Hezekyeri 1:27 - Kifuliiru

²⁷ Hiꞌgulu lyage mu kyanyaanya, hâli kizi kenyengana nga mulinga. Noꞌluhande lwiꞌfwo, nanabonaga nga mulinga, gwanakizi langashana imbande zooshi.

Hezekyeri 1:27 Referans Kwoze

Hezekyeri 1:4

Iri nꞌgaba ngiri mu langiizagya, haaho, nanayami bona imbuusi ngayu igweti igahuluka uluhande lweꞌmbembe. Imbere lyayo, yâli riiri ikibungu kihamu, kisokaniinwi noꞌbulangashane. Na mu kati kaakyo, mwâli kizi lyamuza ibiryamu bweneene. Mu kati ka yikyo kibungu, mwâli yasiri umuliro. Na mu yugwo muliro, mwâli kizi kenyengana bweneene nga mulinga mu kiberekaana kyoꞌmuliro.

Hezekyeri 8:2

Iri nꞌgalangiiza bwija, nanabona úwâli bonesiri nga mundu. Uluhande lweꞌwa magulu, âli bonesiri nga muliro. Noꞌluhande lweꞌwa kikaraza, âli kizi keyengana nga mulinga.

Baheburaniya 12:29

Mukuba «Rurema witu, guli muliro gwoꞌkujigiivya!»

Zaburi 97:2

Ubwami bwage busikamiiri ku bikwaniini, na ku byoꞌkuli. Ee ma! Ibibungu biiru-biiru, bimúsokaniini.

Zaburi 50:3

Rurema witu agayija, ataganahulika. Umuliro guli mu jigiivya imbere lyage. Neꞌkihuhuuta kiri mu huusa ha butambi lyage.

2 Batesaloniki 1:8

Kwokwo, ngiisi ábakalahira ukumenya Rurema, banabe batasimbahiri Imyazi Miija ya Nahamwitu Yesu, agabahana ngana-ngana.

Kulyoka 24:17

Abahisiraheeri, ikyanya bâli kizi langiiza bulya bulangashane kwiꞌrango lyoꞌmugazi, bwanaboneka nga muliro gwoꞌkusingoola bweneene.

1 Kutondobola 16:27

anayamiri ali mwoꞌlushaagwa noꞌbulangashane. Ngiisi ho atuuziri, ayamiri ali noꞌbushobozi noꞌbushambaale.

Habakuki 3:4

Agweti agayija alangashiini ngiꞌzuuba. Mu kuboko kwage, mugweti mugalyoka umulengeerwe. Mwomwo mwo anali mu bisha ubushobozi bwage.