Hayubu 8:3 - Kifuliiru

³ Aahago! Ka utoniri kwo Rurema agweti agashobania ukuli? Si ali Rurema woꞌbushobozi bwoshi! Yehe atangakushobania.

Hayubu 8:3 Referans Kwoze

2 Kutondobola 19:7

Kwokwo, mukizi múyoboha. Ngiisi igambo lyo mugaagira, mukizi ba masu. Mumenye kwo Nahano, Rurema witu atali mu siima, ikyanya abandu bali mu shobania ukuli, banabe bali mu bonerana, kandi iri ukubulikwa.»

Bukengeeze 32:4

ye na lwala. Imikolezi yage ikwaniini. Neꞌnjira zaage zooshi, ziri zoꞌkuli. Rurema witu ali mwemeera, ndaanago mahube go ali mu gira. Ayamiri ali mu gira íbikwaniini, na íbiri byoꞌkuli.

Ndondeko 18:25

Nanga! Utangayita ábakwaniini, na ábatakwaniini. Bitanganaziga kwo ábayimaaziri mu kuli, bahanirwe kuguma na banangora-mabi. Si we mutwi weꞌmaaja wa mu kihugo kyoshi, unali mu zitwa mu kati koꞌkuli.»

Danyeri 9:14

Ikyanya tukahuna imbere lyawe, utanatindiriza ukutuhana. Mukuba, ngiisi byo ugweti ugakizi kola, uli mu bikola ku njira íkwaniini.

Bwigule 16:7

Ha nyuma, nanayuvwa izu ukulyoka mu katanda koꞌkutangira kwaꞌmatuulo, ligweti ligayemeereza kwokuno: «E Nahano Rurema woꞌbushobozi bwoshi! Imaaja zo ugweti ugatwagaga, uli mu zitwa ku njira íkwaniini! Inali yoꞌkuli.»

Bwigule 15:3

Bâli gweti bagayimba ulwimbo lwoꞌmukozi wage Musa, noꞌlwimbo lwa kirya Kyanabuzi. Yulwo lwimbo, ludesiri kwokuno: «E Nahano Rurema woꞌbushobozi bwoshi! Ibyo uli mu gira, biryagagi mwoꞌbukalage! Binali bya kahebuuza. Biyamiri bikwaniini, binali byoꞌkuli.

Barumi 2:5

Si ulyagagi mundagabika! Keera wanayumya umutima gwawe! Ku yukwo, ugweti ugayibiikira ikihano kihamu ngana-ngana ku lusiku lwo Rurema agayerekana uburaakari bwage. Ee! Rurema agaatwa imaaja zaꞌbandu ku njira íkwaniini.

Hezekyeri 33:20

«Halikago mwehe, muki gweti mugashubi deta, ti: “Byo Nahano ali mu gira, bitali biija!” E Bahisiraheeri! Mumenye kwo ngamùhana mweshi, ukukulikirana neꞌngesho ziinyu.»

Hezekyeri 33:17

«Abiinyu bagweti bagaadeta, ti: “Aahabi! Yibyo Nahano agweti agaagira, bitali biija!” Naani, ti: “Nanga maashi! Si boohe boonyene, bo batali mu gira ibiija.”

Hezekyeri 18:25

«Hali ikyanya mwangadetaga kwo Nahano atagweti agaagira íbikwaniini. E Bahisiraheeri! Muyuvwirize kwokuno: “Niehe ndi mu kizi gira amiija.” Si mwehe, ngiisi byo mugweti mugaagira, bitali nga byo.

Zaburi 99:4

E mwami, uli mu ba kihagange, unakuuziri ukuli. Mu Bahisiraheeri, we keera ukasikamya íbikwaniini, unagweti ugaagira íbikwaniini mu kati koꞌkuli.

Zaburi 89:14

Ukuboko kwawe kulyagagi noꞌbushobozi. Ee! Kuli noꞌbushobozi bweneene, kunali mu huuzibwa.

Hayubu 40:8

Aahago! Ka uloziizi ukudeta kwo ndi mu twa imaaja ku njira ítali nga yo? Ka uloziizi ukubonesa kwo ndi munabuhube, gira lyo naawe uyiyerekane kwo ukwaniini?

Hayubu 40:2

«Ka ugagenderera ukumbaliiza, nie Rurema woꞌbushobozi bwoshi? Si ugweti ugambaliiza, na ndi nie Rurema nienyene! Aahago! Ngiisi byo ngakubuuza, ubishuvye.»

Hayubu 35:13

Ikyanya umundu ali mu huuna-huuna mu kuyidodomba kwokwo, Rurema woꞌbushobozi bwoshi, atali mu mútwaza.

Hayubu 34:5

«Si Hayubu akadeta mbu: “Niehe Hayubu, ndagweti buhube. Kundu kwokwo, Rurema atali mu ndwira ulubaaja mu kati koꞌkuli.

Hayubu 21:20

Boonyene, banalonge ukumenya ngiisi kwo bagashereezibwa. Banakizi libuuka ku buraakari bwa Rurema woꞌbushobozi bwoshi.

Hayubu 21:15

Ehee! Rurema woꞌbushobozi bwoshi, alyagagi nyandi? Kituma kiki tugakizi múkolera? Neꞌkyanya tugamúhuuna, tugalonga bunguke buki?”

Hayubu 19:7

«Ngweti ngayamiza, ti: “Undabaale, maashi!” Kundu kwokwo, ndaaye úgweti úganyitaba. Na kundu ngweti ngabanda akashiba, mbu ndabaalwe, si ndaaye úli mu mbeereza ukuli kwani.

Hayubu 10:3

Ikyanya uli mu ndibuza, uli mu yunguka biki? Kituma kiki uli mu ndahira, na wenyene we kambumba? Si banangora-mabi boohe, ikyanya bali mu gira igambi libi, uli mu siima!

Hayubu 9:2

«Ewe! Yibi byoshi wadeta, nyiji kwo biri kwokwo. Aaho! Kutagi kwoꞌmundu angaharuurirwa kwo akoli kwaniini imbere lya Rurema?

Hayubu 4:17

“Abandu boꞌkufwa, ka bangaboneka kwo bali noꞌkuli imbere lya Rurema? Ikyanya bakola imbere lyoꞌMulemi wabo, ka bangaboneka kwo bayeruusiri?

Hayubu 36:3

Ngaki kuyereka ngiisi kwoꞌMulemi wani ali woꞌkuli, mu kukoleesa amagambo gaꞌkahebuuza.

Hayubu 36:23

Ndaaye úwangashungikira Rurema byo agaagira. Ndaanaye úgamúbwira, mbu: “Ewe! Si keera wahuba!”

Hayubu 37:23

Rurema woꞌbushobozi bwoshi, tutangamenya ngiisi kwo ali. Ali kikalage bweneene, anali woꞌkuli. Atanali mu shobania imaaja, mu kutuhana ku njira ítali nga yo.

Hayubu 19:6

Munamenyage kwo Rurema yenyene ye kambubira, anangwasa mu lushenga lwage.