Hayubu 9:4 - Kifuliiru

⁴ Rurema ali mwitegeereza wa bweneene, anali kikalage. Aaho! Nyandagi ye bakahagana bo naye, atanakomeresibwa?

Hayubu 9:4 Referans Kwoze

Hayubu 36:5

«Yuvwagwa! Kundu Rurema ye mwene ubushobozi, haliko ndaaye ye ali mu gayiriza. Ye mwene ubushobozi. Neꞌshungi zaage zisikamiri.

Bahefeso 3:20

Rurema, ikyanya ali mu koleesagya ubushobozi bwage mu kati kiitu, ashobwiri ukugira ibyeꞌngingwe bweneene ukuhima byo twangamúhuuna! Anganagira kiri na íbitali mu mitono yitu.

Bahefeso 3:10

Kwokwo buno, ashungisiri kwo agakoleesa ishengero, halinde lyaꞌbatwali ba mu kyanyaanya, kiri naꞌbanabushobozi baamwo, bamenye bwija ngiisi kwo ali mu koleesa ubwitegeereze bwage ku njira za kwingi-kwingi.

Migani 29:1

Umundu, iri angayerekezibwa ubugira kingi, atanatwaze, masaasa atabukwa, agayami vunika, ataganaki shubi lunga.

Hayubu 9:19

«Iri twangalola ku misi, yehe ye hiiti imisi bweneene. Neꞌri twangalola ku bikwaniini imbere lyage, ndaaye úwangamúlega imbere lyaꞌbatwi beꞌmaaja.

Bahefeso 1:19

Mulonge ukumenya na ngiisi kwo Rurema ali mu koleesa ubushobozi bwage buhamu mu kati kiitu, twe tukoli múyemiiri. Yubwo bushobozi bwage buhamu, keera akabukoleesa

Bahefeso 1:8

Anagweti agatugirira amiija bweneene, mu kutuheereza ubwitegeereze bwoshi, halinde tulonge ukusobanukirwa bwija.

1 Bakorindo 10:22

Ka tuloziizi ukuteera Nahano uluugi? Kandi iri, ka mutoniri kwo twe tuhiiti imisi ukumúhima?

Barumi 11:33

Ubugale bwa Rurema, noꞌbwitegeereze bwage, noꞌbumenyi bwage, biryagagi bya kahebuuza! Ikyanya ali mu twa imaaja, ndaaye úwangasobanukirwa na ngiisi kwo agweti agaazitwa. Neꞌnjira zo ali mu lenga mwo, ndaaye úwangazimenya!

Danyeri 2:20

ti: «Tukizi huuza iziina lya Rurema, halinde imyaka neꞌmyakuula! Mukuba, ye mwene ubwitegeereze noꞌbuhagarusi.

Migani 28:14

Ahiriirwi, ngiisi úyamiri úli mu simbaha Nahano. Si ngiisi úli mu yumuusa umutima gwage, yehe, ali mu kizi yikululira umwama.

Zaburi 136:5

Ku bumenyi bwage, akabumba igulu. Urukundo lwage, luyamiri ho, halinde imyaka neꞌmyakuula.

Zaburi 104:24

E Nahano, ngiisi byo uli mu gira, biri katundu. Ibiremwa byawe byoshi, ukabibumba ku bwitegeereze. Na buno, bikoli yijwiri mu kihugo.

Hayubu 40:9

Ehee! Ka uhiiti imisi ngeꞌyeꞌmwani? Ka wangalunduma kwiꞌzu lyani?

Hayubu 12:13

Kundu kwokwo, ubwitegeereze noꞌbushobozi nirizina biri byeꞌmwa Rurema naaho. Ye mu hanuula ku njira nyija, anali mu sobanukirwa.

Hayubu 11:6

Angakumenyesiizi ngiisi kwoꞌbwitegeereze bubishamiri. Mukuba, ubwitegeereze nirizina, buli mu ba bubishamiri bweneene. Yuvwagwa! Kundu Rurema agweti agakuhana buniini, haliko kutali kwa bweneene, nga kwo ukwaniini.

