Hayubu 9:8 - Kifuliiru

⁸ «Rurema yenyene ye katabika igulu, anakizi fina hiꞌgulu lyeꞌmidunda yeꞌnyaaja.

Hayubu 9:8 Referans Kwoze

Hisaaya 44:24

Nahano, Lukiza wawe, akakubumba mu nda ya nyoko. Anadetaga kwokuno: «Ibindu byoshi, nie kabibumba. Ee! Nienyene nie katabika igulu, nanabumba neꞌkihugo.

Hisaaya 40:22

Rurema ayamiragi abwatiiri hala, hiꞌgulu lyeꞌkihugo. Ikyanya ali mu langiiza abandu, bali mu boneka ngaꞌmahaazi naaho! Ali mu tanuula igulu ngiꞌheema, gira akizi lituula mwo.

Zakariya 12:1

Nahano anadeta igindi ndumwa hiꞌgulu lyaꞌBahisiraheeri kwokuno: «Nie Nahano nꞌgatabika igulu, nꞌganabiika indaliro zeꞌkihugo. Na kwakundi, nie gweti ngakizi biika umundu mwoꞌbugumaana.

Hayubu 37:18

Ku yikyo kyanya, Rurema ali mu tabika ibyanyaanya binaleete ikyengenye nga kilolero kyeꞌmiringa. E Hayubu, ka wangagira kwokwo?

Yeremiya 10:11

Yabo banamigisi, mugendi babwira kwokuno: «Iyo migisi, itali yo ikalema igulu neꞌkihugo. Si igamalaga lwoshi, itanaki boneke mu kihugo, kandi iri mwiꞌgulu.»

Zaburi 33:6

Nahano akabumba igulu, mu kudeta naaho. Kirya kyanya akalibumba, anabumba na íbiriri kwo byoshi.

Yohana 6:19

Abigirizibwa ba Yesu, iri bakashooja nga bilomeetere bitaanu, kandi iri birindatu, e! Banamúbona agweti agatondagira hiꞌgulu lyeꞌnyaaja! Neꞌri akaba keera ayegeera ubwato bwabo, banahuumirwa ngana!

Hisaaya 42:5

Nahano Rurema ye kalema igulu, analiyajuula. Ye kanagangaaza ikihugo na íbikimeziri mwo, ye nali mu heereza abandu baamwo ubugumaana. Kiri neꞌbindi biremwa, Nahano ye mu bibiika mwoꞌmuuka, binabe bigumaana. Nahano adetaga kwokuno:

Hayubu 38:16

«Ka keera ukagendi tanduula áhali ishyoko zeꞌnyaaja? Yizo nyaaja, ka keera ukagendi ziyitegeereza, halinde mwiꞌbenga lyazo?

Hayubu 38:11

Nanagibwira: “Imbeka yawe, hali haaha. Si utahatambuke. Imidunda yawe, kundu iri mu yidundulika, haliko, ikwiriiri ikizi malira haahano.”

Zaburi 77:19

Inguba zanakizi lavya mu kihuhuuta. Kiri neꞌbiryamu byanakizi lyamuza mu kihugo. Ikihugo kyanashagana, kyanajugumbana.

Ndondeko 1:1

Ku ndondeko, Rurema akabumba igulu neꞌkihugo.

Hayubu 26:7

Rurema ye kabiika ikyanyaanya, uluhande lweꞌmbembe, ananagania ikihugo áhatali kindu.

Hayubu 26:13

Ku muuka gwage, anatuma ikyanyaanya kigalangashana. Noꞌkuboko kwage, anagujika umujoka kundu gwâli mu limya-limya.

Hisaaya 51:13

Si nie Nahano, nie kamùbumba! Aaho! Kituma kiki wanyibagira? Nie katabika igulu, nanabiika neꞌndaliro zeꞌkihugo. Aahago! Yabo banakahambwa, kituma kiki muki bayobohiri? Kundu bâli kizi mùlibuza, banagire mbu bakizi mùshereeza, haliko leero bakolaga hayi?

Yeremiya 10:12

Nahano ye kabumba ikihugo ku bushobozi bwage. Ye kanakisikamya ku bwitegeereze bwage. Anakoleesa ubwenge bwage mu kuyanuula igulu.

Yeremiya 51:15

Nahano ye kabumba ikihugo ku bushobozi bwage. Ye kanakisikamya ku bwitegeereze bwage. Anakoleesa ubwenge bwage mu kuyanuula igulu.

1 Kutondobola 16:26

Birya abandu beꞌmahanga bali mu yikumba, si iri migisi naaho! Haliko Nahano ye kabumba igulu,