvwa akashiba. Na ngiisi kalenge-renge, akizi yuvwa ulujongo lweꞌkiteero.

Hisaaya 1:9

Nahano woꞌbushobozi bwoshi, átaki tufuuse mwaꞌbandu bagerwa, nga tukahera lwoshi nga bandu ba mu kaaya keꞌSoodoma, naꞌba mu keꞌGomora!

Zaburi 126:1

Luli mu yimbwa na ábali mu zamuukira i Yerusaleemu. Ikyanya twâli ki shwesirwi mu mbohe i mahanga, Nahano anashubi tugalulira i Sayuni. Twâli riiri nga tukola mu loota ibirooto.

Zaburi 85:1

Imwoꞌmwimangizi waꞌbimbi. Izaburi yaꞌbaana ba Koora.

Zaburi 14:7

Bwangabiiri bwija Abahisiraheeri balonge ubukize ukulyoka i Sayuni. Ikyanya Nahano agagalula abandu baage ukulyoka mu mahanga, beene Yakobo bagakizi shambaala. Ee ma! Beene Hisiraheeri bagashagaluka ngana-ngana.

Hayubu 42:10

Uyo Hayubu, iri akaba keera ahuunira biira baage, Nahano anamúgalulira ibindu byage byoshi, nga kwo âli bihiiti ubwa mbere. Ee! Anamúheereza ubugira kabiri kaabyo.

Hezekyeri 16:52

«Aaho! Bweꞌbyaha biinyu byo bikola bibi bweneene ukuhima ibya baali biinyu, banakola mu boneka nga bazira buhube, ishoni zimùgwatage, munateteerwe. Yayewe imwinyu! Si mwe mwatumaga yabo bakulu biinyu bakola mu boneka kwo bo bali shululu!

Hezekyeri 16:54

Kwokwo, lyo mugagwatwa neꞌshoni bweneene, hiꞌgulu lya byoshi byo mwâli kizi gira. Mukuba, ibyaha biinyu, byo byâli tumiri balya beene winyu bagayibona kwo bali bandu biija.

Hezekyeri 26:6

Abandu boꞌtundi twaya twinyu útuli ku ngombe, nabo bagaminikwa ku ngooti. Haaho, lyo bagaamenya ku kasiisa kwo nie Nahano.»

Yeremiya 46:27

«E bakozi baani, mwe beene Hisiraheeri! Mutayobohage, mutanavunike indege. Kundu mukatwalwa hala mu mbohe, kiri naꞌbaana biinyu, haliko ngaki mùkiza, ninamùlyose yo. Ikyanya mwâye galuke, lyo mugajeberera. Ndaanaye úgashubi kizi mùkakaza.