Hayubu 6:10

Kundu ngoli lyaniirwi, nangaholeziibwi mu kumenya kwo ndazi nana amagambo ga Rurema, ulya Mutaluule.

2 Kutondobola 13:12

«E balya, Rurema ali kuguma na nyiitu, anali ye mu turongoora. Abagingi baage, bakola bagadihiriza ibibuga, banaturongoore mwiꞌzibo, gira tumùteere. E maashi Bahisiraheeri! Muleke ukuhagana na Nahano Rurema wa bashokuluza biinyu. Si mutagamúhima!»

Hayubu 23:6

«Aaho! Ka Rurema angakoleesa ubushobozi bwage, mu kuhambanwa? Nanga, maashi! Si anganyuvwiriza mu kati koꞌbutuudu.

Hayubu 24:22

Yabo bandu babi, kundu bangaba bali banabushobozi, banasikamiri, haliko Rurema ali mu bashereeza ku misi yage. Batanayiji ulusiku lwo bagaafwa kwo.

Hayubu 25:2

«Rurema ahiiti ubushobozi bweneene, anakwaniini ukusimbahwa. Halinde kiri na mwiꞌgulu, ye mu tegeka byoshi.

Hayubu 28:23

Rurema naaho, ye yiji injira yoꞌkulonga ubwitegeereze. Yehe naaho, ye yiji ngiisi ho bwangabonekera.

Hayubu 37:23

Rurema woꞌbushobozi bwoshi, tutangamenya ngiisi kwo ali. Ali kikalage bweneene, anali woꞌkuli. Atanali mu shobania imaaja, mu kutuhana ku njira ítali nga yo.

Hayubu 38:36

Nyandi úli mu shoboleesa ukukizi tona? Na nyandi úli mu shoboleesa ukusobanukirwa?

Hayubu 38:37

Hali ikyanya idaho liri mu yumaguka, halinde uluvu lunagwatane. Aaho! Nyandi úwangahasha ukugaaja ibibungu, halinde invula inanie mu kihugo?

Yeremiya 50:24

E Bababeeri, mwâli kizi mbagala kwo, nie Nahano. Kwokwo, nanamùtega, mwanayami gwatwa.

Kulyoka 9:7

Mwami anatuma abandu, bagendi buuza hiꞌgulu lyeꞌbitugwa byaꞌBahisiraheeri. Neꞌri bakagaluka, banadeta: «Imwabo, ndaakyo kitugwa, kiri neꞌkiguma, íkyafwa.» Kundu kwokwo, ulya mwami anakaviiriza ukuyumuusa umutima, atanaki hanguula Abahisiraheeri kwo bagende.

Kulyoka 15:7

Ku bushobozi bwawe bwaꞌkahebuuza, watindimaza abagoma baawe. Na ku buraakari bwawe, uli mu bajigiivya nga byula.

2 Kutondobola 20:6

Anahuuna kwokuno: «E Nahano Rurema wa bashokuluza biitu, wehe we Rurema úli mwiꞌgulu! We na twaziri amaami gooshi ga mu kihugo. We mwene ubushobozi bwoshi neꞌmisi, ndaanaye gundi úkusumbiri.

Hayubu 15:13

Kituma kiki ugweti ugamúrakarira ku magambo mwene yago? Na kituma kiki gali mu folomboka mu kanwa kaawe?

Hayubu 41:2

Aaho! Bwo ndaaye mundu úwangatami gira mbu akikange, nyandagi leero úwangambangirira?

Hisaaya 45:9

Yayewe imwa ngiisi ábagweti bagahagana noꞌMulemi wabo. E balya! Si tuli nga kirugu kiꞌbumba! Aaho! Kiꞌbumba lyangabuuzagya umubuuvi: «Bikagi ugweti ugaagira? Si ndaabyo wahanya!»

Nahumu 1:3

Nahano, kundu ayamiri agweti agayigenderera, halikago ali mwene ubushobozi. Atali mu lekeerera banangora-mabi, si agweti agabahana. Ikyanya agweti agagenda, hali mu boneka imibangami neꞌbihuhuuta. Ishando zaage, ikyanya ziri mu tumuula ulukungu, luli mu boneka nga bibungu.