Hayubu 8:8 - Kifuliiru

⁸ «Wangatee buuza bashokuluza ábakatanga imbere lyawe, halinde lyo naawe ulonga ukumenya ngiisi byo bâli mali yiga.

Hayubu 8:8 Referans Kwoze

Hayubu 15:18

Yaga magambo, abitegeereza bo bakagabwirwa. Kiri na bayishe banababwira gaago-gaago. Ndaanalyo igambo lyo bakababisha.

Bukengeeze 32:7

«Mukengeere isiku za keera. Mukizi salira ku bibusi íbikalenga. Mubuuze bayisho, na bashokuluza biinyu, bagamùganuulira íbikaba.

Bukengeeze 4:32

«Kwokwo, mukizi yitoneesa ku byâli kizi koleka yaho kare, ku kyanya mutazi butwa. Munayibuuze ku lusiku lwo Rurema akatondeera ukubumba abandu mu kihugo. Aaho! Hooshi mu kihugo, ka hali ugundi úli mu yikumbwa, anabe akagira nga kwo Rurema akamùgirira. Ka keera likayuvwikana? Si liri lya kahebuuza!

Barumi 15:4

Na ngiisi íbikayandikwa yaho keera mu Mandiko Meeru, bikayandikwa hiꞌgulu lyoꞌkutuyigiriza, gira lyo tuba bigenderezi, tunakanibwe mu mitima, halinde lyo tuba noꞌmulangaaliro.

1 Bakorindo 10:11

Yibyo byoshi, ikyanya bikakoleka imwabo, byanayandikwa, gubaagage mugani gwoꞌkutukengula, twe tukoli tuuziri mu siku zeꞌmberuuka.

Hisaaya 38:19

Si ábakiri bagumaana, boohe, bo bali mu kuhuuza, nga kwo naani ngweti ngaagira zeene. Abashosi bakwaniini bakizi menyeesa abaana baabo ngiisi kwo uli mwemeera.

Zaburi 44:1

Imwoꞌmwimangizi waꞌbimbi. Amigirizo gaꞌbaana ba Koora.

Hayubu 15:10

Si ha kati kiitu, hali abashaaja, naꞌbitegeereza. Banakoli hiiti imyaka mingi ukuhima yisho.

Hayubu 12:12

Abashaaja, bo bahiiti ubwitegeereze, banali mu sobanukirwa naꞌmagambo mingi.

2 Kutondobola 10:6

Uyo Rehobwamu anakuumania abashaaja ábâli kizi kola ku kyanya kya yishe Sulumaani, anababuuza: «Yaba bandu, mumbanuule, mbashuvye kuti.»

Hayubu 20:4

«Kwangaba ukoli yibagiiri ngiisi kwo biri mu ba, ukulyokera ho Rurema akabumbira abandu mu kihugo.

Yuheeri 1:2

E bashaaja! Muyuvwirize! Mwe batuulaga booshi beꞌBuyuda, mutegage amatwiri! Aaho! Mu siku ziinyu, kandi iri mu za bashokuluza biinyu, igambo mwene lino, ka keera likakoleka?

Hayubu 13:1

«Yuvwa! Yago magambo gooshi, keera nꞌgagabona naꞌmasu gaani, nanagayuvwa naꞌmatwiri gaani. Na buno, ngoli gasobanukiirwi.