Hayubu 8:9 - Kifuliiru

⁹ Twehe, twabutwa bigingo naaho, ndaanabyo tuyiji. Isiku ziitu mu kihugo, ziri mu lenga nga kimbehwa.

Hayubu 8:9 Referans Kwoze

1 Kutondobola 29:15

Si imbere lyawe, tuli nga binyamahanga. Tunali bageezi, nga kwo bashokuluza biitu booshi bâli riiri. Isiku ziitu mu kihugo, ziri nga kimbehwa íkiri mu hinjuka. Ndaanagwo mulangaaliro, kwo tugatuula ho.

Zaburi 144:4

Si abandu balyagagi nga muuka naaho! Isiku zaabo ziri mu lenga duba, nga kimbehwa.

Hayubu 14:2

Ali mu yasa bwija nga kaaso, haliko haaho, anashubi bogama. Ali mu lenga nga kimbehwa, anayami nyerera.

Zaburi 102:11

E Rurema, maashi! Nabonaga kwo ukoli rakiiri bweneene. Keera ukandengeza, wananvugumula hala.

Hayubu 7:6

Isiku zaani, ziri mu lenga duba-duba, ukuhima umulindi gwoꞌtuti twoꞌkuluka mweꞌmirondo. Ee! Isiku zaani, ziri mu mala duba. Noꞌmulangaaliro, ndaakigwo.

Ndondeko 47:9

Yakobo, ti: «Imyaka yo ngoli hiiti mu kuno kujeba-jeba kwani, ikola myaka igana na makumi gashatu. Iyo myaka, iryagagi migerwa naaho, inayijwiri mwaꞌmalibu. Na kwakundi, ndazi hika ku myaka ya bashokuluza baani, kundu nabo bâli kizi jeba-jeba.»

Zaburi 90:4

Mu masu gaawe, imyaka kihumbi iri mu ba nga lusiku luguma keera úlwalenga, kandi iri nga kihande kiguma kyoꞌbushigi.

Zaburi 39:5

«E Nahano, ummenyeese ngiisi kwoꞌburambe bwani buli mu suula umulindi. Unanyereke ngiisi kwo bugaahera. Umbwire ulusiku lwo ngaafwa kwo.

2 Kutondobola 10:6

Uyo Rehobwamu anakuumania abashaaja ábâli kizi kola ku kyanya kya yishe Sulumaani, anababuuza: «Yaba bandu, mumbanuule, mbashuvye kuti.»

Hayubu 8:10

Si boohe, bo bali noꞌbulyo bwoꞌkukuyigiriza, halinde lyo usobanukirwa noꞌbwitegeereze bwa keera.

Hayubu 32:7

Nanakizi yitoneesa: “Uleke yaba bashaaja batee deta. Ee! Ábakoli hiiti imyaka mingi, bo bali mu yigiriza ku bwitegeereze.”

Hayubu 14:1

«Umundu yeshi úli mu butwa noꞌmukazi, ali wa kuramba isiku niini naaho, anali mu zilonga mwaꞌmakuba.

Zaburi 82:5

«Mwe banangora-mabi, si ndaakyo muyiji, mutanali mu sobanukirwa. Ku kyanya indaliro zooshi zeꞌkihugo zigweti zigashaganibwa, muli mu kizi genda mugamamaata mu kihulu.

Zaburi 102:12

Isiku zaani, zikola mu lengaga duba nga kimbehwa, na ngoli yumagusiri nga kishuka.