Hezekyeri 10:18 - Kifuliiru

¹⁸ Ha nyuma, ubulangashane bwa Nahano bwanalyokaga ha mulyango gweꞌnyumba ya Rurema, bwanagendi yimanga hiꞌgulu lya yabo bamakerubi.

Hezekyeri 10:18 Referans Kwoze

Zaburi 18:10

Rurema anayanuula igulu, anashonookera haashi, atabisiri ibibungu biiru mwiꞌdako lyaꞌmagulu gaage.

Hosheya 9:12

Na kundu bangabiiri naꞌbaana, si yabo baana, booshi bagaafwa. Ikyanya ngabasigaga boonyene, agaaba yayewe imwabo!

Yeremiya 6:8

Ku yukwo, e Yerusaleemu! Bwo ngweti ngakuhanuula, unyuvwagwe! Buzira kwokwo, ngakulyoka mwo, na ngugire ishamba limaata, halinde abandu batanaki kutuule mwo.»

2 Baami 2:11

Iri bakaba bakiri mu yugwo muganuulo, lyeryo ngana, hanayami hulukira igaare lyoꞌmuliro, ligweti ligakululwa neꞌfwarasi zoꞌmuliro, byanabahandula. Ulya Hiriya analengezibwa mwiꞌgulu, mu mbusi yaꞌkasiru-siru.

Ndondeko 3:24

Ha nyuma, Rurema anabiika bamakerubi uluhande lweꞌsheere lweꞌndalo. Anabiika neꞌngooti íri mu kyemula nga mbigi zoꞌmuliro. Iyo ngooti, yâli kizi langa injira yoꞌkugenda iwa kirya kiti kyoꞌbulamu.

Batwi beꞌmaaja 19:27

Yiba, iri akavyuka shesheezi, anayigula umulyango, gira agenderere noꞌlugeezi. Ehee! Lyeryo, anayami bona mukaage, akoli lambamiri ha mulyango, naꞌmaboko gaage gananiiri ibisimba-lyango.

Hezekyeri 41:16

Byebyo biti byo bâli limbisiizi kiri na mweꞌbihamambiro, noꞌtwazo, neꞌrya njira yoꞌkugenda mu zirya nyumba za hiꞌgulu lyeꞌzaabo. Hooshi, ukulyokera haashi, halinde ukuhisa ku twazo, bakahalimbiisa.

Hezekyeri 43:2

Ukulyokera iyo munda isheere, ubulangashane bwa Rurema waꞌBahisiraheeri bwanatanguula. Bwâli yijiri buli neꞌbisindo byage, nga lwiji lwingi. Yubwo bulangashane bwanayami tanguulira ikihugo kyoshi.

Zaburi 18:11

Anashooneraga ku makerubi, anamúbalalana, halinde anasuula umulindi mu kyanyaanya, vwi!

Zaburi 99:1

Nahano, ye mwami, anabwatiiri ha kati ka bamakerubi. Kwokwo, abandu beꞌmilala yoshi bakizi juguma. Bakizi lenga mwoꞌmusisi hooshi mu kihugo.

Hezekyeri 8:6

Nahano anashubi mbwira: «E mwana woꞌmundu, ka ubwini ngiisi byo bagweti bagaagira? Bino byagaza byaꞌBahisiraheeri, si byo biganyimuliisa mu nyumba yani! Kundu kwokwo, uganaki bona agandi mabi goꞌkuyagazania ukuhima yaga.»

Hezekyeri 28:14

Nꞌgakubiikira makerubi, gira akizi kulanga, wanaramba ku mugazi gwani mweru, wanakizi zaatira mu mabuye ágakeyengiini nga muliro.